Bókatíðindi - 01.12.2022, Blaðsíða 56

KIL
Allt sem þú vilt vita um Biblíuna
Þórhallur Heimisson
Víðar lendur Biblíunnar eru hér allar undir; hugljúfar
ástarlýsingar Ljóðaljóðanna, grimmileg þjóðarmorð
Gamla testamentisins, kærleiksboðskapurinn og
erfðasyndin. En skrímslin eru heldur ekki látin óáreitt.
Kvenfyrirlitning, hommafóbía og gyðingahatur
kirkjunnar fá vægðarlausa umfjöllun, sem og hin
aldagamla spurning um sannleiksgildi Biblíunnar.
488 bls.
Bókaútgáfan Sæmundur
KIL
Almanak Háskóla Íslands 2023
Þorsteinn Sæmundsson og Gunnlaugur Björnsson
Auk dagatals flytur almanakið margvíslegar
upplýsingar, svo sem um sjávarföll og gang
himintungla. Lýst er helstu fyrirbærum á himni
sem frá Íslandi sjást, stjörnukort, áttavitastefnur á
Íslandi og kort sem sýnir helstu tímabelti heimsins.
Yfirlit um hnetti, mælieiningar, veðurfar o.fl. Af
nýju efni má nefna grein um segulstirni.
92 bls.
Háskólaútgáfan
KIL
Almanak HÍÞ 2023
Ásamt árbók 2021
Þorsteinn Sæmundsson og Gunnlaugur Björnsson
Ritstjóri: Arnór Gunnar Gunnarsson
Auk dagatals flytur almanakið margvíslegar
upplýsingar, svo sem um sjávarföll og gang
himintungla. Lýst er helstu fyrirbærum á himni sem
frá Íslandi sjást, stjörnukort, áttavitastefnur á Íslandi
og kort sem sýnir helstu tímabelti heimsins. Yfirlit um
hnetti, mælieiningar, veðurfar o.fl. Af nýju efni má
nefna grein um segulstirni. Ásamt árbók 2021.
120 bls.
Háskólaútgáfan
IB
Ameríska goðsögnin
Saga Harley-Davidson-mótorhjóla á Íslandi
Njáll Gunnlaugsson
Saga hinna goðsagnakenndu
Harley-Davidson-mótorhjóla í máli og myndum,
frá því að þau fyrstu birtust á Íslandi árið 1917.
Þá upphófst sannkölluð gullöld þeirra, en eftir
stríð tók lögreglan þau í þjónustu sína. Einnig
er fjallað um nokkrar aðrar gerðir amerískra
mótorhjóla sem bárust til landsins. Ómissandi
bók fyrir áhugafólk um vélknúin ökutæki.
176 bls.
Forlagið - JPV útgáfa
KIL
Andvari 2022
Ritstjóri: Ármann Jakobsson
Aðalgrein Andvara 2022 er æviágrip Svövu
Jakobsdóttur rithöfundar og alþingismanns.
Höfundar ritsins 2022 eru Birna Bjarnadóttir,
Guðrún Kvaran, Gunnar Stefánsson, Lára
Magnúsardóttir, Hjalti Hugason, Arngrímur
Vídalín, Ólafur Kvaran, Þórir Óskarsson, Kjartan
Már Ómarsson, Sigurjón Árna Eyjólfsson, Gunnar
Skarphéðinsson og Jón Sigurðsson.
270 bls.
Háskólaútgáfan
Fræði og bækur
almenns efnis
SVK
Aðstæðubundið sjálfræði
Líf og aðstæður fólks með þroskahömlun
Ritstjórar: Ástríður Stefánsdóttir, Guðrún Valgerður
Stefánsdóttir og Kristín Björnsdóttir
Hverju vill fólk með þroskahömlun ráða í eigin
lífi? Á það að stunda nám í háskóla? Hvernig
má stuðla að bættu kynheilbrigði meðal þess?
Hvernig má hindra nauðung og þvinganir á
heimilum fólks með þroskahömlun?
342 bls.
Háskólaútgáfan
IB
Lærdómdsrit Bókmenntafélagsins
Af sifjafræði siðferðisins
Friedrich Nietzsche
Af sifjafræði siðferðisins er eitt þeirra rita Nietzsches
þar sem hugsun hans er skýrust og beittust.
Ritið er skrifað um sama leyti og Handan góðs
og ills, sem komið hefur út í röð Lærdómsrita,
og hverfist að mörgu leyti um sömu spurningar
en tekur á þeim á beinskeyttari hátt.
Hið íslenska bókmenntafélag
SVK RAF
Alls konar íslenska
Hundrað þættir um íslenskt mál á 21. öld
Eiríkur Rögnvaldsson
Í Alls konar íslensku eru umfjöllunarefnin allt
frá eldheitum málvillum yfir í áskoranir 21.
aldarinnar um viðmið í málrækt, samfélags- og
tæknibreytingar og kynjamál og kynhlutleysi í máli.
Meginþræðirnir felast þó í gildi tungumálsins í
menningunni og að umræða um málfar og tungumálið
einkennist af jákvæðni og umburðarlyndi.
355 bls.
Forlagið - Mál og menning
SVK
Allt í blóma
Pottablómarækt við íslenskar aðstæður
Hafsteinn Hafliðason
Falleg stofublóm gera heimilin okkar bæði
vistlegri og hlýlegri. Þau veita einstaka vellíðan
og gleði, bæta andann og fegra umhverfið.
Sífellt stækkandi hópur blómaunnenda getur nú
fagnað því að hér sé loks komin hin eina sanna
biblía áhugafólks um pottaplöntur – og það frá
okkar mesta ástríðumanni í blómarækt.
503 bls.
Sögur útgáfa
Fræði og bækur almenns efnis
B Ó K A T Í Ð I N D I 2 0 2 2 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa56
Fræði og bækur almenns efnis