Úrval - 01.08.1968, Side 17

HEIMKOMAN TIL JERÚSALEM
15
um að ræða helgistaði kristinna
manna. Kristnir menn fengu að
búa í borginni aðeins fyrir náð
múhameðskra yfirvalda, að undan-
skildum þeim tíma, er Bretar fóru
með stjórn í landinu og svo á tím-
um krossfaranna, er þeir stofnuðu
konungsríkið Jerúsalem. Rómversk-
kaþólskir menn hafa fengið að-
gang að ýmsum helgistöðum, sem
grísk-kaþólska kirkjan og aðrar
austrænar kirkjudeildir ráða yfir,
og deila þessar kirkjudeildir helgi-
stöðum þessum hverjar með öðrum.
í þeim hluta borgarinnar, sem
tilheyrir Gyðingum, kasta strang-
trúaðir Gyðingar jafnvel grjóti að
þeim Gyðingum, sem ekki eru
strangtrúaðir, til þess að láta þá
vita, að þeir séu alls ekki velkomn-
ir. Margir þeir Gyðingar, sem til-
heyra ekki strangtrúarflokkunum,
minna hina strangtrúuðu bræður
sína á, að þeir dveljist sjálfir i
eins konar einangruðu hverfi í
borg hinna vantrúuðu og það séu
þeir sjálfir, sem hafi einangrað sig.
í>að eru aðeins pílagrímarnir, sem
virðast vera eins og þeir séu heima
hjá sér, enda er Jerúsalem enn
musterisborg likt og hún var í
fornöld.
Múhameðstrúarmenn álíta borg-
ina heilaga, af því að það er álitið,
að Múhameð hafi einmitt stigið upp
til himna úr Jerúsalemsborg á
vængjuðum hesti. Fólki er enn
bent á farið eftir hóf hestins hans
á hinum mikla kletti, sem stendur
í miðri Klettahvelfingunni, fegurstu
byggingu Jerúsalem og einum
mesta helgistað múhameðstrúar-
manna. En helgi klettsins var kom-
in á löngu fyrir himnaför Múham-
eðs. Gyðingar álíta, að þetta sé ein-
mitt staðurinn, þar sem Abraham
bjó sig undir að fórna ísak syni
sínum samkvæmt boði guðs.
Kristnir menn álíta borgina helga
sem stað krossfestingar og upprisu
Jesú. Þar er einnig fæðingarstað-
ur Maríu meyjar, Getsemanegarð-
urinn, staðurinn þar sem Jesús var
húðstrýktur og dæmdur og leið-
in, sem hann bar krossinn eftir
Golgata.
Múhameðstrúarmenn hafa alltaf
getað heimsótt helgistaði sína í
Jerúsalem að undanteknum nokkr-
um árum á krossferðartímunum.
Múhameðstrúarmenn hafa ráðið
yfir borginni mestallan þann tíma,
sem liðinn er, síðan Arabar unnu
Jerúsalem í fyrsta sinni árið 637
eftir Krist. Kristnir menn hafa
alltaf átt erfiðara um vik með að
fá leyfi til pílagrímsferða til helgi-
staða sinna í borginni. Krossfar-
irnar hófust einmitt vegna þess, að
á 11. öld bönnuðu ofstækisfullir
múhameðstrúarmenn kristnum
mönnum að stíga fæti sínum inn
í hina helgu borg. Eftir að kross-
farartímunum lauk með því, að
múhameðstrúarmenn imnu Jerú-
salem að nýju, var kristnum píla-
grímum samt leyft að heimsækja
borgina. En dagbækur ýmissa píla-
gríma, sem til borgarinnar komu á
þeim tímum, greina frá fjölmörgum
frásögnum um ýmiss konar áreitni
og ofsóknir, sem kristnir menn
hafi orðið fyrir í Jerúsalem. Þetta
stafaði yfirleitt af þeirri staðreynd,
að eigendur borgarinnar skoðuðu
Jerúsalem fjrrst og fremst sem