Bókatíðindi - 01.12.2022, Blaðsíða 70

IB
Skagfirskar æviskrár
Skagfirskar æviskrár 1910-1950
Tímabilið 1910-1950, IX
Ritstjóri: Hjalti Pálsson
Tuttugasta bókin sem Sögufélag Skagfirðinga
gefur út af Skagfirskum æviskrám og hin níunda
frá ofangreindu tímabili. Hún inniheldur samtals
90 æviskrárþætti fólks sem bjó eða hélt heimili
í Skagafirði á fyrri hluta 20. aldar.
320 bls.
Sögufélag Skagfirðinga
IB RAF
Skipin sem hurfu
Steinar J. Lúðvíksson
Hér er fjallað um skip sem hurfu á öldinni sem
leið. Í sumum tilvikum er vitað á hvaða hátt þau
fórust og jafnvel var fylgst með síðustu andartökum
skipverja. Í öðrum tilvikum var enginn til frásagnar
og aðeins hægt að geta sér til um hver afdrif þeirra
urðu – skýringar komu stundum mörgum árum síðar.
Mikil dulúð fylgdi hvarfi sumra skipanna ...
261 bls.
Veröld
KIL
Vegur mannsins
Martin Buber
Þýð: Torfi Jónsson
Flest öðlumst við endrum og sinnum meðvitund um
þann sannleika að við höfum aldrei notið tilverunnar
í fyllingu sinni, heldur fer fram hjá henni eins og hún
er í raun og veru. En við finnum á hverri stundu að
eitthvað vantar og leitum. Einstakt verk Martins Buber
birtist hér í vandaðri þýðingu Torfa Jónssonar.
40 bls.
Bókaútgáfan Sæmundur
KIL
Örlagaskipið Artic
Íslenskir sjómenn í ólgusjó seinni
heimsstyrjaldarinnar
Gísli Jökull Gíslason
Saga íslensku skonnortunnar Arctic er stórbrotin
saga örlaga, njósna, misréttis og misþyrminga.
Útsendarar Þjóðverja beittu skipverja hótunum
til að fá þá til njósna en Bretar komust á snoðir
um verkefni áhafnarinnar, sem lenti eftir það
í fangabúðum. Bókin byggir m.a. á breskum
leyniskjölum sem nýlega voru gerð opinber.
256 bls.
Bókaútgáfan Sæmundur
IB
Ingólfur Arnarson
Arfleifð hans og Íslandssagan í nýju ljósi
Árni Árnason
Í þessari bók eru teknar til rannsóknar tvær
mikilvægar fullyrðingar í Íslandssögunni. Önnur
er sú að Ingólfur Arnarson, hafi sest að í Kvosinni í
Reykjavík og þar sé höfuðból hans að finna. Hin er sú
að Flóki Vilgerðarson eigi höfundarréttinn að nafni
Íslands. Niðurstaða bókarhöfundar er sú að hvorug
þessara fullyrðinga standist gagnrýna skoðun.
272 bls.
Nýhöfn
KIL
Í mynd Gyðjunnar
Saga hennar í skáldskap, náttúru og trú
Berglind Gunnarsdóttir
Við hittum fyrir Gyðjuna á steinöld; hún tengist
náttúrunni og birtist t.d. sem Fuglagyðja og
Tunglgyðja. Fyrstu samfélög bænda dýrkuðu hana og
ummerki um Gyðjuna forsögulegu eru víða í Evrópu.
Arftakar hennar eru gyðjur goðsagnaheimanna og
María guðsmóðir. Á 19. öld birtist Tunglgyðjan aftur í
skáldskap og lífi ljóðskálda allt fram á okkar dag.
82 bls.
Ormstunga
IB
Keltar
– áhrif á íslenska tungu og menningu
Þorvaldur Friðriksson
Boðið er upp á nýja sýn á Íslandssöguna, á það
sem hefur að miklu leyti verið hulið; hina stóru
hlutdeild Kelta í íslenskri menningarsögu. Nýleg
erfðaefnisgreining sýnir að meira en helmingur
íslenskra landnámskvenna var Keltar. Hér er fjallað um
það keltneska í tungu okkar og í örnefnum á Íslandi
– og minjar sem eru eldri en norrænt landnám.
208 bls.
Sögur útgáfa
IB
Saga Keflavíkur 1949–1994
Árni Daníel Júlíusson
Saga Keflavíkur á árunum 1949 til 1994 er ólík
sögu annarra sveitarfélaga á Íslandi á sama tímabili.
Nálægð bæjarins við herstöðina og samskipti við
bandaríska herinn settu mark sitt á þróun bæjarins
sem og stækkun flugstöðvarinnar. Bókina prýðir fjöldi
ljósmynda sem bregða lifandi ljósi á liðna tíð.
530 bls.
Veröld
Vertu ekki bóklaus á jólanótt
B Ó K A T Í Ð I N D I 2 0 2 2 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa70
Sagnfræði, trúarbrögð og ættvísi