Bibliotheca Arnamagnæana - 01.06.1952, Blaðsíða 34
20
DE ISLANDIA
c 4r
schet effte vormengelt werdt / sparen se nicht lange: Sondern
maken darvan mit den Naberen alsbalde gut Zeche vnd frolich
Leuendt / beth ydt alles vth ys / vnde solckes geyt by der ryge /
effte by Borten vmme. Nos etsi vitia nostrorum hominum, præ-
sertim vulgi promiscui uniusve aut alterius ex sentinå piebis sese s
offerentis, non excusamus, eam ad quamvis aliam virtutem quam
sobrietatem Germani quovis duce et magistro uti eligimus, ut in
cujus nationis homines non recens sit dicterium illud jactum:
Germani cunctos possunt tolerare labores;
O utinam possint tam bene ferre sitim. 10
Quam si bellipotens Germania tolieret, Hercle
Fortior håc usquam natio nulla foret.
Ac inter doctiores Germanos nuperrimé ita quidam de con-
viviis locutus:
Cum gemitu et fremitu, cum pudore et rubore hic recordor is
inclytæ nostræ Germaniæ, cujus noXuitoaia, reliquarum nationum
ore fæde traducitur, etc. Item:
Me miserum, ipsa suå Germana modestia sede
Exsulat, et luxus virtutem ejecit avitam, etc.
Suspecta itaque est Doctoris auctoritas, si, ut ex Catone ca- 20
nunt, culpa redarguat ipsum. Quid veré, inquies: Censen tu
omnes vel singulos Germanos crapulæ et heluationibus deditos.
Minimé gentium, inquam: Neque enim istorum carminum
ego autor sum. Similiter nostræ genti ob paucorum nævos, sordes,
fæditates, etc. å Blefkenio parum oportuit, ne tantum convitiorum 25
pelagus in nos effunderet, quantum ex ipsius Islandia omnium
oculis hauritur. Unde magnam tuæ narrationis partern (ignosce
et verum agnosce) ut rivum ex fonte derivasti, sed longe mo-
destius et majore cum verecundiå, dira quædam ipsius maledicta
et fæditates omittendo, licet etiam multa hic reperiantur, quæ 30
veritati et justitiæ vim inferant. Injustum enim est omnes pau-
corum noxam præstare aut crimen prorsus confictum luere. Ut
si inventus sit unus aut alter venificus, mæchus, rusticé discum-
bens, lotio semet aspergens, etc. vel reliqua designans, quæ håbet
Blefkenius, morem gentis id facere; Dæmonum familiaritatem 35
universæ genti affricare, adulteria et stupra pro vitio non repu-
tari affirmare; immo, ut ille Blefkenius, filias cum laude pro-
stitui exteris, etc.