Árbók VFÍ/TFÍ - 01.06.2011, Blaðsíða 364

Á staura komu steyptir bitar. Milli bita komu 400 mm þykkar holplötur. Á framhlið
bryggju kom forsteyptur veggur. Landmegin var steyptur landveggur sem stífaði
^>rySS)una fyrir láréttri hreyfingu. Erfiðlega gekk að reka stálstaurana niður og stöðvuðust
þeir þegar þeir voru hálfreknir og þurfti öflugri tæki til að fullreka þá. Við hönnun
bryggjunnar var miðað við að stíft lag væri á um 15 m dýpi og byggðist það á botn-
rannsóknum í um 200 metra fjarlægð frá bryggju og rannsóknum á undirstöðum brúar í
um 2 km fjarlægð.
Á bryggjustæðinu var hins vegar stíft lag á um 6 m dýpi. Ástæðan fyrir því að ekki var
gerð botnrannsókn þar sem bryggjan kom var að hún var í flæðarmálinu þar sem erfitt er
að mæla vegna sjógangs. Að vísu kom þetta sér vel því að bryggjan stendur þá á traustri
undirstöðu. í bryggju var notuð hágæðasteypa, að mestu C-80 án loftblendis.
Farþegaaðstaða, landgangar og lóðafrágangur
í árslok 2009 var boðin út aðstaða fyrir farþega og áttu SÁ verklausnir lægsta boðið.
Aðstaðan var ætluð fyrir allt að 400 farþega og var um 400 fermetrar að stærð.
I byrjun árs 2010 var boðin út smíði 20 m ekjubrúar og 15 m farþegalandgangs og var
verktaki Stál og Suða.
Vorið 2010 var boðinn út lóðarfrágangur en verkið fólst í að malbika 7000 fermetra af
bílastæði og lagningu 5000 fermetra af þökum. Lægstbjóðandi var SÁ Verklausnir.
Dýpkun
Haustið 2009 var boðin út dýpkun Landeyjahafnar og átti Björgun lægsta tilboðið. í
byrjun apríl 2010 hóf verktaki dýpkun. Eldgosið í Eyjafjallajökli olli miklu flóði í
Markarfljóti og flutti það og þau flóð sem eftir fylgdu a.m.k. 2 milljón rúmmetra af sandi
og möl niður í sjó og 20 milljón rúmmetra af aur. Til samanburðar er áætlað að í meðalári
berist 100-200 þúsund rúmmetrar af sandi og um 2 milljón rúmmetrar af aur niður
Markarfljótið. Þetta var tífalt það magn sem varð til þess að jafnvægi á ströndinni
raskaðist. Til upprifjunar er gott að minnast þess sem birtist í Árbók VFÍ/TFÍ 2007,
Bakkafjöruhöfn - rannsóknir á aðstæðum, en þar stendur. „Efnisburður fyrsta árið eftir
byggingu brimvarnargarðanna er háður því hve mikið efni er til staðar í fjörunni. Ef mikið
efni er til staðar myndast sandalda sem þarf að berast fyrir hafnarmynnið þar til jafnvægi
er náð. Þegar sandaldan berst framhjá hafnarmynninu getur talsvert af því efni borist inn
í höfnina. Því getur þurft að dýpka fyrstu árin til að jafnvægi náist."
Mánuði eftir hlaupið í Markarfljóti varð dýpkunarverktaki var við að stöðugur efnisburður
var inn í höfnina, þannig að hægt gekk að dýpka. Enda fór það svo að dýpka þurfti um
360 þúsund rúmmetra til að ná tilskildu dýpi en ekki 200 þúsund rúmmetra eins og
upphaflega stóð til.
Markarfljótið er austan við höfnina og stóðu vonir til að ríkjandi suðvestanalda myndi
flytja efnið sem kom niður Markarfljótið austur. Því miður gekk það ekki eftir því
suðaustlægar ölduáttir voru ríkjandi frá gosi fram í janúar 2011. Stór hluti framburðarins
úr Markarfljóti barst því vestur framhjá höfninni en hluti framburðar settist í og við
höfnina. Meginframburðurinn settist um 2 kílómetrum fyrir vestan höfnina. Þegar
suðvestan ölduáttin varð ríkjandi í byrjun árs barst efnið til baka, hluti settist í og við
höfnina en meginefnið fór austur fyrir höfnina.
Viðhaldsdýpkun
Stöðugur sandburður er inn í Landeyjahöfnina og er hann mestur í hárri ölduhæð en ef
ölduhæð tvöfaldast eykst sandburðurinn um 8-16 falt. Gert var ráð fyrir, í útreikningum
DHI á sandburði, að dýpka þyrfti árlega ríflega 30 þúsund rúmmetra og sum ár töluvert
meira. Því þurfti að gera ráðstafanir til að dýpka reglulega í Landeyjahöfn.
362 | Árbók VFl/TFÍ 2011