Bókatíðindi - 01.12.2022, Blaðsíða 54

SVK
Við lútum höfði fyrir því sem fellur
Alda Björk Valdimarsdóttir
Öflug og eftirtektarverð ljóðabók þar sem fjallað
er um flóknar tilvistarspurningar. Trú og von
manneskjunnar og kaldur efnisheimurinn vegast
á í áhrifaríku myndmáli ljóðanna og þar birtist
stórbrotin sköpunarsaga sem spannar allt frá
hjartslætti fósturs upp í þyt vetrarbrauta. Alda
Björk hefur áður sent frá sér eina ljóðabók.
80 bls.
Forlagið - JPV útgáfa
SVK
Það sem hverfur
What disappears / Ce qui disparaît / Was verschwindet
Aðalsteinn Ásberg Sigurðsson
Myndir: Nökkvi Elíasson
Þýð: Gérard Lemarquis, Wolfgang Schiffer og Jón
Thor Gíslason
Tvímála ljóðaútgáfa ásamt fjölda ljósmynda af íslenskum
eyðibýlum. Verk sem býr yfir miskunnar lausri fegurð
hnignunar sem höfundarnir fanga með eftirminnilegum
hætti. Tregablandin ljóð kallast á við áhrifa miklar
myndir og hreyfa svo sannarlega við lesandanum.
Fæst með þýðingum á ensku, frönsku og þýsku!
119 bls.
Dimma
IB
Þriðja kver um kerskni og heimsósóma
Helgi Ingólfsson
Í Þriðja kveri um kerskni og heimsósóma má
finna gamanmál, þar sem mestmegnis er skopast
að dægurþrasi líðandi stundar, en inni í millum
leynist alvarlegra efn. Í ofanálag bætast nú enn
á ný við nokkrar Barnasögur fyrir fullorðna,
þar sem sagnaarfur barnabókmenntanna er
skoðaður í spéspegli hins flókna nútíma.
225 bls.
Bókaútgáfan Sæmundur
SVK
Þykjustuleikarnir
Anton Helgi Jónsson
Í þessari ljóðabók er okkur boðið í sirkus þar sem
fer fram samfelld dagskrá og alls konar persónur,
misjafnlega kunnuglegar, eru kynntar til leiks. Leikur
með gervi og raddir endurspeglast að nokkru í útliti
og uppsetningu þessarar nýstárlegu ljóðabókar eftir
eitt af okkar vinsælustu og listfengustu skáldum.
144 bls.
Forlagið - Mál og menning
IB
Austfirsk ljóðskáld XXII
Öræfanna andar svífa
Einar Hjálmar Guðjónsson, Sólveig Sigríður
Guðjóns dóttir, Arnheiður Guðjónsdóttir og Hallveig
Friðrika Guðjónsdóttir
Ljóðin sem birtast í þessari bók eru eftir fjögur
systkini sem ólust upp í Heiðarseli í Jökuldalsheiði
á fyrri hluta tuttugustu aldar. Þau urðu þekkt fyrir
ljóðagerð sína ung að árum. Félag ljóðaunnenda á
Austurlandi vill með útgáfunni heiðra minningu
þessara sönnu alþýðuskálda með vissu um að
kveðskapurinn á enn erindi við ljóðelska lesendur.
134 bls.
Félag ljóðaunnenda á Austurlandi
SVK
Urðarflétta
Ragnheiður Harpa Leifsdóttir
Fíngerð og dulmögnuð prósaljóð um náttúruna sem
býr innra með okkur, viðkvæm augnablik, horfna
skóga, uglur sem grípa nóttina, ástvini í handanheimi,
eggaldin sem vex úr koki, kreppta hnefa, sár sem
aldrei gróa, fljúgandi þakplötur, þeysandi halastjörnur
og byltingar sem fæðast í móðurkviði. Urðarflétta
er önnur ljóðabók Ragnheiðar Hörpu.
55 bls.
Una útgáfuhús
IB RAF
Urta
Gerður Kristný
Urta segir í fáum en áhrifamiklum orðum sögu
af harðri lífsbaráttu á hjara veraldar. Gerður
Kristný hefur lengi verið eitt ástsælasta skáld
þjóðarinnar, enda hafa fáir viðlíka tök á blæbrigðum
tungumálsins. Ljóðabálkar hennar hafa vakið
aðdáun lesenda hér heima og víða erlendis og
því sætir nýr slíkur ævinlega tíðindum.
100 bls.
Forlagið - Mál og menning
SVK
Úr vonarsögu
Hanne Bramness
Þýð: Aðalsteinn Ásberg Sigurðsson
Ljóðaflokkur þar sem vonin sjálf er undirliggjandi og
mikilvægt afl til mótvægis við atburði sem eiga sér
stað á yfirborðinu. Á markvissan hátt vinnur skáldið
úr minningabrotum úr æsku og fléttar saman hinu
kunnuglega og því sem er framandi. Hanne Bramness
er eitt þekktasta samtímaskáld Norðmanna.
62 bls.
Dimma
SVK
Úti bíður skáldleg veröld
Jakub Stachowiak
Jakub Stachowiak hefur komið sem ferskur andvari
inn í íslenskan ljóðaheim, en árið 2021 kom út
hans fyrsta bók, Næturborgir. Í ljóðum sínum
blæs Jakub nýju lífi í tungumálið og dregur fram
ljóðrænar myndir með frumleika, glaðværð og
áræðni. Skyldulesning fyrir ljóðaunnendur.
„Grjótmögnuð flugeldasýning“ –
Steinunn Sigurðardóttir
48 bls.
Páskaeyjan bókaútgáfa
KIL
Varurð
Draumey Aradóttir
Varurð er sjötta bók höfundar. Fimm ljóðanna hafa
þegar hlotið verðlaun og viðurkenningar. Í bókinni
býðst lesendum að reima á sig skóna og halda með
höfundi í ljóðför um oddhvassar lendur óttans; allt frá
upptökum hans að óumflýjanlegum átökunum.
80 bls.
Bókaútgáfan Sæmundur
B Ó K A T Í Ð I N D I 2 0 2 2 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa54
Ljóð og leikrit