Úrval - 01.11.1966, Page 23

GÍBRALTAR, KLETTURINN HEIMSKUNNI
21
Klettsins. Margir af hinum uppruna-
legu spænsku íbúum Gibraltar flutt-
ust til San Roque til þess að þurfa
ekki að sverja krúnunni hollustu-
eiða. Skjalasöfn, sem snerta hið
spænska hernám Klettsins og yfir-
ráðatímabil Spánverja þar, eru
geymd í San Roque. Afkomendur
flóttamanna hafa tilbúin plögg, sem
sanna eignarrétt forfeðra þeirra til
lóða og jarðarskika á Klettinum. Og
þeir segjast ætla að leggja plögg
þessi fram sem löglegar sannanir
fyrir eignarrétti sínum, strax og
Kletturinn verður spænskur á ný.
En Bretar sýna þess engin merki,
að þeir ætli að láta Gibraltar af
hendi við Spánverja. „Brezkir er-
um við, og brezkir verðum við“.
Þessi orð má sjá skrifuð á veggi
víðsvegar um bæinn. Þau eru handa-
verk hinna 25.000 Gibraltarbúa,
sem ekki eru spænskir og vilja ekki
heldur vera það. Margir þeirra eru
ættaðir frá Genúa, en í þeim hefur
einnig blandazt blóð Breta, Möltu-
búa og Spánverja. Þar eru einnig
lítil hverfi Hindúa og Gyðinga.
Hjónabönd brezkra hermanna og
stúlkna úr bænum hafa veitt stöð-
ugt sterkari straumi engilsaxnesks
blóðs inn í blöndu þessa.
Eitt er öruggt: Þessi klettur, sem
vakir tígulegur yfir vesturinngangi
Miðjarðarhafsins, mun standa að
eilífu. Svo traustur er Gibraltar-
klettur.
LJÓSHÆRÐ, DÖKKHÆRÐ EÐA RAUÐHÆRÐ
VissuS þið, að þeir, sem hafa ljóst hár frá náttúrunnar hendi, hafa
fleiri hár en þeir dökkhærðu?
Þetta er ein af þeim einkennilegu staðreyndum, sem vísindamenn
nokkrir í Springfield í Massachusettsfylki í Bandaríkjunum hafa ný-
lega skýrt frá, en þeir hafa fengizt við rannsókn á hári manna.
Þeir hafa reiknað það út, að á höfði fullorðins, Ijóshærðs manns,
séu að meðaltali 140.000 hár, en á höfði dökkhærðs manns aðeins 108.000,
eri rauðhærða fólkið hefur aðeins um 90.000 hár að meðaltali. E'n hár
þeirra dökkhærðu og rauðhærðu er venjulega sterkara og þykkara,
að því er þeir segja.
Ein stærsta lyfjaverksmiðja Bandaríkjanna hefur styrkt þessar rann-
sóknir, og er ætlunin að komast að sem mestu, er snertir hár manna,
einkum og sér i lagi hár kvenna í þeirri von, að unnt muni að finna
nýjar aðferðir til þess að fegra það.
Prófanir hafa sýnt, að hár heilbrigðrar, ungrar konu þolir vel, að
það sé teygt, jafnvel svo að furðu sætir. Hægt er að teygja eitt höfuð-
hár, þangað til það hefur náð tvöfaldri upphaflegri lengd. Þá fyrst mun
það slitna.
Á eðlilegan hátt vex það um % úr þumlungi á mánuði hverjum, en
eftir að það er orðið 10 þumlungar á lengd, minnkar hárvöxturinn
talsvert.