Heilbrigðisskýrslur - 01.12.1955, Page 193

— 191 —
1955
sýndi enga bólgu í hjartavöðva
né neinar verulegar breytingar. í
blóði fannst 1,07%* alkóhól. Eftir-
grennslun var hafin um, hvort
verið gæti, að konan hefði tekið
eiturlyf. Sérstaklega var spurt um
amfetamín og svefnlyf, en þeir,
sem kunnugastir voru, þvertóku
fyrir, að um slíkt gæti verið að
ræða. Hins vegar upplýstist, að
konan hafði reykt sígarettur ó-
hóflega, en ekki unnt að fá upp-
lýst, hve mikið það hefði verið.
Maður hennar taldi, að það hefði
ávallt verið meira en einn pakki
á dag. Ályktun: Þar sem öll sjúk-
dómseinkenni konunnar bentu til
hjartatruflana og upplýst er, að
konan reykti sigarettur í óhófi, er
sennilegast að kvalaköst hennar
hafi stafað af nikótineitrun, sem
oft kemur þannig í Ijós, vegna
krampanna, sem hún veldur í
kransæðum, og að nikótineitrun
hafi orðið konunni að bana, því
að hún mun hafa reykt mikið í
bílnum. Því miður eru ekki að-
stæður hér til að leita að nikótini
í líkamsvefjum.
36. 29. september. S. B-son, 57 ára
vélstjóri. Leið út af í búð í
Reykjavik og var andaður, áður
en náðist til læknis. Ályktun: Við
krufningu fannst mjög stækkað
hjarta (640 g). Gollurshús var
fullt af blóði, og var það þannig
til komið, að meginæð (aorta)
hafði rifnað um 4 sm neðan við
hjarta, og hafði blóð tætt i sund-
ur æðavegginn, brotizt þaðan up])
undir hjarta og síðan inn í goll-
urshús. Þessi skyndilega blæðing
inn i gollurshús hefur mjög fljót-
lega gert út af við manninn. Enn
fremur fannst illkynjað æxli í
hægra nýra og menjar eftir drep
á tveimur tiltölulega litlum blett-
um, sitt hvorum megin í heila.
37. 30. september. K. B-dóttir, 41 árs.
Fannst látin uppi i kirkjugarði á
milli leiða foreldra sinna. Áfengis-
flaska og lyfjadós eftir klórproma-
zín fannst rétt hjá líkinu. Álykt-
un: Við krufningu fannst enginn
sérstakur sjúkdómur, sem útskýrt
gæti dauða konunnar. Útlit liks-
ins líktist mest því, að konan
hefði orðið úti og dáið úr kulda.
í blóði líksins fannst ekki alkó-
hól, þótt vínlykt fyndist af likinu.
Ekki unnt að segja, hve mikinn
þátt klórpromazín hefur átt í
dauða konunnar, vegna þess hve
nýtt og lítt reynt það lyf er.
38. 3. október. R. Ó-dóttir, 53 ára.
Líkið fannst rekið í Reykjavíkur-
höfn. Ályktun: Af útliti líkisins
og sérstaklega af útliti lungnanna
er auðsætt, að konan hefur komið
lifandi í sjóinn og drukknað.
39. 10. október. Y. H. P-son, 41 árs.
Lenti i ryskingum og mun annað
hvort hafa dottið eða verið sleg-
inn í höfuð með þeim afleiðing-
um, að hann varð fljótt meðvit-
undarlaus. Morguninn eftir var
skorið inn á höfuðbein; á hvirfli
fannst þar sprunga i beininu, og
þegar borað var i gegnum beinið,
fannst mikil blæðing undir.
Fannst blæðandi slagæð i heila-
basti, og var bundið fyrir hana
og blóðstorkan fjarlægð. Þrátt
fyrir aðgerðina fór sjúklingnum
brátt hrakandi og dó hann sam-
dægurs. Ályktun: Við krufningu
fannst, auk menja eftir nýafstaðna
aðgerð á heilabúi, leifar eftir
mikla blæðingu, sem hafði verið
tæmd út við aðgerðina. Saumur
fannst í a. meningea media, sem
hafði rifnað, og sýnilegt, að blæð-
ingin hafði stafað frá henni. Auk
þess fundust blæðingar i heilabrú
og einnig á öðrum stað vinstra
megin í heila, og virðist svo sem
jjessar blæðingar, einkum blæð-
ingarnar i heilabrúnni, hafi vald-
ið dauða mannsins. Dálítill bjúg-
ur var kominn i heila.
40. 24. október. S. T-son, 7 ára. Varð
fyrir bíl og var fluttur meðvit-
undarlaus i sjúkrahús. Fékk dá-
litla rænu, en sá ekki neitt, virtist
vera blindur. Hrakaði fljótt og dó
eftir rúman sólarhring. Ályktun:
Við krufningu fundust margar
blæðingar, en frekar smáar, í
heila víðs vegar. Bæði læri voru
brotin og vinstri fótleggur. Þá