Læknaneminn - 01.04.2008, Page 61

Ástráður -
forvarnastarf læknanema
Ástráður, forvarnarstarf læknanema
er félag um forvarnir og fræðslu
er snýr að kynlífi og kynheilbrigði.
Ástráður fer í framhaldsskóla út um
allt land, í efstu bekki grunnskóla
og félagsmiðstöðvar. Við hittum
og spjöllum við ungt fólk frá 13 ára
og upp undir þrítugt. Einnig erum
við með heimasíðu, astradur.is,
sem er nýuppfærð og tölvupóst þar
sem við tökum á móti hinum ýmsu
fyrirspurnum eða öllu sem snýr að
kynlífi og ráðum um ástir. Ástráður
er nú kominn með Myspace-síðu,
myspace.com/astradur og símatíma á
þriðjudags- og fimmtudagskvöldum,
frá 20-22 ísíma 896-9619.
Áþessu 8.starfsári Ástráðshöfum við
einbeitt okkur að þvi að sinna betur
grunnskólum og félagsmiðstöðvum
og hefur eftirspurnin margfaldast. Til
að anna þessari auknu eítirspurn sér
3- árið nú alfarið um grunnskóla- og
félagsmiðstöðvafræðsluna, en 2. árið
um framhaldsskólafræðsluna. Það
eru því mun fleiri virkir læknanemar
i fræðslunni en verið hefur þar sem 2.
árið hefur hingað til aðallega séð um
ftæðsluna.
Áf grasrótarstarfi Ástráðs ber helst
að nefna að það sem af er þessu
skólaári höfum við farið í 130 ferðir
' framhaldsskóla og heimsótt 50
félagsmiðstöðvar og grunnskóla.
Alls eru þetta því á bilinu 4500-
5000 ungmenni sem við höfum
frætt um kynfærin, kynsjúkdóma og
getnaðarvarnir, svo fátt eitt sé nefnt.
Svo höfum við að sjálfsögðu kynnt
fyrir þeim rétta notkun smokksins,
og þá staðreynd að hann er eina
kynsjúkdómavörnin, að undanskildu
skírlífi og sjálfsfróun. Einnig vonum
við innilega að það fari enginn frá
okkur í þeirri trú að rofnar samfarir
eða hitastigssveiflur tengdar tíðahring
konunar séu öruggar getnaðarvarnir.
Móttökurnar eru alltaf góðar og
krakkarnir afar sáttir með fræðsluna.
Ástráður er með mörg járn í eldinum
þessa dagana og stór verkefni
í gangi. Þar ber helst að nefna
auglýsingaherferð sem við hófum 29.
febrúar í samstarfi við Sóttvarnalækni,
Hitt húsið, FKB og fleiri aðila. Með
herferðinni er ætlunin að vekja
athygli ungs fólks á kynsjúkdómum,
einkennum þeirra og smitleiðum og
stuðla að aukinni smokkanotkun.
Okkar hluti verkefnisins sneri
að hönnun og vinnslu plakata og
límmiða sem dreift var um allan bæ.
Síðastliðið haust hófst vinnan við
hönnunina og voru hugmyndirnar
ófáar og margar hverjar mjög
skemmtilegar. f nóvember byrjuðu
síðan myndatökurnar og small þetta
allt saman 29. febrúar. Þá var haldin
opnunarhátið í Hinu húsinu með
pompi og prakt þar sem margt var
um manninn.
Með veggspj öldunum viljum við vekj a
athygli á alvarleika kynsjúkdóma og
hversu auðsmitanlegirþeir eru. Kastað
er fram ógnvekjandi staðreyndum
um tíðni þeirra og áhersla lögð á að
ALLIR geti smitast, kynsjúkdómar
fari ekki í manngreinarálit! Einnig
snýr hluti veggspjaldanna að munn-
og endaþarmsmökum. Bent er á að
kynsjúkdómar geti einnig smitast
með slílcum mökum og alltaf beri að
gæta varúðar.
Ástráður er félag sem er að öllu leyti
byggt á sjálfboðavinnu en ýmsir
styrktaraðilar styðja vel við bakið
á okkur. Nú hefur nýr styrktaraðili
bæst í hópinn, en Ástráður hóf
samstarf við Flugfélag fslands í
vetur. Flugfélag fslands mun styrkja
Ástráð með ferðum til áfangastaða
sinna hér innanlands, eins og til
Akureyrar, ísaþarðar og Egilsstaða.
Auk þess mun Flugfélagið styrkja
Ástráð um utanlandsferðir fyrir tvo
til þrjá einstaklinga, bæði á FINO
(Federation of international Nordic
medical students’ organisation)
og NECSE (Northern European
Co-operation of Sex Education).
Ráðstefnur þessar reynum við að
sækja á hverju ári en hingað til hefur
íjármagnið sett okkur ákveðnar
skorður hvað það varðar. Á þessum
ráðstefnum hittum við læknanema
sem standa að svipaðri starfsemi og
við, lærum af þeim og miðlum okkar
reynslu.
Á döfinni nú í sumar er
smokkadreifing í tengslum við
Verslunarmannahelgina eins og
venjan hefur verið undanfarin 2 ár
auk dreifingar í tengslum við Gay
Pride og Menningarnótt. Síðastliðið
sumar bættum við þessum tveimur
síðarnefndu dreifingum við og
heppnaðist mjög vel. Við í Ástráði
lítum því björtum augum fram á
veginn og þökkum dyggan stuðning
ogómældan dugnað ástráðunautanna,
sem auðvitað eru læknanemar.
Halla Sif Ólafsdóttir
Ritari Ástráðs
2. árs læknanemi
Læknaneminn 61