Úrval - 01.08.1968, Blaðsíða 106

104
ÚRVAL
ósvipað og unglingar eiga við að
glíma á unglingsárunum. Þar sem
hinn miðaldra maður gerir sér ljóst,
að farið er að halla undan fæti,
verður hann að ákveða, hvort hann
ætlar að lækka seglin eða halda
áfram á sömu braut. Hann getur
haldið ótrauður sömu stefnu, eða
setið lengur og lengur fyrir framan
sj ón varpstækið.
Rannsóknir á eðli þessa aldurs-
skeiðs eru enn mjög stutt komnar,
Nýlega veittu bandarísku heilbrigð-
isyfivöldin Langley Porter stofnun-
inni 800.000 dollar til rannsókna á
þroska mannsins, allt frá bernsku
til elliára. Hvað sem þær nú samt
leiða í ljós, er mjög ólíklegt að þær
verði í mikilli mótsögn við niður-
stöður frú Neugarten. Það er álit
fjölmargra miðaldra karla og
kvenna, að þetta tímabil sé bezti
hluti ævinnar.
ERT ÞÚ MIÐALDRA
Sálfræðingar og þjóðfélagsfræð-
ingar álíta, að sá hluti ævinnar, sem
nefndur er miður aldur, sé ekki
fyrst og fremst sérstakur árafjöldi,
heldur fremur visst hugarástand.
Hér koma nokkrar spurningar, sem
notaðar eru til að skera úr um, hvort
viðkomandi maður, karl eða kona,
er orðinn miðaldra í hugsun.
Finnst þér, að þú sért að upplifa
atburði, sem þú hefur áður gengið
í gegnum?
Þegar þú tekur ákvörðun um, að
eitt sé rétt og annað rangt, er það
þá þín dómgreind, sem hefur síðasta
orðið?
Fyrir karlmenn:
Nota samstarfsmenn þínir titilinn
herra, þegar þeir tala við þig í stað
þess að nota skírnarnafn þitt?
Hefur það skyndilega hvarflað að
þér, þegar þú ert að horfa á ungar
stúlkur á baðstöðunum, hvernig þú
lítir út í þeirra augum?
Gefurðu nú orðið gaum að ráð-
leggingum konu þinnar, þegar hún
er að segja þér, hvernig þú átt að
aka?
Fyrir konur:
Hugsar þú mikið um kynþokka
þinn?
Myndi dóttir þín hlæja að þér, ef
þú værir í mjög stuttu pilsi?
Hafa áhyggjur þínar út af heilsu
eiginmannsins aukizt upp á síðkast-
ið?
Ef þið svarið spurningunum ját-
andi eruð þið orðin miðaldra.
Með opinberri blessun................ .. .. ....
Gamli skrifstofumaðurinn minn var eins konar erfðagripur frá ný-
lendutímabili Breta á svæði því, sem nú heitir Pakistan. Hið forn-
fálega orðskrúð verzlunarbréfastíls Þess, sem var áður í tízku, er
orðinn eiginiegur þáttur í fari hans. Því sendi hann mér eftirfarandi
hamingjuóskir í tilefni giftingar minnar: „Herra, með tilvisun til
giftingar yðar 10. þ.m. bið ég yður að móttaka mínar innilegustu
árnaðaróskir. P.s. Megi Guð gefa yður son við sitt fyrsta tækifæri”:
Salim Khan.