Bókatíðindi - 01.12.2022, Blaðsíða 19
SVK
Svarta kisa tekur prófið
Nick Bruel
Þýð: Sigurgeir Orri Sigurgeirsson
Vandræðaleg hegðun Svörtu Kisu varð þess
valdandi að stofnun verklegra inngripa í neyðarleg
dýralæti skar úr um að klaufska hennar risti
of djúpt . Svo djúpt að ei varð unað.
Henni voru settir úrslitakostir. Til að missa
ekki kisuleyfið, varð hún að fara á námskeið
og standast að því loknu hæfnispróf.
144 bls.
Bókafélagið
KIL
Sæskrímsli
Ævar Þór Benediktsson
Myndir: Evana Kisa
Þér er boðið um borð í kafbát en hvert viltu sigla og
hvað langar þig að rannsaka? Í þessari bók ræður þú
hvað gerist! Bækur Ævars Þórs þar sem lesandinn
ræður ferðinni njóta mikilla vinsælda. Hér er komin
stutt og litrík saga sem byggist á bókinni Þín eigin
undirdjúp og hentar byrjendum í lestri.
80 bls.
Forlagið - Mál og menning
RAF HLB
Sögur fyrir jólin
Eva Rún Þorgeirsdóttir
Myndh: Ninna Þórarinsdóttir
Lesari: Salka Sól Eyfeld
Sögur fyrir jólin er hugljúft og hrífandi
jólaævintýri sem skiptist í 24 kafla sem tilvalið
er að hlusta á fyrir svefninn og kalla fram
kyrrð og ró í aðdraganda jólanna.
H 4:00 klst.
Storytel
HLB
Sögustund með Afa
Örn Árnason
Lesari: Örn Árnason
Örn Árnason rifjar hér upp dásamlega takta sem
Afi allra landsmanna og býður börnunum í notalega
sögustund. Með Afa geta þau slappað af og lært um
allt mögulegt milli himins og jarðar. Börnin fá að
heyra skemmtilegar sögur, jafnt gamlar sem nýjar
og kynnast því hvernig lífið var hér áður fyrr. Það
er alltaf gott að eiga rólega stund með Afa.
H 6:30 klst.
Storytel
IB RAF HLB
Skólaslit
Ævar Þór Benediktsson
Myndir: Ari H.G. Yates
Það er hrekkjavaka. Veggir skólans eru þaktir skrauti
sem vekur hroll og kitlar ótta. Í fjarska ómar ómennskt
öskur. Á gólfinu má sjá hálfan íþróttakennara og
handan við hornið heyrist í uppvakningaher. Hvað
í ósköpunum gerðist? Stórglæsileg bók prýdd
fjölda litmynda sem lesendur tæta í sig.
265 bls.
Forlagið - Mál og menning
IB RAF HLB
Heimur framtíðar
Skrímslin vakna
Eva Rún Þorgeirsdóttir
Myndh: Logi Jes Kristjánsson
Kata er ákveðin í að strjúka að heiman. Við
undirbúning flóttans rekst hún á furðulega
veru og þá breytast öll hennar plön! Skyndilega
er hún lent í hættulegri atburðarás og kynnist
undarlegum heimi sem hún vissi ekki að væri
til. Teikningar eftir Loga Jes Kristjánsson.
168 bls.
Bókabeitan
IB
Stjarnan í austri
Mæja mey á norðurslóðum
Geirr Lystrup
Myndir: Malgorzata Piotrowska
Þýð: Aðalsteinn Ásberg Sigurðsson
Falleg jólasaga um Mæju mey og barnið,
byggð á gömlum helgisögnum og ævintýrum,
og gerist í vetrarríki á norðurslóðum. Inn í
söguna fléttast sextán söngljóð, samin við
rússnesk þjóðlög. Geisladiskur fylgir bókinni!
Flytjendur: Aðalsteinn Ásberg, Þorgerður Ása,
Sönghópurinn við Tjörnina og hljómsveit.
47 bls.
Dimma
IB
Ljósaserían
Stúfur fer í sumarfrí
Eva Rún Þorgeirsdóttir
Myndh: Blær Guðmundsdóttir
Stúfur er kominn í sumarfrí og lætur sig
dreyma um að fara í ferðalag. Hann verður
himinlifandi þegar Lóa vinkona hans býður
honum að koma með sér til Ítalíu!
Stúfur skemmtir sér konunglega og lendir í
óvæntum ævintýrum í þessu besta sumarfríi lífs
hans. Myndir eftir Blævi Guðmundsdóttur.
80 bls.
Bókabeitan
KIL
Binna B Bjarna
Sumarhátíðin
Sally Rippin
Í þessari bók er sumarhátíð í skólanum og
vinir Binnu ætla í stóra rússíbanann en Binna
er ekki viss um að hún þori að fara með
þeim. Nær Binna að safna kjarki?
Bækurnar um Binnu B henta vel
fyrir yngstu lesendurna.
44 bls.
Rósakot www.boksala.is
Vertu ekki
bókalaus á jólanótt
B Ó K A T Í Ð I N D I 2 0 2 2 19GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa
Barnabækur SK ÁLDVERK