Bókatíðindi - 01.12.2022, Side 39

KIL RAF HLB
Jana Berzelius - 7. bók
Björninn sefur
Emelie Schepp
Þýð: Kristján H. Kristjánsson
Maður finnst myrtur á hrottalegan hátt á heimili
sínu á afskekktum stað í nágrenni Norrköping. Í illa
leiknu líkinu finnst bangsi og tuskudýrið leiðir Henrik
Levin og Miu Bolander rannsóknarlögreglumenn til
Filippu Falk sem starfaði áður hjá lögreglunni.
365 bls. / H 9:16 klst.
MTH útgáfa
KIL
Brotin bein
Angela Marsons
Þýð: Ingunn Snædal
Morð á ungri vændiskonu og kornabarn sem finnst
yfirgefið sama vetrarkvöldið er upphafið að erfiðri
rannsókn Kim Stone – sem kemst aftur í kynni við
manneskju frá sinni eigin hræðilegu æsku. Þegar þrjár
vændiskonur í viðbót finnast myrtar í Svörtulöndum
í röð árása gera Kim og liðið hennar sér grein fyrir
því að hér er sjúkur raðmorðingi að verki.
352 bls.
Drápa
KIL RAF HLB
Böðulskossinn
Mons Kallentoft
Þýð: Jón Þ. Þór
Malin Fors er komin aftur til Linköping eftir
viðburðaríkan tíma í Bangkok. Hún er varla búin
að koma sér fyrir þegar flugvöllurinn í Linköping
verður vettvangur stærstu gíslatöku í sögu Svíþjóðar.
Um sumarið skellur á grimmileg ofbeldisalda í
Linköping. Malin og félagar eltast við morðingja
sem virðist alltaf vera skrefi á undan ...
407 bls.
Ugla
KIL
Dauðinn og mörgæsin
Andrej Kúrkov
Þýð: Áslaug Agnarsdóttir
Sögusviðið er Úkraína eftir fall Sovétríkjanna.
Viktor, lánlaus og hæglátur rithöfundur, býr í lítilli
blokkaríbúð ásamt þunglyndri mörgæs sem hann hefur
tekið í fóstur af fjárvana dýragarði Kiev. Dag nokkurn
ræður dagblað hann til að skrifa minningargreinar
og skyndilega virðist veröldin brosa við Viktori.
„Tragíkómískt meistaraverk.“ D.Telegraph
270 bls.
Bjartur
KIL
Allt sem við misstum í eldinum
Mariana Enriquez
Þýð: Jón Hallur Stefánsson
Dáleiðandi smásögur eftir argentíska rithöfundinn
Mariönu Enriquez, eina athyglisverðustu
bókmenntarödd Rómönsku-Ameríku, sem vísa
í sögulegan og pólitískan veruleika Argentínu.
Magnaðar sögur sem hafa vakið athygli víða um
heim og verið þýddar á 28 tungumál.
256 bls.
Angústúra
IB
Áður en við urðum þín
Lisa Wingate
Í þessari áhrifamiklu sögu fléttast saman örlög fimm
systkina og líf farsæls saksóknara úr valdamikilli
fjölskyldu. Óvæntur fundur verður til þess að hún fer
að skoða fjölskyldusögu sína betur. Margverðlaunuð
bók um eitt stærsta hneykslismál Bandaríkjanna,
um forstöðukonu ættleiðingarstofnunar sem rændi
börnum frá fátækum og kom fyrir hjá ríkum.
352 bls.
Bergmál
KIL
Á nóttunni er allt blóð svart
David Diop
Þýð: Ásdís R. Magnúsdóttir
Þegar Alfa Ndiaye treystir sér ekki til að veita
æskuvini sínum Mademba Diop náðarhöggið þar
sem hann liggur illa særður milli skotgrafa í fyrri
heimsstyrjöldinni brestur eitthvað innra með
honum og hefndarþorsti heltekur hann. Í fyrstu dást
félagarnir að hugrekki Alfa en þegar voðaverkunum
linnir ekki hættir þeim að lítast á blikuna.
144 bls.
Angústúra
KIL RAF HLB
Bara móðir
Roy Jacobsen
Þýð: Jón St. Kristjánsson
Lífið á Barrey gengur sinn vanagang. Dag einn
eignast Kaja dóttir Ingridar nýjan leikfélaga þegar
Matthías litli kemur en stuttu síðar hverfur faðir
hans. Bara móðir gerist á eftirstríðsárunum í
Noregi þegar dimmur skuggi stríðsins er enn
merkjanlegur. Þetta er fjórða bókin í þessum vinsæla
sagnaflokki um Ingrid Barrey og fólkið hennar.
288 bls.
Forlagið - Mál og menning
IB
Beta frænka
Honoré de Balzac
Þýð: Sigurjón Björnsson
Beta frænka er saga heitra tilfinninga sem stýra
gerðum manna. Hér er fulltrúi tryggðar og hollustu
og takmarkalausrar sjálfsafneitunar. Önnur
persóna er holdgervingur öfundar og kolsvarts
haturs og hin þriðja er spillingunni vígð. Þarna
birtast sem sagt tvö meginöfl sálarlífsins – ást og
hatur – Eros og Þanatos – engill og djöfull.
486 bls.
Skrudda
Nýsmurð vefverslun
www.boksala.is
B Ó K A T Í Ð I N D I 2 0 2 2 39GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa
Skáldverk ÞÝDD