Bókatíðindi - 01.12.2022, Qupperneq 29

KIL
Dansað í friði
Elsa Margrét Böðvarsdóttir
Marta er að stíga sín fyrstu skref fjarri
heimahögum og vinum, í Háskóla Íslands.
Vofveiflegur atburður fær hana til að taka
stóra ákvörðun um líf sitt, ákvörðun sem
verður að risavöxnu verkefni og dansinn verður
fyrirferðamikill hluti af hennar framtíð.
206 bls.
LEÓ Bókaútgáfa
IB RAF HLB
Dauðaleit
Emil Hjörvar Petersen
Lesari: Hjörtur Jóhann Jónsson
Rannsóknarlögreglumaðurinn Halldór rannsakar
hvarf stúlku í undirgöngunum í Hamraborg. Hann
sér strax að málið er mjög líkt hvarfi besta vinar
hans í sömu undirgöngum árið 1994. Vinurinn
fannst aldrei og Halldór uppgötvar tengingu á milli
ungmennanna tveggja. Skuggar fortíðar ásækja hann
og enn á ný sér hann hluti sem aðrir sjá ekki.
224 bls. / H 6:34 klst.
Storytel
IB RAF
Dáin heimsveldi
Steinar Bragi
Steinar Bragi hefur fyrir löngu fest sig í sessi
sem einn frumlegasti höfundur landsins. Hér fer
hann með lesendur til upphafs 22. aldar þegar
ríkasti hluti mannkyns hefur flúið óbyggilega Jörð
og torkennilegur hlutur birtist á himni. Síðasta
skáldsaga Steinars, Truflunin, var tilnefnd til
Bókmenntaverðlauna Norðurlandaráðs.
368 bls.
Forlagið - Mál og menning
IB RAF HLB
Drepsvart hraun
Lilja Sigurðardóttir
Hröð og fimlega fléttuð spennusaga um dularfull
mál og óhugnanleg áform, fjórða bókin um Áróru
og Daníel. Þegar Áróra fréttir að ókunnugt barn
segist vera systir hennar endurfædd bregður henni
illa enda hefur hún leitað hennar í þrjú ár. Sama dag
fær Daníel undarlegt kveðjubréf frá leigjanda sínum,
dragdrottningunni, og síðan óþægilega heimsókn.
297 bls.
Forlagið - JPV útgáfa
IB
Brimhólar
Guðni Elísson
Í þessari áhrifaríku ástarsögu segir frá íslenskum
strák og pólskri stelpu sem kynnast í litlu þorpi
úti á landi. Þau ákveða að hittast einu sinni í
viku í sandhólunum á ströndinni og lesa saman
bækur. Yfir öllu ríkir kuldinn í íslenskri náttúru
og hitinn sem finna má í pólskri ljóðlist.
Lesstofan
IB RAF HLB
Brotin
Jón Atli Jónasson
Grjóthörð glæpasaga eftir margverðlaunað
leikskáld. Unglingsstúlka hverfur í skólaferðalagi á
Þingvöllum. Tvær utangarðslöggur eru settar í málið:
Dóra sem glímir við heilaskaða eftir vinnuslys og
Rado sem er fallinn í ónáð vegna fjölskyldutengsla
við pólska glæpaklíku. En hausinn á Dóru er
óútreiknanlegur og vill bila á ögurstundum.
328 bls.
Forlagið - JPV útgáfa
SVK
Dagatal
Sögur á einföldu máli
Karítas Hrundar Pálsdóttir
Dagatal geymir níutíu og eina sögu á einföldu
máli. Í stuttum og aðgengilegum frásögnum
er dregin upp mynd af íslenskum veruleika allt
árið um kring. Dagatal er sjálfstætt framhald af
Árstíðum sem hefur notið mikilla vinsælda. Bókin
nýtist jafnt til kennslu og yndislestrar.
329 bls.
Una útgáfuhús
KIL RAF HLB
Dalurinn
Margrét S. Höskuldsdóttir
Sif dvelur ein í afskekktum sumarbústað við
ritgerðaskrif. Sem betur fer er æskuvinur hennar
ekki langt undan og jafnvel ferðamaður í vanda veitir
visst öryggi – þar til allt sveipast skyndilega óvissu
og Sif veit ekki lengur hverju er hægt að treysta.
Hér stígur fram nýr spennusagnahöfundur með
grípandi sögu sem engin leið er að leggja frá sér.
320 bls.
Forlagið - JPV útgáfa
Það er töff að lesa bók!
B Ó K A T Í Ð I N D I 2 0 2 2 29GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa
Skáldverk ÍSLENSK