Læknaneminn - 01.04.2008, Page 9

sótt. Á miðvikudeginum var málþing
um blóðgjafir og á fimmtudeginum
málþing um ofbeldi gegn börnum.
Árshátíðin sjálf var á föstudegi.
Kennsluverðlaun ársins 2008
hlaut Eiríkur Steingrímsson ásamt
kennurum námskeiðsins lífefnafræði
A, sameindalíffræði. Heiðursverðlaun
hlaut réttarmeinafræðingurinn
Gunnlaugur Geirsson og
unglæknaverðlaun hlaut Ragnar
Freyr Ingvarsson. Ýmsir afslættir
stóðu læknanemum til boða fyrir
árshátíð sem margir nýttu sér. Að
morgni hátíðarinnar fengu allir
bekkirnir körfur með brauðmeti sem
þeir nýttu sér í morgunveislum.
Fulltrúaráð stóð fyrir sinni árlegu
nýnemakynningu eða spírítusvígslu
þar sem þau nýmæli voru á þessu
ári að nemendur kynntu sig á
myndbandi sem síðan var spilað
fyrir spíritusgesti og lukkaðist það
fyrirkomulag ákaflega vel. Einnig
skipulagði fulltrúaráð nýnemaferð í
Þjórsárver þar sem fulltrúar frá öllum
nefndum FL fóru með og kynntu
nám og félagslíf fyrir læknanemum
á fyrsta ári og mun þessi árgangur
þannig vera vel upplýstur um störf
félagsins.
Vísindaferðir voru margar á árinu.
Fjölmörg fyrirtæki voru heimsótt
þ.á m. Ölgerð Egils Skallgrímssonar,
Morgunblaðið, GSK, A. Karlsson, Ice
Pharma, Atlantsolía, FSA, Vífilfell,
Actavis og Kaupþing banki.
Læknanemar hafa löngum talist
miklir íþróttagarpar. Fótboltamót var
haldið í október. Áætlað er að hafa
annað fótboltamót í apríl. Snókermót
var einnig haldið í október og
heppnaðist gríðarvel. Annað mót er
áætlað í apríl. Einnig var hið árlega
snókermót Læknagarðs haldið með
pompi og prakt enda læknanemar
þekktir fyrir gríðarlegan áhuga á
snóker.
Stelpu- og strákakvöld var haldið í
nóvember og þar fóru stúlkurnar í
GlaxoSmithKline en strákarnir í A.
Karlsson. Eftir vísindaferðina fóru
strákarnir í Húnabúð, Skeifunni, þar
sem boðið var upp á hvítan rússa
að hætti GVS en stelpurnar fóru til
læknanema á 3. ári og var þar boðið
upp á kir royal. Síðan hittust kynin í
Húnabúð og dönsuðu eins og enginn
væri morgundagurinn.
Annað árið, með aðstoð fulltrúaráðs,
hélt hið árlega jólaglögg sem haldið
var í desember í áðurnefndri
Húnabúð. Glöggið var vel sótt og
heppnaðist lygilega vel.
Stórir atburðir eru eftir þegar
þetta er ritað og þeir stærstu eru
læknaleikarnir þar sem læknanemar
keppa í fjölbreyttum þrautum og
sigurvegarar fá glæsilega vinninga.
Einnig er fyrirhugað að halda
gríðarstórt lokadjamm sem verður
einnig sjórnarskiptafundur en þar
verður starfsárið og gamla stjórnin
kvödd með viðeigandi hætti.
Af kennslu- og
fræðslumálanefnd
Kennslu- og fræðslumálanefnd er
skipuð sex fulltrúum, einum af hverju
námsári. Formaður nefndarinnar
kemur af fimmta ári og var á þessu
starfsári Martin Ingi Sigurðsson.
Hlutverk nefndarinnar er að mæta
á fundi kennsluráðs, deildarráðs
og á deildar- og skorarfundi
læknadeildar. Einnig á nefndin að
halda fræðslufundi um málefni tengd
læknisfræði, sjá um bókakost og
fræðabúr, sjá um háskólakynningar,
hópslysaæfingar og kynningar á
námskeiðum í læknadeild. Kennslu-
og fræðslumálanefnd kemur einnig
athugasemdumlæknanemaáframfæri
við kennsluráð deildarinnar.
í nóvember var USMLE-bókasafn
læknanema opnað en formaður
kennslu- og fræðslumálanefndarhafði
veg og vanda af því að kaupa góðar
undirbúningsbækur fyrir samræmdu
bandarísku læknaprófin (USMLE).
Þetta eru próf sem læknanemar
þreyta á sjötta ári og spanna öll
ldínísku fögin. Læknanemum er
mikill fengur í bókum þessum og
kynslóðir læknanema eiga vonandi
eftir að nota þessar bækur. Þá er
vonast til þess að bókakaupin stuðli
að því að fleiri læknanemar þreyti öll
USMLE prófin.
Námskeiðskynningar hafa verið
stór hluti starfsemi kennslu- og
fræðslumálanefndar undanfarin ár.
Árið í ár var engin undantekning frá
því og sáu meðlimir nefndarinnar um
aðhaldauppiöflugrikynninguíbyrjun
hvers námskeiðs um bækur, kennara
og próf. Eru námskeiðskynningarnar
orðnar ómissandi liður fyrir marga
læknanema til að hefja sérhvern
nýjan kúrs.
Kennslu- og fræðslumálanefnd
bar hitann og þungann af því að
kynna deildina fýrir fróðleiksfúsum
framhaldsskólanemum. Með vaxandi
markaðs- og kynningarstarfsemi HÍ
hafa þessar framhaldsskólakynningar
orðið vaxandi byrði á starfi
nefndarinnar. Hefur nú verið ákveðið
að taka til endurskoðunar aðkomu
nemenda að deildarkynningum.
Nokkrir fræðslufundir hafa verið
skipulagðir. Hjartahlustun í öllu sínu
veldi var kynnt læknanemum af Karli
Andersen í samvinnu við Vistor.
Heppnaðist fræðslan gríðarlega
vel. Einnig skipulagði Kennslu- og
fræðslumálanefnd málþing um
sýkingar læknanema í starfsnámi og
var ýmislegt áhugavert sem kom þar
fram. Málþingið var byrjun nokkurrar
vakningar varðandi öryggi nema í
starfsnámi og hefur í kjölfarið verið
unnið í því að gera átak í vinnuvernd
læknanema í starfsnámi.
Á haustmánuðum starfaði Kennslu-
og fræðslumálanefnd með starfsnefnd
á vegum menntamálaráðuneytisins.
Þessi starfsnefnd átti að taka út nám
við læknadeild og tók hún mikið
mark á skoðunum læknanema. I
kjölfarið kom út skýrsla þar sem farið
var fram á breytingar í stjórnsýslu
læknadeildar. Niðurstöðurnar tóna
ágætlega við það sem nemendur
hafa lagt til í nefndarstörfum sínum
innan veggja læknadeildar, einkum
varðandi stundaskrárgerð og innra
skipulag námskeiða. Mikill hugur er
nú meðal yfirstjórnar læknadeildar
við að gera úrbætur í samræmi við
niðurstöður skýrslunnar og munu
læknanemar ekki láta sitt eftir liggja í
að koma með tillögur og veita aðhald
þar sem við á.
Kennslu- og fræðslumálanefnd hefur
ásamt stjórn skipulagt fræðslufundi
um inngöngu FL í Læknafélag
íslands, kjaramál læknanema,
kynningu á kandídatsári við
Fjórðungssjúkrahúsið á Akureyri
og kynningu á starfi á Slysa- og
bráðadeild. Einnig hefur nefndin
komið að skipulagningu á námskeiði
í sérhæfðri endurlífgun ásamt stjórn
FL. Á næstunni er fýrirhugað að hafa
gourmet-kvöld þar sem læknanemar
munu kynnast því hvernig skuli meta
gæði og matast.