Bibliotheca Arnamagnæana - 01.06.1952, Side 36
22
DE ISLANDIA
Cuniculosæ Celtiberiæ fili
Egnati, Opaca quem bonum facit barba
Et dens Hiberå defricatus urinå.
Si urbanus esses aut Sabinus aut Tiburs
Aut parcus Umber aut obesus Hetruscus
Aut Lanvinus acer atque dentatus
Aut Transpadanus, ut meos quoque attingam,
Aut quilibet, qui puriter lavit dentes,
Tamen renidere us(que)quaque te nollem :
Nam risu inepto res ineptior nulla est.
Nunc Celtiberus Celtiberiå in terrå,
Quod quisque minxit, hoc solet sibi mane
Dentem atque russam1 defricare gingivam,
Ut quo iste vester expolitior dens est,
Hoc te amplius bibisse prædicet lotii.
Accedit gravis autor Strabo, cujus verba ex Lib. 3. de Iberis
sic Latiné posita legimus; Quæ ad oceanum vergit et Borealis
pars est, proper frigora rebus indiget. Reliqua autem adhuc
amplius, propter hominum incuriam et negligentiam et quod
nullam institutionem amplexantes ferinis affectionibus pessi-
misque moribus vitam ducunt. Nisi quispiam eos rectum vitæ
institutum sequi putaverit, qui lavacra ex lotio, in cloacis ali-
quamdiu retento, sibi faciant, quique sibi ipsis suisque uxoribus
dentes ita candidant, quem ad modum et Cantabros confinesque
illis gentes factitare fama est. Sic Strabo.
Si crimina criminibus alienis aut inurbanitatem inurbanitate
exterarum gentium salvari putarem, colligerem patrocinio nostri
etiam in quibusdam cultissimæ jam Germaniæ locis similia quæ
visuntur, non magis urbana quam de quibus nostrates å Blefkenio
et multis aliis jam diu male audiunt. Cujusmodi non dissimulavit
clarissimus nostra tempestate scriptor, Justus Lipsius, sibi in
agro Oldenburgensium aliquando deprehensa: Centur. II. Epi-
stolarum, Epistolå præcipue 13. ad Janum Dousam, An. M D
LXXXVI.
Oldenburgi sum (inquit), mi Dousa. Ubi, malim, istud? in-
quies. Oppidulum est in Westphalia, tertio lapide å Bremå, etc.
5
10
15
20
25
30
35
1 ruffam ed.