Tímarit Máls og menningar - 01.09.2005, Qupperneq 30

Kristín Arngrímsdóttir
Rauða herbergið
Það hriktir í hjörunum þegar hurðin opnast inn í lítið rauðmálað
herbergi. Þar inni er lítið trérúm og við hliðina á því er borð með
náttlampa. Á hvítu rúmteppinu liggur bangsi á grúfu líkt og ein-
hver hafi fleygt honum hirðuleysislega frá sér. Fyrir ofan rúmið
hangir gömul ljósmynd af skeggjuðum manni með sérlega hvassan
svip og mikið nef. Hann horfir beint í augun á mér. Á gleri mynd-
arinnar speglast glugginn á veggnum andspænis. Þaðan er útsýni
yfir óslegið tún, ána sem bugðast handan við túnið og jökulinn
baðaðan sólskini. Við túnfótinn er svartur hundur sem skotrar
augunum ögn flóttalega í átt að húsinu. Eyrun eru reist en skott-
ið lafir. Sólin skín skáhallt inn um gluggann á glerkrukku með
nokkrum sniglakufungum og hornsílum. í gluggakistunni dregst
veiklulegur snigill áfram og skilur eftir sig skínandi slóð.
Sagan hlaut önnur verðlaun í örsögukeppni MENOR og TMM 2005.
28
TMM 2005 • 3