Þjóðmál - 01.03.2020, Side 44

42 ÞJÓÐMÁL Vor 2020
Sterkar konur í Sjálfstæðisflokknum
Þá að Þórdísi Kolbrúnu sjálfri, sem er alin upp
á Akranesi. Það má segja að ferill hennar hafi
verið nokkur hraður miðað við það sem áður
þekkist. Hún var framkvæmdastjóri þingflokks
Sjálfstæðisflokksins árið 2013, aðstoðarmaður
innanríkisráðherra frá árslokum 2014 og var
kjörin á þing haustið 2016 eftir að hafa náð
2. sæti í prófkjöri Sjálfstæðisflokksins í NV-
kjördæmi. Hún varð síðan sem fyrr segir
ráðherra þegar ný ríkisstjórn tók til starfa í
byrjun árs 2017. Þórdís Kolbrún var jafnframt
kjörin varaformaður Sjálfstæðisflokksins í
mars 2018.
„Ég fór ekki í pólitík af því að ég vildi að öllum
líkaði vel við mig. Ég hef alltaf verið opin með
það fyrir hvað ég stend og á hvað ég trúi og
hvernig tegund af stjórnmálamanni ég er.
Ég get ekki reynt að vera einhver önnur en
ég er. Ég hef tekist á við verkefni mín sem
stjórnmálamaður eins og ég geri með önnur
verkefni og ákvarðanir í lífinu,“ segir Þórdís
Kolbrún þegar hún er beðin um að lýsa sjálfri
sér sem stjórnmálamanni.
Næstu alþingiskosningar fara að öllu óbreyttu
fram á næsta ári, þótt ekki liggi enn fyrir
hvort þær fari fram að vori eða hausti.
„Það á eftir að ákveða hvernig raðað verður á
lista og ég veit ekki hversu mikil endurnýjun
mun eiga sér stað í þingflokki Sjálfstæðis-
flokksins,“ segir Þórdís Kolbrún spurð um
væntanlega endurnýjun flokksins.
„Einstaklingar skipta máli og við viljum
senda sterkasta mögulega liðið út á völlinn.
Ég er þeirrar skoðunar að liðið sem þú setur
út á völlinn, sem á að vera í forsvari fyrir þá
breiðfylkingu sem Sjálfstæðisflokkurinn er,
þurfi að vera fjölbreytt. Þá er ég ekki bara að
vísa til kyns og aldurs, heldur líka bakgrunns,
reynslu og áherslna. Það er enginn meiri
eða minni sjálfstæðismaður en hver annar
innan flokksins þótt það séu ólíkar skoðanir á
ýmsum málum. Verst geymda leyndarmálið
um velgengni flokksins til þessa er einmitt
hversu margar ólíkar skoðanir eru innan hans
en menn sameinast þó um ákveðin grunngildi
og fylgja þeim eftir. Það eru gerðar meiri kröfur
en áður um fjölbreytni innan stjórnmálaflokka
og við þurfum að svara þeim kröfum.“
Mörgum er tíðrætt um stöðu kvenna innan
Sjálfstæðisflokksins. Það má þó segja að
núverandi formaður, Bjarni Benediktsson,
hafi farið óhefðbundna leið þegar hann, í
upphafi árs 2017, skipaði Þórdísi Kolbrúnu
ráðherra ásamt Sigríði Andersen og Áslaugu
Örnu Sigurbjörnsdóttur á síðasta ári. Engin
þeirra er oddviti í sínu kjördæmi.
„Sú ákvörðun hans var ekki óumdeild og ég
er auðvitað ekki hlutlaus þegar kemur að því
að leggja mat á það,“ segir Þórdís Kolbrún
spurð um þetta.
„Mér fannst hann þó sýna kjark með því og
hann braut upp hið hefðbundna og þekkta
form. Þessar ákvarðanir skiptu máli og breyta
sögu Sjálfstæðisflokksins. Bjarni hefur nú
skipað fleiri konur sem ráðherra en allir aðrir
formenn flokksins samanlagt. Til að gæta
sanngirni í sögulegu samhengi þarf þó að
hafa í huga að konum í stjórnmálum hefur
fjölgað.“
Við höfum áður séð sterkar konur í forystu
Sjálfstæðisflokksins en sumir hafa þó haldið
því fram að hann sé einnar konu flokkur – í
þeirri merkingu að það sé aðeins pláss fyrir eina
sterka konu í einu. Er það rétt?
„Sú gagnrýni hefur átt rétt á sér að einhverju
leyti en ekki að öllu,“ segir Þórdís Kolbrún.
„Ég vona þó að þeir tímar séu liðnir, því í
þeirri breiðfylkingu sem flokkurinn er þá er
nægt pláss fyrir konur í hvers kyns forystu-
hlutverkum innan flokksins. Það eru sterkar
konur í flokknum og ég vil hafa sterkar konur
í kringum mig og í forystu Sjálfstæðisflokksins,
óháð því hvort ég er þar sjálf eða ekki. Þær
konur sem voru í forystu á undan mér voru
varða á ákveðinni vegferð og ég vona að ég
sé einhvers konar varða líka. Það koma fleiri
sterkar konur með mér og á eftir mér.“