Morgunblaðið - 23.05.1987, Blaðsíða 68
68 MORGUNBLAÐIÐ, LAUGARDAGUR 23. MAÍ 1987
IÞROTTIR UNGLINGA Umsjón/AndrésPétursson
• Guðmundur, Ingimar, Jóhann Már, Snorri Freyr, Sæþór, Karl Ágúst, ívar og Hákon. Hressir piltar við
Þinghólsskólann.
Sparkvallar
menningin
lifir góðu líf i
Á höf uðborgarsvæðinu eru tæplega 100 slíkir vellir
Á höfuðborgarsvæðinu eru
hvorki meira né minna en tæplega
100 skipulagðir sparkvellir með
mörkum og körfum. Þar fyrir utan
eru óteljandi opin svæði sem
breytast í stóra leikvanga í hugum
krakkana á hverjum einasta degi.
Þar hafa margar hildir verið háðar
og margur glæstur sigur unnmn
þótt aldrei sé minnst á það á síðum
dagblaðanna. Unglingasíðan fór á
stúfana í síðustu viku og heimsótti
krakka á nokkrum af þessum
sparksvæðum og ræddi við þá.
Fyrst lá leið okkar að sparkvell-
inum við Kópavogsskóla. Þar
hittum við fyrir hressan strákahóp
og kváðust þeir flestir koma þarna
á hverjum degi. Þeir voru nokkuð
hressir með aðstöðuna við skólann
en vildu koma því á framfæri að
fleiri körfuboltakörfur vantaði við
skólann. Enginn þeirra kvaðst vera
félagsbundinn í neinu sérstöku
íþróttafélagi en þeir kváðust halda
með Breiðabliki, ÍK, HK og einn
kvaðst halda með Taflfélagi Kópa-
vogs.
Þar næst lá leið okkar niður í
Hvamma. Á sparkvellinum við
Reynihvamm hittum við Egil Tóm-
asson og Tómas Áka Gestsson.
Þeir sögðust koma þarna við og
við, en þessi sparkvöllur er í dag-
legu tali nefndur Valló. Báðir
kváðust halda með Breiðabliki og
voru sannfærðir um að liðinu tæk-
ist að vinna sig upp í 1. deild aftur.
Uppáhaldsleikmenn þeirra eru Ar-
nór Guðjónsen og Maradona, en
Jón Þórir Jónsson bestur í Breiða-
bliki.
ÞEIR ERU víst ófáir sem hafa
hafið iþróttaferil sinn á svoköll-
uðum sparkvöllum, túnflötum
eða í húsasundum. Flestir hafa
tekið þátt f því að stofna stráka-
fótboltafélög og nöfn sem
Þruman, Eldingin, Fálkarnir, Ern-
irnir, og Gammarnir hljóta að
hljóma kunnuglega í eyrum
margra. Nú með hækkandi sól
er sem bæjarlífið taki nýjan svip
er krakkar, unglingar og jafnvel
fullorðnir dusta rykið af gamla
boltanum og strigaskónum og
streyma út á vellina.
• Árni Gunnsteinsson og Óskar Júlfus Bjarnason.
Þrátt fyrir að við íslendingar
kvörtum yfir lágum launum og rys-
jóttu veðri megum við aldrei
gleyma hinu félagslega öryggi sem
fylgir því að búa hér. I mörgum af
hinum stærri löndum er það
óhugsandi að börn fái að leika
lausum hala úti við, sérstaklega
þegar kvölda tekur. Á íslandi hins-
vegar er uppeldishlutverk hinna
ýmsu leikvalla ómetanlegt og geta
foreldrar áhyggjulaust leyft börn-
um sínum að vera ein á hinum
ýmsu leikvöllum og opnum svæð-
um bæjarfélaganna.
Morgunblaöiö/Andrés
• Oft er hugarró í þvf að fara einn með bolta út á völl.
Stjarnan er gott félag
Nú keyrðum við sem leið liggur
til Garðabæjar og niöur við sjó hitt-
um við þá félaga Friðrik Ómarsson
og Hauk. Þeir eru miklir Stjörnu-
menn, en Friðrik viðurkenndi að
vísu að Fram ætti nokkrar taugar
í honum því pabbi hans hefði spil-
að með Fram og m.a. oröið ís-
landsmeistari árið 1972. Haukur
kvaðst halda með Akranesi í 1.
deildinni því Stjarnan væri enn í
3. deild. Þeir æfa báðir með 6 fl.
Stjörnunnar og sögðu að mjög
gaman væri að æfa fótbolta. A
veturna spila þeir handbolta og
fara líka á skíði. Uppáhaldsleik-
maður er Bjarni Sigurðsson
landsliðsmarkvörður, en Friðrik
heldur upp á Platini. Báðir voru
sammála að Arnór væri besti
íslenski leikmaðurinn.
Víkingur fer upp
Við Breiðagerðisskólann var
öflugur hópur stráka á fullri ferð
er blaðamaður truflaði þá. En þeir
gáfu sér tíma til að stilla sér upp
fyrir eina mynd og svara nokkrum
spurningum.
Allir kváðust vera harðir Víking-
ar enda úr hverfinu. Þeir sögðu
það ekki spurningu að Vfkingur
myndi sigra í 2. deildinni og fara
upp í 1. deild aftur. Þeir vildu ekki
gera upp á milli leikmanna meist-
araflokks, en sögðu að liðið væri
mjög jafnt.
Nú lá leið okkar aftur í Kópavog-
inn og á körfuboltavellinum við
Kársnesskóla hittum við Árna
Gunnsteinsson og Óskar Júlíus
Bjarnason. Þeir eru báðir 13 ára
gamlir og koma þarna 2—3 sinnum
í viku. Árni æfir knattspyrnu og er
það uppáhaldsíþrótt hans, en
hann hefur gaman af því að leika
sér í körfu. Óskar hinsvegar segist
ekki æfa neina íþrótt, en kemur
oft hingað í körfu. Þeir vildu koma
því að að fjölga ætti körfum á
svæðinu því einungis væru tveir
vellir í öllum vesturbænum.
Maradona og Platini
eru bestir
Við Þinghólsskóla var mikið um
að vera enda æfingar á fullu og
tennisvellirnir í fullri notkun. Þar
var stór strákahópur á aldrinum
7—12 ára í æsispennandi leik. Til-
þrifin voru góð og var kappið mikið
í leikmönnum. Þeir gáfu sér þó
tíma til að stilla sér upp fyrir eina
mynd, en þeir voru æstir í að halda
áfram. Hópurinn skiptist í tvennt
um hvor væri betri, Platini eða
Maradona, og höfðu stuðnings-
menn Maradona betur.
Klukkan var nú orðin ansi margt
og blaðamaðurinn orðinn lúinn. En
eftir þessa hringferð er ekki laust
við að maður fyllist vissri öfund
vegna hins fölskvalausa áhuga og
gleði sem maður sér hjá krökkun-
um. Það er ekki fjarri lagi aö maður
hringi bara í kunningjana og smali
í lið til að spila einn léttan leik eitt-
hvert kvöldið að hætti krakkana.
• Friðrik Ómarsson og Haukur Danfel Hrafnsson.
- >