Þjóðmál - 01.03.2020, Síða 35

ÞJÓÐMÁL Vor 2020 33
Það er erfitt að ætla sér að setjast niður með
ráðherra til að ræða almennt um stjórnmál
og hugmyndafræði nú þegar allur heimurinn
verður fyrir áhrifum vegna útbreiðslu kórónu-
veirunnar. Hér á landi hefur ríkisstjórnin
brugðist hratt við og kynnt umfangsmiklar
efnahagsaðgerðir til að minnka höggið sem
af þessu skapast. Það liggur ekki fyrir hversu
langan tíma það mun taka að ræsa hagkerfi
heimsins á ný né hversu slæmar afleiðingar
útbreiðsla veirunnar mun hafa á íslenskt
efnahagslíf. Það sem við vitum þó er að þær
verða miklar. Því er ekki hjá því komist að
hefja viðtal við Þórdísi Kolbrúnu á því að
spyrja um stöðuna nú, enda ljóst að mikið
mun mæða á ráðherra ferðamála, iðnaðar og
nýsköpunar á næstu vikum og mánuðum.
„Þetta er auðvitað gríðarlegt högg en við
fórum hratt af stað í það að reyna að meta
stöðuna og teikna upp ólíkar sviðsmyndir.
Við höfum séð þær sviðsmyndir breytast nær
daglega og jafnvel innan sama sólarhrings,“
segir Þórdís Kolbrún.
„Ég tel að það hafi verið rétt að útfæra
aðgerðir til að bregðast við þessari stöðu áður
en þær voru kynntar. Það er að einhverju
leyti ólíkt því sem sum önnur ríki hafa gert.
Við erum að leggja höfuðáherslu á starfsfólk,
þ.e. að verja störfin eins og hægt er. Ríkið er
nú að greiða stóran hluta launa í landinu í
ákveðinn tíma. Því til viðbótar var greiðslu
opinberra gjalda og staðgreiðslu frestað.
Við, eins og allir aðrir, vonuðumst til þess að
þetta yrði ekki langvinnt ástand en eins og
staðan er nú getur enginn sagt nákvæmlega
til um þróunina á næstu vikum og mánuðum.
Ástandið mun vara lengur en menn töldu í
fyrstu, áhrifin eru djúpstæðari og við munum
þurfa að grípa til frekari aðgerða.“
Þórdís Kolbrún segir að unnið sé að því alla
daga að meta þær aðgerðir sem ráðast þurfi í.
„Það á ekki að vera feimnismál að tala um
kreppu í þessu samhengi, því þetta er
auðvitað ekkert annað en alvarleg kreppa,“
segir Þórdís Kolbrún.
„Sumir hafa líkt þessu við stríðsástand.
Munurinn er þó meðal annars sá að í stríði
halda menn hagkerfinu gangandi með
vopnaframleiðslu og annarri iðnaðarfram-
leiðslu. Nú er hins vegar búið, í fyrsta sinn í
sögunni, að gera tilraun til að svo gott sem
slökkva á hagkerfum heimsins. Þessi staða á
sér því engin fordæmi. Við höfum upplifað
farsóttir og kreppur á liðnum áratugum og
öldum en nú erum við miklu tengdari en
áður og þetta hefur fljótt áhrif á öll hagkerfi.
Alþjóðaviðskiptin hafa aldrei verið meiri en
nú og hagkerfin hafa áhrif á hvert annað. Það
veit enginn fyrir víst hvernig á að tækla þetta
en allir eru sammála um að við ætlum að
komast í gegnum þetta.“
Það veit enginn fyrir víst hvernig á að tækla þetta en
allir eru sammála um að við ætlum að komast í gegnum þetta.“