Árbók VFÍ/TFÍ - 01.06.2011, Blaðsíða 34
VFÍ1920 og 1923, og einnig á grein eftir Gurtnlaug Briem um útvarpsstöðvar. Steingrímur
Jónsson tók til máls og gat þess „að fyrstu tildrögin til íðorðasöfnunar á vegum
verkfræðinga væri erindi Björns Bjarnasonar frá Viðfirði á fundi í VFÍ". Björn hélt erindi
sitt seint á árinu 1918, ekki löngu eftir stofnun Verkfræðingafjelagsins. Fáum mánuðum
eftir að Bjöm hélt fyrirlestur sinn stofnuðu verkfræðingar orðanefnd. Guðmundur
Finnbogason og Sigurður Nordal voru lífið og sálin í þessari nefnd. Nefndin hélt 152
fundi á árunum 1919-1926, einn fund 1927 og að lokum einn fund 1933, þegar fjallað var
um raftækniorð í Reglugerð um raforkuvirki. Nefndin skírði sig sjálf „Orðanefnd
Verkfræðingafjelagsins".
Orðanefnd Verkfræðingafélagsins kom býsna víða við og hafði þá sérfróða menn sér til
aðstoðar, eftir því sem við átti. Einn af ráðunautum orðanefndarinnar var Steingrímur
Jónsson rafmagnsstjóri, en fleiri rafmagnsverkfræðingar komu við sögu.
Fyrsta orðaskrá yfir íðorð úr rafmagnsfræði birtist í Tímariti VFÍ 1920, eins og áður segir.
Fyrirsögn hennar er „Nokkur heiti úr raffræðinni eftir orðanefnd Verkfræðingafjelagsins
með aðstoð Steingríms Jónssonar og Guðmundar Hlíðdal". Árið 1923 birtist önnur skrá
yfir rafmagnsorð í Tímariti VFÍ með sama heiti og hin fyrri, en Guðmundar Hlíðdals var
þó ekki getið sem aðstoðarmanns.
Það má því með nokkrum sanni fullyrða að Orðanefnd rafmagnsverkfræðinga, sem
stofnuð var á þessum fyrsta aðalfundi RVFÍ, sé beinn arftaki Orðanefndar
Verkfræðingafjelagsins. Kosnir voru þrír menn í nefndina. Þeir voru Gunnlaugur
Briem, síðar póst- og símamálastjóri, sem kjörinn var formaður hennar, Guðmundur
Marteinsson, síðar rafmagnseftirlitsstjóri ríkisins, og Steingrímur Jónsson, rafmagns-
stjóri í Reykjavík. Hin nýstofnaða orðanefnd átti hauka í horni þar sem voru aðrir
rafmagnsverkfræðingar sem viðriðnir voru starf Orðanefndar Verkfræðingafjelagsins
og veittu nefndinni liðsinni, eins og Guðmundur Hlíðdal, póst- og símamálastjóri,
sem lagði nefnd rafmagnsverkfræðinga til safn íðorða, sem hann hafði safnað, og
Jakob Gíslason, sem fyrr er getið og var höfundur áðurnefndrar reglugerðar og mikill
áhugamaður um íslenskt tæknimál. Meðal þrettán stofnfélaga deildarinnar voru
ýmsir aðrir sem höfðu mikinn áhuga á málrækt og íðorðastarfi. Þeir tóku á næstu
árum þátt í störfum orðanefndarinnar og fleiri orðanefnda, sem voru stofnaðar beint
eða óbeint af rafmagnsverkfræðingum, svo sem orðanefndir Ljóstæknifélagsins og
Kjarnfræðifélagsins. Félagar í Orðanefnd byggingaverkfræðinga sátu í upphafi fundi
hjá ORVFI til að kynna sér starfsaðferðir nefndarinnar, en þeir stofnuðu sína nefnd
1980. Athyglisvert er að flestar þeirra 59 orðanefnda, sem skráðar eru hjá íslenskri
málstöð eru stofnaðar á árunum 1980 til 2000. Auk ORVFÍ eru meðal annars skráðar
orðanefndir byggingaverkfræðinga (1980), efnaverkfræðinga (1982) og vélaverk-
fræðinga (1985).
3 2
Arbók VFi/TFl 2011