Bibliotheca Arnamagnæana - 01.06.1952, Page 151

ORATIO
137
maternum transfusæ; quum ante misera plebecula ad linguam
non intellectam, Latinam sc., astringeretur; qua tantum cateche-
sin extare Pontificii voluerunt. Qui divinus labor ipsum jam
comitatur in Gloria.
5 Fratres germanos Dn. Thorlacus habuit Dn. Gamalielem et Dn. Gudb.
Dn. Einarum Hallgrimios; et hos Sacerdotes, nuncium Papatui
remittentes ae pari veram Religionem discendi et docendi con-
tentione ad pietatem nitentes. Quos idcirco eadem cum fratre
manebit in cælis beatitudo et felicitas. Filios hi reliquerunt, etiam
10 num superstites et pro gloria Dei et salute Ecclesiæ in vinea
Christi desudantes. Ille quidem Dn. Bernhardum Gamalielem,
Musarum olim Flafniacarum alumnum Scholæque Holensis in
patria Rectorem et meum id temporis præceptorem plurimum
honorandum; nunc socerum optatiss.
15 Hic vero præter duos alios sacrorum ministros etiam Dn.
Gudmundum Einarium1, virum doctrinå et virtute præstantem
primaque philosophiæ laureå insignem, meum aliquando in palæ-
stra literaria commilitonem suaviss.
Ad Dn. Thorlacum Hallgrimium redeo, cujus mentio huic
20 loco magis propria est. Ille non animarum curam tantum sibi2 9
commendatam habuit, sed etiam vitæ et corporis indigentiam
quorumvis mendicorum. Mirum enim quod vir optimus cum con-
juge, matronå honestiss. Dn. Gudbrandi matre (Helga3 nornen
fuit), eleemosynis pro suo modulo erogandis gaudebat: Mendicos
25 non alendo solum, sed et induendo, et quidem suå manu sæpius
centonem aliquem, quo nuduli potiss. indigerent (non dissimili
Martini Turonensis illius Episcopi exemplo), ipsos conficiendo
et coaptando. Quam Dn. Thorlacij pietatem in filiis Gudbrando
et Theodoro Thorlacijs largå rerum habendarum benedictione
30 Deus recompensavit. Ipse vero Dn. Thorlac. ut Scauris nihil in-
videbat, ita Fabriciorum sorti favisse videtur, qua4 de re Poeta:
Scaurus håbet nummos, urbana palatia, villas,
Pinguiaque innumeris prædia bobus arat;
Huic tamen assidué major succrescit habendi
35 Nunquam divitiis exaturata farnes.
1 Einurium ed. % tibi ed. 3 G elga ed. 4 quam ed.