Bókatíðindi - 01.12.2022, Síða 22

SVK
Gleðiskruddan
Dagbók fyrir börn og ungmenni sem eflir
sjálfsþekkingu og eykur vellíðan
Marit Davíðsdóttir og Yrja Kristinsdóttir
Gleðiskruddan er dagbók fyrir börn á aldrinum
6-15 ára sem byggir á hugmyndafræði jákvæðrar
sálfræði. Kynnt eru gleðiverkfæri sem aðstoða
við að efla sjálfsþekkingu, auka vellíðan og takast
á við verkefni og áskoranir daglegs lífs.
176 bls.
Gleðiskruddan ehf. 
SVK
Jörðin okkar
Fræðandi afþreyingarbók
Þýð: Kolbeinn Þorsteinsson
Þessi dýrmæta pláneta er heimili okkar.
Loftslagsbreytingar, mengun og aðrar aðgerðir
mannanna hafa áhrif á jörðina, en það er enn
von! Í bókinni finnur þú verkefni, staðreyndir,
teiknimyndasögu og límmiða, auk hvetjandi
hugmynda um hvernig þú getur gert gagn heima
hjá þér. Hjálpaðu okkur að bjarga jörðinni.
Sameinuð getum við skipt sköpum.
40 bls.
Setberg
IB
Leyndardómur varúlfsins
Kristina Ohlson
Þýð: Tinna Ásgeirsdóttir
Í bænum Eldsala loga skógareldar. Eldsvoðarnir
bera þess merki að vera viljaverk einhvers.
Á kvöldin heyrir Herbert hrollvekjandi ýlfur og
sér stórar skepnur sem líkjast hundum bregða
fyrir í skóginum. Skyndilega eru Herbert og
Sallý vinkona hans flækt í ráðgátu sem er mun
ískyggilegri en nokkurn gat grunað.
Munu þau geta bjargað Eldsala?
275 bls.
Ugla
IB
Litla bókin um blæðingar
Sigga Dögg
Litla bókin um blæðingar er langt frá því að vera lítil,
hún er yfirgripsmikil og fer vel yfir ólíkar túrvörur,
hvernig þær virka, kosti og galla; algengar spurningar;
tíðahringinn; tíðaverki; hvernig megi leita sér hjálpar og
algengar mýtur. Bókin tekur tillit til allra kynja, horfir
til umhverfissjónarmiða og fagnar fjölbreytileika.
216 bls.
Kúrbítur slf
HSP
Líkaminn
Fimm fræðandi gegnsæjar blaðsíður
Þýð: Kolbeinn Þorsteinsson
Hefurðu einhvern tímann velt fyrir þér öllu því
stórkostlega sem mannslíkaminn getur gert? Kíktu inn
í mannslíkamann á frábærum gegnsæjum blaðsíðum!
Lærðu um hin ólíku kerfi sem vinna saman til að
halda þér á lífi og uppgötvaðu hvað beinagrindin,
vöðvarnir, líffærin og skynjunin gera. Líkaminn er
stórkostlegur, því skaltu búa þig undir ferðalag.
16 bls.
Setberg
IB
Dýrin
sem eru ægileg en líka hlægileg, fyndin og furðuleg,
skondin og skemmtileg en fyrst og fremst forvitnileg!
Vera Illugadóttir og Illugi Jökulsson
Þau eru ægileg, hlægileg, furðuleg og forvitnileg! Dýrin,
eftir feðginin Veru Illugadóttur og Illuga Jökulsson.
Bók stútfull af myndum, fróðleik og skemmtilegum
sögum af dýrunum. Bráðskemmtileg, illvíg og
ófrýnileg. Baneitruð, krúttleg, örsmá og risastór.
Útdauð, ómissandi, ótrúleg og sprenghlægileg!
240 bls.
Sögur útgáfa
SVK
Dýrin okkar
Fræðandi afþreyingarbók
Þýð: Kolbeinn Þorsteinsson
Þessi dýrmæta pláneta er heimili milljóna
dýra. Loftslagsbreytingar, mengun og aðrar
aðgerðir mannanna hafa áhrif á dýraríkið, en
það er enn von! Í bókinni finnur þú verkefni,
staðreyndir, teiknimyndasögu og límmiða, auk
hvetjandi hugmynda um hvernig þú getur gert
gagn heima hjá þér. Hjálpaðu okkur að bjarga
dýrunum. Sameinuð skiptum við máli.
40 bls.
Setberg
SVK
Fávitar og fjölbreytileikinn
Sólborg Guðbrandsdóttir
Hér er þriðja bókin í hinni lifandi og vinsælu seríu
Sólborgar Guðbrandsdóttur: Fávitar. Nú fjallar hún
um ýmsar hliðar hinseginleikans og fræðir unga
sem aldna á mannamáli um alla liti regnbogans.
Sólborg hefur getið sér afar gott orð sem fyrirlesari
síðastliðin ár og hefur haldið fyrirlestra fyrir
þúsundir barna og unglinga um kynfræðslu.
136 bls.
Sögur útgáfa
SVK
Fótboltaspurningar 2022
Guðjón Ingi Eiríksson
Ágæti lesandi!
Þá hefur enn ein Fótboltaspurningabókin skotist
út úr prentvélunum og vonandi fellur hún vel
í kramið eins og hinar fyrri. Hér er víða komið
við, innan knattspyrnunnar, bæði á Íslandi og
erlendis og auðvitað er sérstakur kafli um íslenska
kvennalandsliðið á Evrópumótinu 2022.
79 bls.
Bókaútgáfan Hólar
Verslaðu heima
www.boksala.is
B Ó K A T Í Ð I N D I 2 0 2 2 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa22
Barnabækur FR ÆÐI OG BÆKUR ALMENNS EFNIS