Bókatíðindi - 01.12.2022, Side 68

GOR
Vökvatækni - tilraunaútgáfa
Kaj Holmegaard
Þýð: Rúnar Arason
Þessi bók fjallar um grundvallaratriði vökvatækni,
s.s. dælur, mótora, strokka, þrýstiventla, stefnuloka,
skothylkisloka, flæðisventla, hlutfallsventla og
rafgeyma. Auk þess er fjallað um mælitækni og
viðhald vökvakerfa. Bókin er ætluð til kennslu í
framhaldsskólum en hentar auk þess til sjálfsnáms
og sem uppsláttarrit fyrir tæknifólk.
210 bls.
IÐNÚ útgáfa
IB
Yfirrétturinn á Íslandi: Dómar og skjöl II.
1711–1715
Ritstjórar: Jóhanna Þ. Guðmundsdóttir og Gísli
Baldur Róbertsson
Yfirrétturinn á Íslandi starfaði á árunum 1563–1800
og var æðsta dómstig innanlands. Í öðru bindi
dóma og skjala yfirréttarins birtast dómar áranna
1711–1715. Stór hluti skjalanna tengist rannsókn
þeirra Árna Magnússonar og Páls Vídalíns á réttarfari
á Íslandi. Í bindinu koma m.a. fyrir galdramál,
meiðyrðamál, rekamál og deilur um málsmeðferð.
694 bls.
Sögufélag og Þjóðskjalasafn Íslands
IB
Það blæðir úr þjóðarsálinni
Óttar Guðmundsson
Síðustu ár hafa bakþankar Óttars Guðmundssonar í
Fréttablaðinu notið mikilla og verðskuldaðra vinsælda.
Óttar er litríkur höfundur sem kemur víða við.
Hann leitar jöfnum höndum í smiðju afa síns Egils
Skallagrímssonar og frænda sinna af Sturlungaætt.
Honum er ekkert óviðkomandi og pistlarnir fjalla
bæði um vandamál nútímamanna og forfeðranna.
185 bls.
Skrudda
IB RAF
Það sem ég hefði viljað vita
Edda Falak
Þessi bók byggir á reynslu Eddu Falak og hefur
að geyma vitneskju sem hún hefði viljað búa yfir
þegar hún var yngri, hluti sem hún veit í dag
vegna þess sem hún hefur gengið í gegnum.
Edda er fjármálafræðingur og stýrir hlaðvarpi
sínu Eigin konur. Í bókinni er að finna
mikilvæg svör við spurningum sem erfitt
er að spyrja – en verður að svara.
136 bls.
Veröld
KIL RAF HLB
Venjulegar konur
Vændi á Íslandi
Brynhildur Björnsdóttir
Vændi viðgengst á Íslandi en þó heyrast sjaldan
raddir þeirra sem í því lenda. Hér ræðir Brynhildur
Björnsdóttir við sex íslenskar konur sem hafa verið í
vændi, þær bera sára reynslu sína ekki utan á sér en
lýsa aðstæðum sem aldrei ættu að viðgangast. Jafnframt
er fyrirbærið vændi kannað frá ýmsum hliðum og
rætt við fagfólk sem vinnur með þolendum.
294 bls.
Forlagið - Mál og menning
SVK
Verufræði
Björn Þorsteinsson
Hvað er til og hvað er að vera (til)? Er ekkert annað til
en efnið? Hvað með vitund eða skynjun? Spurningar
af þessum toga eru viðfangsefni verufræðinnar
og þar með þessarar bókar. Í henni er sett fram
kenning sem kalla má verufræði skynsins.
172 bls.
Háskólaútgáfan
RAF
Vinnuvernd
Vitund - varnir - viðbrögð
Eyþór Víðisson
Allir ættu að láta sig vinnuvernd varða og því
er almenn kunnátta á hugtökum, hættum og
aðferðum til úrbóta nauðsynleg svo draga
megi úr áhættu á vinnustað. Í þessari vefbók
er leitast við að setja efnið fram á einfaldan
og skýran hátt. Auk þess er í vefbókinni fjöldi
ljósmynda, myndbanda og teikninga.
IÐNÚ útgáfa
KIL RAF
Vítislogar – kilja
Heimur í stríði 1939–1945
Max Hastings
Þýð: Magnús Þór Hafsteinsson
Heimsstyrjöldin síðari kostaði um 60 milljónir
manna lífið – að meðaltali 27 þúsund manns á dag.
Milljónir hlutu ævarandi líkamlegan og andlegan
skaða. Heilu borgirnar voru rústir einar. Í þessari bók
dregur Max Hastings saman rannsóknir sínar í eitt
heildarverk sem fengið hefur frábærar viðtökur og
þykir varpa nýju ljósi á blóðugustu ár 20. aldar.
Ugla
Nýsmurð vefverslun
B Ó K A T Í Ð I N D I 2 0 2 2 GOR Gormabók HSP Harðspjalda bók HLB Hljóðbók IB Innbundin bók KIL Kilja RAF Rafbók G Sveigjanleg kápa68
Fræði og bækur almenns efnis