Bibliotheca Arnamagnæana - 01.06.1952, Page 103
CALUMNIÆ
89
rum est hujus vitae alea, adeo livor et maledicentia in toto mundo
grassantur suamque exercent tyrannidem. Hac de causa rectis-
simé consuluerunt cum sibi, tum posteris, qui hac perpensa cala-
mitate eum invexerunt et ad nos transtulerunt morem, ut iter
5 aliquo suscepturi bonorum testimonio ceu Satellitio quodam se
præmunirent et contra hostiles invidorum insultus armarent.
Quod animadvertens non modo varia rerum eruditione haud
leviter tinctus, verumetiam summa morum suavitate et comitate
præditus juvenis, ARNGRIMUS JONÆ ISLANDUS, annum
10 jam quartum Musis HAFNIACIS gnaviter militans, jamque
patrios revisurus lares å nobis convictoribus suis habitæ conver-
sationis testimonii se compotem fore petivit, cujus honestissimæ
petitioni refragari sceleris loco duximus esse maximi. Nos itaque
quantum vel ab aliis accepimus, vel propria experientiå quoti-
is dianaque consuetudine didicimus, eum boni frugique Studiosi
officio sedulo perfunctum esse testamur; ejus rei vel nobis tacen-
tibus luculentum satis testimonium HAFNIENSI perhibente
Academia, cui ille non modo in privatis sed etiam in publicis
disputationibus et exercitiis præclarum edendo ingenii specimen
20 diligentiam suam probavit. Tali etiam ingenio mores finxit na-
tura aptissimos et bonis etiam maximé probandos, ita ut prope-
modum dubites, utrum alteri, scilicet doctrinæ mores, an moribus
doctrinam præferas; qua in re nihil potest cuiquam esse commen-
datius. Vale igitur benevole lector, eumque, quem tibi non nostra
2s solum, sed reliquorum etiam optimorum virorum, in quorum
familiaritate vixerat, testimonia et Sigilla cum REGIÆ univer-
sitatis suffragio commendant, ama omnibusque humanitatis offi-
ciis prosequere.
30
HAFNIÆ, 6. Non. Maij.
Anno 1589.