Strandapósturinn - 01.06.1981, Síða 55

Munir í Heydalsárskólanum, skólaborð, skólastofa og ofn úr skólastofu.
Myndin tekin eftir að skólinn var rifinn 1964.
inda og eins hvað varðar vélvæðingu bæði í landbúnaði og
sjávarútvegi.
Á þeim sviðum hafa þeir ekki alltaf verið sporgöngumenn,
heldur hafa þeir í sumum tilvikum gengið feti framar en aðrir
þegnar þessarar þjóðar. Því til sönnunar má nefna, að það var
Strandamaður, að vísu burtfluttur, sem sýndi fram á yfirburði
kraftblakkarinnar eftir að aðrir höfðu hafnað þessu veiðitæki
vegna misheppnaðra tilrauna með það. Þá komu hinir giftu-
drjúgu eiginleikar Strandamannsins vel í ljós, því að það þurfti
sannarlega mikla seiglu, jafnvel þrjósku ásamt útsjónarsemi og
bjartsýni til að halda áfram umbótum á kraftblökkinni eftir að
allir aðrir höfðu gefist upp. Á bak við þá baráttu er saga, sem
ekki verður rakin hér. En óneitanlega er gaman fyrir Stranda-
menn að vita það, að nú nýtur hvert nótaskip á Norður-At-
lantshafi góðs af þeirri baráttu.
53