Tímarit Máls og menningar - 01.09.2005, Side 127

Tónlist
menningarsetur, heldur beinlínis nauðsynleg fyrir uppgang íslensks tónlistar-
lífs.
Lokaorð
f þessari grein hef ég velt fyrir mér hvaða erindi sígild, erlend tónlist eigi í
Reykholti. í ljósi íslenskrar tónlistarsögu virðist hún ekki eiga heima þar; Reyk-
holt er einn helsti sögustaður landsins en sígild, evrópsk tónlist náði ekki hing-
að fyrr en langt var liðið á 19. öldina. Sögupersónan Snorri Sturluson var þó í
svo nánum tengslum við evrópska menningu síns tíma að veraldleg listiðkun í
Reykholti er í rauninni fyllilega viðeigandi. Auk þess er alþjóðleg tónlistarhátíð
með færustu tónlistarmönnum kærkomin viðbót við íslenskt menningarlíf. En
það mætti útskýra betur gildi staðarins fyrir tónleikagestum, setja tónlistina
og Reykholt í stærra samhengi ef hátíðin á að halda velli í framtíðinni.
(Höfundur vill þakka séra Geir Waage, Nirði Sigurjónssyni og Steinunni Birnu
Ragnarsdóttur fyrir gagnlegar ábendingar.)
TMM 2005 • 3
125