Morgunblaðið - 23.05.1987, Side 21

MÖRGUNBLAÐIÐ, LAt/GÁRDAGUR ‘23.’ MÁÍ1987
að leitast við að þrengja sér dýpra
inn í kviku málverksins, kanna
innri lífæðar þess, en ennþá virðist
hann iðulega standa of stutt við —
hætta, þegar leikurinn stendur sem
hæst og byija á nýrri mynd. En
hann á það einnig til að ofvinna
þær, svo sem kemur fram í stærstu
myndinni á sýningunni, en í henni
er margt prýðilega vel gert, sem
ekki hefur sést frá hendi Einars
áður og þá einkum í neðri hluta
myndarinnar.
Sá framsláttur er alþekktur og
skýrir margt, að þegar maður er
þess fullviss, að mynd sé fullgerð,
að henni sé endanlega lokið, sé
loks tími kominn til að byija á
henni.
En Picasso svaraði þessum
framslætti með því að segja, að
góð mynd sé aldrei fullgerð, menn
yrðu að geta spáð í hana og að
hún ætti að lifa sínu eigin lífi —
það væru bara vondir málarar, sem
fullgerðu myndir ...
Hver og einn verður þannig að
þróa með sér tilfinningu fyrir því,
hvenær hann telur tíma kominn
til að hætta, en hann má einungis
ekki loka fyrir rökræðuna um
málverkið sem slíkt. A stundum
gengur hluturinn upp, og málarinn
leggur frá sér pentskúfinn á réttu
augnabliki, svo sem í myndunum
„Að tjaldabaki" (11), „Ævintýri"
(15), „Ótti“ (16), „Fallinn engill"
(37) og „Við Lagarfljót" (52).
í þessum myndum eru miklar
andstæður frá dökkum og í ljósan
litaskala, sem sýnir breiddina í
vinnubrögðum listamannsins og þá
einnig, hvað myndefni snertir.
Firringin og spennan er hvar-
vetna nálæg í myndum Einars og
hefur verið gegnumgangandi í list
hans frá upphafi, og óneitanlega
gerir hann sínar bestu myndir,
þegar hér er allt á suðupunkti. En
hér þurfa hlutimir að koma óhikað
og umbúðalaust til skila svo sem
í myndinni „Ótti“, en ekki stöðugt
skjóta upp kollinum einhvers stað-
ar í myndheildinni og á stundum
án merkjanlegs tilefnis og raska
heildaráhrifunum frekar en að
bæta þau og styrkja.
Annað dæmi um mynd, þegar
allt gengur upp, er „Við Lagar-
fljót" þar sem hvíti liturinn er firna
sterkur og lifandi fyrir samspil
hjálitanna — eiginlega er þetta
gott skólabókardæmi í litafræði.
Þessi sýning er mikilvægur
áfangi í listferli Einars Hákonar-
sonar og hér eru ýmis teikn á lofti
um stærri afrek í náinni framtíð,
enda er listamaðurinn á besta
þroskaaldri myndlistarmanns.
Bænadagur þjóðkirkjunnar á sunnudag:
Beðið fyrir heimil-
inu og fjölskyldunni
HINN árlegi bænadagur þjóðkirkjunnar verður á sunnudaginn kem-
ur, 24. maí, sem er fimmti sunnudagur eftir páska. Sá dagur hefur
um árabil verið sérstaklega helgaður ákveðnu bænarefni, sem sam-
einast er um við guðsþjónustu í kirkjum landsins. I ár hefur biskup
valið bænarefnið Heimilið og fjölskyldan.
í bréfi sínu til presta og safnaða
varðandi bænadaginn, segir hann
m.a.: „í umræðu sem átt hefur sér
stað að undanförnu um ýmis vanda-
mál þjóðfélags okkar, hefur komið
í ljós, hve staða heimilisins er þýð-
ingarmikil og vandinn sá að geta
búið sem best að íslenskum heimil-
um og velferð þeirra.
Heimilið er homsteinn þjóðfé-
lagsins, grunneining, sem til er
orðin langt á undan allri annarri
þjóðfélagsskipan. „Frá upphafi
sköpunar gjörði Guð þau karl og
konu. Fyrir því skal maður yfirgefa
föður sinn og móður og bindast
konu sinni og þau tvö skulu verða
einn maður.“ (Mark. 10:6.)
í boðskap kristinnar trúar er
lagður grundvöllur að öryggi og
vernd heimilislífsins. I hinu nána
samfélagi fjölskyldunnar er þörfin
svo brýn fyrir kærleika sem mildar,
agar og fyrirgefur eins og nauðsyn
ber til í hinum ólíku tilvikum lífsins.
Kristin trú minnir bæði á hin
andlegu og efnislegu gæði, sem
hvert heimili hefur þörf fyrir. Þegar
Lúther útskýrir bænarefnið „Gef
oss í dag vort daglegt brauð", nefn-
ir hann t.d. fæði, klæði, hús,
jarðnæði, fjármuni, trúrækið heim-
ilisfólk, trúa yfirmenn, góða land-
stjórn, góða veðráttu, frið,
heilbrigði, siðsemi, heiður, góða vini
og nágranna.
Bænarefnið er því víðtækt og
yfirgripsmikið. í dag em heimilin
opin fyrir hvers konar áhrifum og
því veltur á miklu, að þau.áhrif séu
jákvæð og uppbyggjandi, til að
skapa heimilinu öryggi og vernd.
Reynslan er oft önnur. Á öld fjöl-
miðla hefur eitt líf áhrif á annað
svo vítt sem veröldin nær. Maðurinn
er að svo miklu leyti andsvar við
þeim áhrifum, sem hann verður
fyrir í umhverfi sínu. Það er hugs-
unarhátturinn og viðhorf til lífsins
sem þarf að breytast.
Biðjum þess að svo verði. Biðjum
með hveiju heimili og fyrir hverri
ijölskyldu um bænheyrslu, sem lýs-
ir sér í orðum Meistarans: „í dag
hefur hjálpræði hlotnast húsi
þessu ...“. (Lúk. 19.9.)“
21
Söngf ör Tónlistar-
skóla Rangæinga:
Sungið fyrir
2.000 manns
í Charlotte
FRAMHALDSKÓR Tónlistarskóla
Rangæinga, sem þessa dagana er
í söngför í borginni Charlotte í
Norður-Karólínufylki í Banda-
ríkjunum, hefur haldið nokkrar
tónleika og sungið á ýmsum stöð-
um í borginni. Um 2 þúsund manns
hafa sótt tónleikana, og hafa und-
irtektir verið góðar, að sögn
Sveins Elíassonar, fararstjóra.
Kórinn er skipaður fjórtán ung-
mennum á aldrinum 15 til 21 árs
undir stjóm Sigríðar Sigurðardóttur.
Hann hefur haldið fema tónleika í
Charlotte, tekið þátt í tveimur guðs-
þjónustum, sungið á öldrunarheimili
og í þremur framhaldsskólum. Að-
sókn hefur verið góð, svo og undir-
tektir, áð sögn Sveins. Fjallað var
um heimsókn kórsins í útvarpi síðast-
liðinn þriðjudag, þar sem rætt var
við tvo úr hópnum og kórinn söng.
Ferð kórsins lýkur nú um helgina.
„Litli skátadag-
urinn“ í Öskjuhlíð
BANDALAG íslenskra skáta
gengst fyrir hátíðahöldum í
Oskjuhlíð á morgun, sunnudaginn
24. maí. Dagurinn ber yfirskriftina
„Litli skátadagurinn" og er ætlað-
ur skátum á aldrinum 7 til 10 ára.
Margt verður sér til gamans gert
og má þar meðal annars nefna
þrautabraut, metasvæði, íþrótta-
keppni, varðeld, útieldun og söngur.
Dagskráin hefst kl. 11.00 og er
áætlað að henni ljúki kl. 17.00. Kl.
15.30 hefst varðeldur með söng og
skemmtiatriðum.
Til sölu
árgerð 1978. Skipti, skuldabréf.
Upplýsingar á bílasölunni Start, sími 687848.
Blaóburóarfólk
óskast!

VESTURBÆR
Aragata
MERKI UM GÓÐAN ÚTBÚNAÐ
Fást í nœstu sportvöruverslun.
Einkaumboð
I. Guðmundsson & Co hf
Símar: 91-11999 - 24020
VARANLEGT ÞAKEFNI
KYNNING
VERKFRÆÐINGAR - ARKITEKTAR - TÆKNIFR. - VERKTAKAR
Laugardaginn 23. maí kl. 16.00-18.00 mun sérfræðingur
frá SIKA kynna SIKAPLAN PVC þakdúk í nýjum húsa-
kynnum okkar í Vesturvör 9, Kópavogi.
LÉTTAR VEITINGAR.
Vinsamlega tilkynnið þátttöku í síma 641488.
HAMRAR SF.