Bibliotheca Arnamagnæana - 01.06.1952, Qupperneq 25
DE ISLANDIA
I I
Indicå longe immanior, intelligenda venit: vulgus inquam Vulgi-
que fama, ut inconstantissima, ita mendacissima:
Plus ficti pravique tenax quam nuncia veri.
Anne hic ille est BARRUS, non uno proboscide caput feriens
s sapientis, sed multis? qui quot capita et linguas habeat, tot et
tam discrepantibus sententiis ac rumoribus cerebelli antra scrip-
toribus perturbet: Ubi jam Fabricii illa CONSTANTIA opus,
quæ quod res est saltem sequatur, ad fictos, vanos, miros
FAMÆ stridores, quacunque tandem NOVITATE aut etiam
10 TERRORE acutos et intensos, immotå. Post aulæum quasi
NOVITATIS hæc sæpius belua latitat; quod dum oculis et
auribus scribentium non ruptum obtenditur, minus illa agnoscitur;
præsertim quia (quod veré dicitur) Natura est hominis novitatis
avida. Quæ AVIDITAS etiam cordatis alioqui viris sæpius ob-
is fuit, quo minus historiæ et relationibus suis multa vana, falsa,
turpia, immo et impossibilia miscere dubitårint, minus vero cor-
datos ita fascinavit, ut hæc ipsa et fere sola historiam polliciti
coagmentårint.
Exemplo sit unus pro multis Dithmarus quidam Blefkenius,
20 An. 1607. scriptum de Islandia publicans, quam mole suå exi-
guum, tam contumeliis et maledictis refertum ac interim Illustr.
Hollandiæ Ordinib. inscriptum; saltem ut novitatis avido Lectori b
et suo genio, non expenså quæ gentem innocentem inde maneret
iniuriå, satisfaceret. Contra quem responsum, typis Holensibus
25 in Islandia boreali editum, dedimus Anno 1612. (totum namque
quinquennium maleficium illud nos latuit), titulo Anatomes
Blefkenianæ, posteå Hamburgi recusum; quo etiam lectorem
syncerum remittimus, ne repetitione eorundem nimis excrescat
Epistola; si tamen citra tædium paucula hic attigero ex iis, quæ
30 præsens Islandiæ descriptio tua, mi Dn. David, å Blefkenio isto
mutuata esse videatur, ut quanto cum periculo scriptoribus cir-
cumforaneis sapiens adhærescat vel hine constare possit. Quod,
quum veritatem tibi habeas propositam obligante te conscientiå
historici, non ægré aut molesté feres: Non enim offensam, sed
3s officium communium studiorum devinetione hac in parte præstare
nostro decrevimus Fabricio.