Strandapósturinn - 01.06.1981, Qupperneq 57

Nemendur í Heydalsárskálanum 1946—7 við inngang skólans.
þeirra oft valdið tilhlökkun, fjölbreytni og lífsfyllingu í við-
burðasnauðu amstri dægranna.
Einkum urðu ungmennafélögin vinsæl fyrir uppfærslu leikrita
og forgöngu i skemmtanalífi og íþróttaiðkunum. Og málfundir
ungmennafélaganna fyrstu áratugina voru háþróaðar menn-
ingarsamkomur, sem jafna má við nám í lýðskóla, enda er ung-
mennafélagshreyfingin runnin frá lýðskólum Norðurlanda. A
fundunum gafst tækifæri til að þjálfa sig í framsögn og mál-
flutningi, er síðar kom oft að góðu haldi þegar á reyndi. Eftir
fundina var brugðið á leik eða dansað. Þar réði gleðin ríkjum, en
áfengi var víðsfjarri. Meir en hálf öld er nú liðin frá því að fyrstu
ungmennafélögin voru stofnuð í sýslunni, en málfundir stóðu
með mestum blóma á þriðja og fjórða áratug aldarinnar. Frá
þeim tíma munu margir af eldri kynslóðinni eiga hugljúfar
minningar.
Það er augljóst mál, að framan talin félög og stofnanir eiga
ríkan þátt í menningarsöguokkar, en fleiri eiga hér hlut að máli,
55