Árbók VFÍ/TFÍ - 01.06.2011, Blaðsíða 140
Gjábakkavegar á umhverfið ekki mikil. Áhrif á einstaka umhverfisþætti voru frá því að
vera jákvæð eða engin, upp í talsverð neikvæð áhrif, en í flestum tilfellum teljast áhrifin
lítil til nokkur. Þeir umhverfisþættir sem verða fyrir mestum áhrifum á framkvæmda-
svæðinu eru umferðaröryggi, landslag, jarðmyndanir, gróður og vatnafar. Áhrifin eru þó
mismunandi eftir leiðum. Varðandi neikvæð áhrif er helst um að ræða sjónræn áhrif nýs
vegar í lítt röskuðu landi, skerðingu á eldhrauni og votlendi sem njóta sérstakrar verndar
skv. 37. gr. Náttúruvemdarlaga. Byggt á samanburði leiða m.t.t. vegtækni, kostnaðar,
umferðaröryggis, landnotkunar og umhverfisáhrifa lagði Vegagerðin til að nýr
Gjábakkavegur yrði lagður samkvæmt leið 3 og 7. Það var jafnframt mat Vegagerðarinnar
að þeir framkvæmdakostir sem höfðu verið kynntir til athugunar í mati á umhverfis-
áhrifum komi ekki til með að hafa umtalsverð umhverfisáhrif.
Síðari úrskurður Skipulagsstofnunar
Skipulagsstofnun féllst á framkvæmdina með úrskurði sínum 24. maí 2006, samkvæmt
öllum framlögðum leiðum og lagningu tengivegar að Laugarvatnsvöllum, með eftirfar-
andi skilyrðum:
Vegagerðin þarf að skilgreina öryggis- og framkvæmdasvæði fyrirhugaðs vegar, í samráði
við Umhverfisstofnun, eins þröngt og kostur er einkum þar sem vegurinn liggur um
hraunasvæði.
Vegagerðin þarf að lágmarka efnistöku úr námum í Litla-Reyðarbarmi, Stóra-Dímon og í
Miðfelli og hafa samráð við Umhverfisstofnun um fyrirkomulag efnistökunnar og
frágang.
Vegagerðin þarf að fara að tillögum Fornleifaverndar ríkisins um mótvægisaðgerðir.
Vegagerðin þarf að leggja fljótandi veg yfir votlendi, samkvæmt leið 12a, til að draga úr
áhrifum á votlendi auk þess sem endurheimta þarf, í samráði við hlutaðeigandi
landeigendur og sveitarstjórn, votlendi á Suðurlandi til jafns við það flatarmál sem
raskast. Áður en framkvæmdir hefjast þarf Vegagerðin að bera áætlun um endurheimt
votlendis undir Umhverfisstofnun.
Úrskurður umhverfisráðherra
Sem fyrr var úrskurður Skipulagsstofnunar kærður til umhverfisráðherra og með
úrskurði sínum þann 10. maí 2007 kvað hann svo: Úrskurður Skipulagsstofnunar frá
24. maí 2006 um mat á umhverfisáhrifum Gjábakkavegar er staðfestur að viðbættu eftir-
farandi skilyrði:
Vegagerðinni er skylt að láta gera mælingar á ákomu loftaðborinnar köfnunarefnis-
mengunar áður en framkvæmdir hefjast og í a.m.k. fimm ár eftir að framkvæmdum líkur
og gera samanburð við aðrar mælingar sem gerðar hafa verið á svæðinu. Vegagerðinni
ber að hafa samráð við Umhverfisstofnun um slíkar mælingar og mat á þeim.
Útboð framkvæmda
Þar sem nýi vegurinn liggur ekki lengur um land Gjábakka var sú ákvörðun tekin að
nefna veginn Lyngdalsheiðarveg þó svo hann liggi rétt norðan við sjálfa Lyngdalsheiðina
og hefur það heiti verið notað síðan.
Framkvæmdaleyfi fyrir framkvæmdinni var samþykkt í byggðaráði sveitarfélagsins
Bláskógabyggðar 1. apríl 2008 og var útboð auglýst í apríl 2008 og var í framhaldi af því
gengið til samninga við Klæðningu ehf. og skrifað undir verksamning 4. júlí 2008. Verk-
taki lenti hinsvegar í fjárhagserfiðleikum á fyrri hluta árs 2009 og kom um þriggja mánaða
stopp í framkvæmdir, sem lauk með því að gerður var viðaukasamningur við verksamning
um framsal verksins frá Klæðningu ehf. til Vélaleigu AÞ ehf. sem lauk við verkið.
1 3 8
Arbók VFl/TFl 2011