Strandapósturinn - 01.06.1981, Síða 106

Jóhannes frá Asparvík:
Til Strandamanna
Þau eru orðin mörg eyðibýlin í Strandasýslu. Það fólk er síðast
bjó á þessum býlum er sem óðast að falla í valinn svo eftir fá ár
verður enginn til frásagnar um þessar jarðir, gæði þeirra og
ókosti, erfiða lífsbaráttu fólksins er þar bjó, hver bjó þar síðast og
hversvegna fór jörðin í eyði. Einnig gleymast og giatast ýmsar
þjóðsögur og sagnir er fylgt hafa þessum jörðum langt aftur í
aldir. Það væri því mikils virði ef þeir sem enn lifa og bjuggu eða
ólust upp á þessum býlum inntu af hendi síðasta skylduverkið
við æskustöðvarnar að bjarga þeim frá algerri gleymsku.
Þessi þáttur Inga Guðmonssonar um eyðibýlið Kolbeinsvík er
mjög góð heimild um þetta litla kot og bjargar því frá gleymsku
þegar stundir líða fram.
Ég undirritaður snéri mér til Inga og bað hann að taka saman
þennan þátt og brást Ingi svo vel við þeirri málaleitan að eftir
viku hafði hann skráð þennan þátt um Kolbeinsvík og afhent
mér hann.
Nú vil ég skora á alla þá er hafa búið eða alist upp á þessum
eyðibýlum að inna af hendi síðasta skylduverkið við æskustöðv-
amar, en það er að bjarga þeim frá gleymsku. Þessa þætti megið
þið senda mér eða ritnefnd Strandapóstsins og munu þær birtast
þar og um leið yrðu þær komnar í örugga geymslu.
Hefjist handa nú þegar kæru Strandamenn, æskustöðvarnar
eiga kröfu til ykkar að þið bjargið þeim frá því að gleymast í
umróti komandi tíma.
104