Bibliotheca Arnamagnæana - 01.06.1952, Page 100
86
APOTRIBE
Philosophica didicisse illum docuere nos satis disputationes
publicæ et privatæ, quas magna cum laude sustinuit et absolvit.
In moribus et vita ejus nihil etiam hactenus desideravimus,
quæ nobis toto illo tempore, quo nobiscum vixit, egregié pro-
bavit.
Talem itaque Studiosum, doctum, modestum, bonum gratu-
70 lamur Ecclesiæ Christi; nihil addubitantes eum viris bonis omni-
bus, in quoscunque sive in Patriå, sive alibi inciderit, probatum
iri. Rogamus etiam nos eosdem, nihil reliquum faciant in eo pro-
movendo; å Deo remunerationem, å nobis similia officia expec-
tantes. Vale candide Lector. Dabatur Hafniæ 5. Maij.
Anno clo lo XIC.
Sub officii nostri Sigillo.
II.
M. PETRUS HAGGÆUS,
Logicus in Reg. Academia Hafn. Professor et
Arngrimi Jonæ Præceptor privatus
L. S.
Sapientiæ et veritatis cognoscendæ studio teneri et duci nec
pericula ulla subterfugere per maria et invia loca ejus conse-
quendæ gratia et magnum per se decus est, et in omnem vitæ
partern res longe utilissima. Non solum enim homini nihil est ad
laudem eruditione et sapientia pulchrius; verum etiam ad univer-
sam hominum inter ipsos societatem tuendam et conservandam
ipsamque adeo cælestis doctrinæ veritatem cum fructu sineque
errore ad posteros integré transmittendam plurimum ea momenti
affert. Quod si sacrarum quoque literarum serium ac indefessum
accedat studium, tum illud nescio quid præclarum ac singulare
existere solet. Vicissim autem æquum est eos, qui propter hujus-
modi fines cum Musis, id est humanitate et doctrina, habent
commercium, testimoniis honestis, cum discedunt, ornare. Etsi
71 enim sua cuique virtus vera demum est et absoluta apud sapientes
s
10
15
20
25
30