Úrval - 01.11.1966, Qupperneq 35

Afstaða Suðurkrossins á ýmsum tímum sólarhrings, á 4 klukkustunda fresti, eins og
hann sést í syðra tempraða beltinu. Örvarnar sýna göngu merkisins um syðra himin-
skautið, og sýnist það ganga eins og vísar á úri, en í rauninni er það jörðin sem snýst
í gegnstæða stefnu. Himinskautið —en það er sú stefna í geimnum sem jarðmöndull-
inn bendir á — er merkt með plúsmerki. Þegar Suðurkrossinn er í efstu stöðunni, gæg-
ist hann rétt upp fyrir sjóndeildarhringinn í Egyptalandi og syð,st á Flórída. Þegar
komið er suður að miðbaug, sést hann einnig í tveim næstefstu stöðunum. Eins og önn-
ur stjörnumerki fer Suðurkrossinn heila umferð á einum sólarhring, eða nákvæmar til-
tekið 23 tímum og 56 mínútum, því að ganga jarðar um sól flýtir afstöðuhreyfingunni
við stjörnurnar um 4 inínútur á sólarhring. Sagt er að sæfarar og herstjórar fyrri tíma
hafi kunnað svo vel að taka eftir stjörnumerkjumr að þeir gátu talið stundir nætur-
innar eftir stöðu Suðurkrossins hverju sinni. Suðurkrossinn varð þannig að einskonar
vísi á risastóru úri. Það var líka vitað að ásinn sem bessi mikli vísir snerist um, var
nákvæmlega í hásuðri. Þó að erfitt sé að miða út suðurskautið, af því að suðurpól-
stjarna er engin, auðveldar það nokkuð. að lengri ás Suðurkrossins stefnir allnákvæm-
lega á skautið.