Bókatíðindi - 01.12.2022, Blaðsíða 38
KIL RAF HLB
Aðeins ein áhætta
Simona Ahrnstedt
Þýð: Elín Guðmundsdóttir
Ambra Winter er blaðamaður. Henni er falið að
skrifa um atburði í bænum Kiruna, nyrst í Svíþjóð.
Þegar hún kemur í þetta litla samfélag vakna
óþægilegar minningar. En það eru fleiri en hún
sem þurfa að horfast í augu við fortíð sína. Meðal
annars sérsveitarmaðurinn fyrrverandi sem sest
hefur að í kofa úti í skógi og hún laðast að ...
527 bls.
Ugla
IB RAF
Aðgát og örlyndi
Jane Austen
Þýð: Silja Aðalsteinsdóttir
Fyrsta bók Jane Austen og ein sú vinsælasta.
Hér segir frá Marianne og Elinor, tveimur
systrum með ólíkt lundarfar, og vonum þeirra
og vonbrigðum í ástamálum. Sagan kemur nú út
á íslensku í fyrsta sinn í frábærri þýðingu Silju
Aðalsteinsdóttur sem einnig ritar eftirmála.
400 bls.
Forlagið - Mál og menning
KIL RAF HLB
John Adderley - fyrsta bók
Að leikslokum
Peter Mohlin og Peter Nyström
Þýð: Sigurður Þór Salvarsson
Þegar sænskættaði FBI-fulltrúinn John Adderley
vaknar á sjúkrahúsi í Baltimore með skotsár á
brjósti veit hann að hann er stálheppinn að vera á
lífi. Á sömu sjúkrastofu liggur maðurinn sem beindi
byssu að honum sólarhring áður. Að leikslokum
er fyrsta bókin um John Adderley. Bókin var
valin besta nýja glæpasagan í Svíþjóð 2020.
544 bls. / H 17:29 klst.
MTH útgáfa
KIL
Að vestan
Íslensk-kanadískar smásögur
Þýð: Guðrún Björk Guðsteinsdóttir
Ritstjóri: Birna Bjarnadóttir
W. D. Valgardson, David Arnason og Kristjana
Gunnars hafa tekið margvíslegan þátt í að móta
ímynd íslenska frændgarðsins í Kanada en eru
þó fyrst og fremst kanadískir höfundar. Með
sögum sínum veita þau innsýn í margbreytilegt
líf og hugsun vestan hafs. Um leið upplýsa
sögurnar í bókinni lesendur um mikilvægi og
grósku smásagnahefðarinnar í Kanada.
Stofnun Vigdísar Finnbogadóttur / Háskólaútgáfan
KIL RAF HLB
Allt eða ekkert
Simona Ahrnstedt
Þýð: Friðrika Benónýsdóttir
Lexia Vikander finnst hún ekki eiga heima meðal
tággrannra kvenna í auglýsingageiranum sem telja
kalóríur í hvert mál. Nýr eigandi hefur tekið við
fyrirtækinu sem hún vinnur hjá og það er altalað
að mörgum verði sagt upp. Til að hressa sig við
bregður Lexia sér á bar. Þar sest við hliðina á henni
myndarlegasti maður sem hún hefur séð ...
452 bls.
Ugla
Skáldverk
ÞÝDD
KIL RAF HLB
1795
Niklas Natt och Dag
Þýð: Hilmar Hilmarsson
Þriðji og síðasti hluti hins myrka metsöluflokks sem
gerist í Stokkhólmi í lok átjándu aldar. Tycho Ceton
leikur enn lausum hala og bruggar djöfullegar áætlanir
til að uppfylla kvalalosta valdamikilla manna. En hann
er með Mickel Kardell og Emil Vinge á hælunum, sem
vita vel að tíminn er að renna þeim úr greipum.
476 bls.
Forlagið - JPV útgáfa
KIL
22.11.63
Stephen King
Þýð: Þórdís Bachmann
Hvað ef maður gæti farið til baka í tíma og breytt gangi
sögunnar? Hvað ef vatnaskilin sem maður gæti breytt
væri morðið á John F. Kennedy Bandaríkjaforseta?
Árið 2011 heldur enskukennarinn Jake Epping í
ævintýralegan leiðangur með það fyrir augum að koma
í veg fyrir morðið á JFK 22. nóvember 1963. – Eitt
af meistaraverkum konungs sálfræðitryllanna
840 bls.
Ugla
KIL
500 mílur frá mér til þín
Jenny Colgan
Þýð: Helga Soffía Einarsdóttir
Alyssa Westcott kallar ekki allt ömmu sína, enda
hefur hún unnið lengi sem hjúkrunarfræðingur
á bráðamóttöku í London. Þegar hún verður
vitni að hræðilegu banaslysi, sem hún nær ekki
að henda reiður á, hrynur tilvera hennar.
432 bls.
Angústúra
KIL
Að drepa hermikráku
Harper Lee
Þýð: Sigurlína Davíðsdóttir
Að drepa hermikráku kom fyrst út í Bandaríkjunum
undir heitinu To Kill a Mockingbird árið 1960
og hefur nú selst í yfir 40 milljónum eintaka.
Höfundur bókarinnar, skáldkonan Harper Lee,
hlaut Pulitzer-verðlaunin fyrir hana en bókin er afar
áhrifamikil og frábærlega skrifuð þar sem kímni
og alvarleiki renna saman í töfrandi frásögn.
400 bls.
Almenna bókafélagið
Þýdd
B Ó K A T Í Ð I N D I 2 0 2 2 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa38
Skáldverk ÞÝDD