Bibliotheca Arnamagnæana - 01.06.1952, Page 24
DE ISLANDIA
IO
varils, ut titulus præ se fert, autoribus exdecimatum. Quin etiam
orbem reliquum, præsertim utramque Indiam, tuo labore histo-
rico antea absoluto Germanis innotescere ex præfatione tuå
dedicatoriå colligere est. Quod quum ita sit, et quum nobile
Fabriciorum nornen tute cognomento assumpseris, volui etiam s
nominis occasione prædictarum Fabricii virtutum, historicum
professo summe necessariarum, reminisci: ut si iisdem jam
præstes, laudari te communi bonis elogio intelligas. Sin vero ad
earundem apicem aliquid adhuc reliquum tibi esse senseris, ipsum
te Fabriciorum nornen id studiosé sectandum esse moneat. 10
Quid vero in C. Fabricii continentiå et constantiå polemicå
historico imitandum proponi censeam, expedire me jubes? faciam
brevissimé. Nimirum quemadmodum is contra hostis potentiss.
et Ducis, secundum Alexandrum (ut ab historicis celebratur)
fortissimi, quippe qui ab Hercule genus paternum, maternum ab is
Achille duceret, dolum et attentamenta animum obfirmavit, ne
qua ratione å boni Consulis et Imperatoris officio diversus abri-
peretur; ita sane historiarum studiosus et scriptor adversus suum
hostem, historiæ videlicet quam tractat infestissimum, hoc est
FABULAS et FIGMENTA, inexpugnabilem præstare se 20
tenetur. Difficilis, me hercle, illa pugna, nec omnibus scriptorum
nornen mereri volentibus sat feliciter depugnata. Auro Fabricium
Pyrrhus et ELEPHANTO pertentabat: AURUM quoque est,
mi Fabrici, quod scriptores historicos å suo interdum tramite
transversos agit: scilicet alios aliter. Quidam enim res Ma-2s
gnatum in illorum gratiam scripturi, narrationes suas quando
aliter quam res habeat contexunt, eorundem loculis avidius
inhiant. Quidam vero inferioris sortis nova novorum mendacia,
b 2r miracula, ut plurimum ficta et fabulosa omnique Alcinoi apologo
vaniora, hine inde non rogati conquirunt atque compingunt et 30
historiæ nomine falso venditant, vel sordidissimi lucelli causa,
quo tabernas librarias et typographicas1 hoc invento satis inve-
recundo emungant; præsertim ubi dedicatoriam aliquam spe-
ciosam præfigere ausint. Hæc illa est auri sitis, ut militiæ impe-
ratori, ita rerum scriptori valde noxia. 35
Per BELUAM vero Indicam, alteram2 Pyrrho contra Fa-
britium machinam, quid? quam Belua illa multorum capitum,
1 txpo- ed. 2 palteram ed.