Árbók VFÍ/TFÍ - 01.06.2011, Blaðsíða 206

Hönnunartími
Samkvæmt hönnunaráætlun átti hönnunartími TK hluta verkefnisins að standa yfir fra
því í mars 2006 og fram í júní 2007. Þegar upp var staðið stóð Ramböll ekki við þá áætlun
og varð ÍAV því að gangast inn á að fyrstu heildstæðu TK hönnunarpakkar þeirra yrðu
ekki afhentir fyrr en í upphafi árs 2008. Það kom fljótlega í ljós fyrri hluta árs 2008, þegar
farið var að rýna hönnunina, að hún stóð ekki undir væntingum og var gerð krafa urn
úrbætur af hálfu Ramböll samhliða því sem krafist var skila á annarri hönnun sem ekki
var lokið. Frá febrúar 2008 og fram á haustið það ár fór því ómældur tími í að fá Ramböll
til að afhenda alla þá hönnun sem við töldum að væri ekki lokið. A þessum tíma bar
Ramböll það fyrir sig að það stæði á greiðslum frá ÍAV sem var að hluta til rétt því ÍAV
gat ekki samþykkt greiðslur fyrir hönnun sem var alsendis ófullnægjandi. ÍAV var a
þessum tíma í þeirri stöðu með framkvæmdina að nauðsynlegt var að fá alla þá hönnun
sem eitthvað vit var í. ÍAV lét því tilleiðast að greiða það sem þá var útistandandi gegn
því að Ramböll skilaði þeirri hönnun sem eftir var. Samkomulag tókst um þessa
niðurstöðu í lok september 2008.
Tímaáætlun TK framkvæmda tók að sjálfsögðu mið af upprunalegu áætluninni um
hönnunarskil í júní 2007. Þar sem þau gengu ekki eftir neyddist TK hópurinn til að hægja
á framkvæmdum seinni hluta árs 2007 og átti að keyra þær upp aftur í byrjun árs 2008 i
samræmi við að nýja áætlun um hönnunarskil. Á þessum tíma lá fyrir að skila ætti
byggingunni í desember 2009.
Staðan í upphafi árs 2008 var því sú að byrjað var að keyra upp framkvæmdina í þeirri
trú að Ramböll mundi afhenda nothæf hönnunargögn, en í stað þess kom fljótlega í ljós
að gögnin sem bárust frá Ramböll voru í besta falli hálfkláruð.
Þessi staða olli því sem fyrr segir að við samþykktum að greiða Ramböll fyrir hálfkláraða
hönnun í þeirri trú að þau gögn sem þeir sögðu okkur að þeir væru með og væru tilbúin
væru þess eðlis að þau kæmu okkur aftur á beinu brautina í framkvæmdinni.
Staðan gagnvart samstarfsaðila okkar var komin á það stig að þeir veifuðu endanlegri
hönnun fyrir framan nefið á okkur en neituðu að afhenda hana nema gegn greiðslu.
Samstarfið milli ÍAV og Ramböll var vissulega farið að stirðna á þessum tíma en hafði
verið gott á árunum 2006 og 2007 og var því engin ástæða að okkar mati til að treysta ekki
því sem okkur var sagt. Því miður reyndist það falsvon. Hönnunin frá Ramböll fyrir
tæknikerfin birtist ekki fyrr í lok október 2008 eða rúmum 16 mánuðum á eftir áætlun og
var þá ekki einu sinni lokið.
Það var þegar búið að ákveða að Verkfræðistofan Mannvit myndi fylgja eftir hönnun
Ramböll á verkstað (follow up) en í ljósi vanefnda Ramböll um skil á fullnægjandi
hönnun var gengið frá samkomulagi við Verkfræðistofuna Mannvit um að ljúka allri
hönnun. Unnu starfsmenn stofunnar frá þeim tíma og út allan framkvæmdatímann í
náinni samvinnu við TK hópinn.
Ráðstefnu- og sýningarbúnaður
Artec bar ábyrgð á allri hönnun ráðstefnu- og sýningarbúnaðar og unnu þeir að henni
fyrri hluta ársins 2007 og var hún boðin út vorið 2007. ÍAV var með þessa verkþætti í
stýriverktöku, þ.e. sá um útboð, samninga, samræmingu við annan búnað og stýringu á
verkstað. Tilboð voru opnuð haustið 2007 og kom eitt tilboð, frá Waagner Biro (WB) £
hönnun og smíði á sýningarlyftum, ómskildi, hljóðtjöldum og öðrum skildum búnaði.
Annað tilboð kom frá Exton í hljóðkerfi og sýningarljósakerfi. Samningar við Waagner
Biro voru undirritaðir í lok desember 2007 og hófst vinna þeirra strax í byrjun árs 2008.
Vinna WB fram að hruni var eingöngu erlendis og snerist aðallega um efnisaðdrætti og
gerð verksamninga við undirverktaka. Oll þessi vinna stöðvaðist sem fyrr segir við
204|Árbók VFf/TFl 2011