Bibliotheca Arnamagnæana - 01.06.1952, Page 374
Ille Avro similis, Scoriæ Fumoque sed isti;
Ille sapit, cerebfo turba superba caret.
Abdita nam Sophiæ felix penetravit et hausit
Pontanus; Vanos nox tenebrosa manet.
Magne etiam Saxo, cognomen nobile gestans
Grammatici, nobis non minus æquus eras.
Designando solum nobis natale peræque,
A glade dictum, Fabula quæ pueris:
Dico sequestratam pelagi latrantibus undis
A reliquis Terram, quam videt Arctophylax.
Nam quod laude suå Thulenses non spoliatos
Nobis præponas, nil håbet opprobrii.
Lvdicra naturæ non pauca recensuit Autor,
Non male quæ Patriæ plurima conveniunt.
Quum Thule interea non ullo nota probetur
Miraclo ; Forsan cognita Pontivagis.
Thulenses alii qua tandem sede locdrit
Saxo vesti gent: non er o sollicitus.
Non sic mortales torsere ænigmata Sphingis
Ac Thule hos Sitibus discrudat variis.
Fixa Stat Oceani concussa Islandia fluctu,
Ast Thule incertis limitibus fluitat.
Diverso satis est Thulenses degere cælo;
Dum nos Vrsarum frigore confidmur.
Te cum Pontano Historiæ qui ducitis agmen,
Magnificé, Saxo, pro meritoque colam.
Hane operam Patriæ faciles impendimus ultro,
Dum furit insano sævus in orbe Pvgil.
C ætera nornen iners gerimus, nisi pabula ViTÆ
Quod populis prompsi, commiserante DeO;
Idque decem lustris, quis me tua Gratia, Christe,
Non sivit nihili sumere in hoc operam.
Hic Aquilæ Pennis opus est superoque volatu,
Hic Galea, ferias ne Malesvade caput.
Subdolus est hostis, primum caput arte petendo,
Quo læso quivis protinus ipse cadit.
Ergo Armatvram Domini nos indue, Iesv,
Frustretur Satanæ quæ bene tuta dolos.