Morgunblaðið - 19.12.1991, Blaðsíða 39

MORGUNBLAÐIÐ FIMMTUDAGUR 19. DESEMBER 1991
39
Fiskimj ölsverk-
smiðju mótmælt
UNDIRSKRIFTALISTI með mótmælum íbúa í vesturbæ, miðbæ og
Grjótaþorpi við áformum um fiskimjölsverksmiðju í Örfirisey var
afhentur Eiði Guðnasyni, umhverfisráðherra, í gær. Um 3.000 manns
undirrituðu yfirlýsinguna þar sem skorað var á umhverfisráðherra
að veita verksmiðjunni ekki starfsleyfi því staðsetningin væri allt
of nálægt íbúðabyggð og athafnalífi miðbæjarins í Reykjavík.
Fulltrúar Miðbæjarfélagsins,
íbúasamtaka Gijótaþrops og Ibúa-
samtaka vesturbæjar afhentu ráð-
herra undirskriftalistana í umhverf-
isráðuneytinu, en mengunarvarnir
og hollustuvernd ríkisins, svo og
Reykjavíkurborg hafa þegar fengið
í hendur mótmælabréf. Einnig hafa
íbúasamtök vesturbæjar syðri lýst
yfir stuðningi við kröfurnar.
í skýrslu sem Einar Valur Ingi-
mundarson, umhverfisverkfræðing-
ur, hefur unnið fyrir íbúasamtökin,
segir að ekki sé fulltryggt að lyktar-
mengun verði fólki_ í nágrenninu
ekki til óþæginda. í skýrslunni er
einnig ráðist á umhverfislöggjöfina
yfirleitt því hún sé ekki í samræmi
við þá stefnu sem nú er unnið eftir
í nágrannalöndunum.
Ráðherra kvaðst munu taka tillit
til þessara sjónarmiða, en að báðar
hliðar málsins þyrftu að skoðast
gaumgæfilega. Aðspurður hvenær
búist væri við ákvörðun í málinu
sagði hann að engar tafir yrðu á
því af ráðuneytisins hálfu, en vildi
ekki gefa upp neinar dagsetningar.
Eiður Guðnason, umhverfisráðherra, tekur við undirskriftalistum
úr hendi Einars Arnar Stefánssonar, formanns íbúasamtaka vestur-
bæjar.
Ljóð eftir Valtý Guðmundsson
BÓKAFORLAG Odds Björns-
sonar hefur gefið út bókina
Vökulok eftir Valtý Guðmunds-
son frá Sandi.
Vökulok er fjórða bók höfundar
og þriðja ljóðabókin. Ljóðin eru
af ýmsum toga. Höfundur bregður
upp ýmsum mannlífsmyndum úr
nútíð og fortíð og beitir innsæi og
þekkingu. Fjölbreytt ljóð bæði í
hefðbundnu og óhefðbundnu
formi. í bókinni eru 98 ljóð.
Bókin er 110 blaðsíður. Prentun
og bókband vann Prentverk Odds
Björnssonar hf.
Valtýr Guðmundsson
Húsin við Blönduvirkjun. Starfsmannahúsið er fyrir miðju, á milli íbúðarhúss stöðvarsljóra og
stjórnhúss lengst til vinstri.
Blönduvirkjun:
Starfsmannahús byggð
fyrir 300 milljónir króna
Hagkvæmara en við Búrfellsvirkj-
un, segir forstjóri Landsvirkjunar
FORSTJÓRI Landsvirkjunar segir að full þörf sé fyrir þau starfs-
mannahús sem byggð hafa verið við Blönduvirkjun og að ekki
sé gert ráð fyrir aðstöðu þar fyrir starfsmennina umfram það
sem eðlilegt megi teljast. Kostnaður við íbúðarhús stöðvarstjóra
og stórt starfsmannahús er rúmar 300 milljónir kr. Við Blöndu-
virkjun eru 14 fastir starfsmenn. í starfsmannahúsinu er svefnað-
staða fyrir 49 manns og er stærðin við það miðuð að hægt verði
að hýsa alla starfsmenn við virkjunina þegar þeir eru flestir.
„Það er ótvírætt mun hagkvæmara að reisa og reka starfsmanna-
hús eins og Landsvirkjun gerir við Blönduvirkjun heldur en að
sjá fjölskyldum starfsmanna fyrir húsnæði á virkjunarsvæðinu
eins og gert var við Búrfellsvirkjun, Kröfluvirkjun og Sogsvirkj-
un,“ segir Halldór Jónatansson. Hann segir að á sínum tíma
liafi verið reist 14 einbýlishús við Búrfell, 11 við Kröflu og 12
við Sog, auk mötuneyta og annarrar aðstöðu.
Landsvirkjun hefur byggt tvö
starfsmannahús við Blönduvirkj-
un, samtals 2.538 fermetra að
stærð. Þar af er hús stöðvarstjóra
203 fermetrar en starfsmanna-
húsið er tvær hæðir, ris og kjall-
ari, samtals 2.335 fermetrar að
stærð. Heildarkostnaður við bæði
húsin að meðtöldum öllum hús-
búnaði í starfsmannahúsið er
301,8 milljónir kr. á núgildandi
verðlagi, samkvæmt upplýsingum
Haljdórs Jónatanssonar.
Á fyrstu hæð starfsmanna-
hússins er eldhús, matsalur,
fundarherbergi, setustofa, frí-
stundaherbergi, aðstaða til lík-
amsræktar og aðstaða til kynn-
ingar á virkjuninni fyrir gesti. Á
annarri hæð eru 17 herbergi fyr-
ir fasta starfsmenn, hvert með
sturtu og salerni, 6 herbergi fyrir
lausamenn með sameiginlegri
snyrtingu og 2 samliggjandi her-
bergi með sér sturtu og salerni.
Á rishæð eru 8 herbergi fyrir
vinnuflokka, samtals 24 rúm, með
sameiginlegri snyrtingu. í kjallar-
anum er spennistöð og tækja- og
bílageymslur fyrir virkjunina.
Fastir starfsmenn 14,
svefnaðstaða fyrir 49
Alls er svefnaðstaða í húsinu
fyrir 49 manns. „Sú stærð er
miðuð við að á hverjum tíma verði
hægt að hýsa alla starfsmenn við
virkjunina enda verður þetta eina
gistiaðstaðan á svæðinu og ekki
í önnur hús að venda. Fastir
starfsmenn verða í fyrstu 14 og
er það varleg áætlun uns reynsla
fæst af rekstri virkjunarinnar.
Hver þessara starfsmanna fær til
umráða eitt herbergi með salerni
og sturtu. Að auki hýsir starfs-
mannahúsið 24 manna vinnuhóp
yfír sumarmánuðina vegna al-
menns viðhalds á virkjunarsvæð-
inu og unglingavinnu við tijárækt
og uppgræðslu en á svæðinu hafa
verið gróðursettar 67.000 trjá-
plöntur og um 2.150 hektarar
lands græddir upp.
Að öðru leyti nýtist húsið sem
hér segir: Ymsir starfsmenn
Landsvirkjunar og sérfræðingar
dvelja tímabundið við Blöndu-
virkjun til að fylgjast með búnaði
virkjunarinnar og annast sérstök
viðhaldsverkefni. Blönduvirkjun
er eina afdrep Landsvirkjunar á
leiðinni milli Akureyrar og
Reykjavíkur. Þar verður því bæki-
stöð fyrir línuflokka þegar þeir
þurfa að sinna viðgerðum og við-
haldi á háspennulínum fyrir-
tækisins í þessum landshluta.
Landsvirkjun hefur lagt um 200
km af vegum á virkjunarsvæðinu
og þarf að hýsa þar mannskap
til að annast viðhald á þeim og
girðingumn á svæðinu sem í dag
eru um 110 km að lengd. Þá verð-
ur húsið nýtt til fundahalda, m.a
með heimamönnum um ýmis
atriði í samskiptum við þá og til
námskeiðahalds t.d. vegna endur-
menntunar starfsmanna Lands-
virkjunar við hinar ýmsu virkjan-
ir. Húsið verður ennfremur notað
til mótttöku fyrir ferðamenn og
ýmsa hópa sem heimsækja virkj-
unina en Landsvirkjun tekur á
hveiju ári á móti fjölda ferða-
langa sem áhuga hafa á að skoða
virkjanir fyrirtækisins," segir
Halldór Jónatansson forstjóri
Landsvirkjunar.
Stéttarfélög undirrita orlofsferðasamninga
FULLTRÚAR sjö stéttarfélaga og
sambanda, Samvinnuferðir-Land-
sýn og Flugleiða undirrituðu á
þriðjudag samning um orlofsferðir
á næsta ári. Samkvæmt samning-
unum bjóðast félagsmönnum þess-
ara stéttarfélaga flugferðir til ellefu
staða í útlöndum á næsta ári fyrir
allt að 20% lægra verð en á þessu.
Alls er um að ræða 5000 sæti og
verður byrjað að selja í ferðirnar
6. janúar til allra félaganna í einu.
Á myndinni, sem tekin var við und-
irritun samningsins, eru Sigríður
Jóhannesdóttir fulltrúi Kennara-
sambands íslands, Pétur Maack
fulltrúi Verslunarmannafélags
Reykjavíkur, Sigurður Skagfjörð
fulltrúi Flugleiða, Helgi Daníelsson
fulltrúi Samvinnuferða, Hallgrímur
Hallgrímsson fulltrúi BSRB, Anna
Finnbogadóttir fulltrúi Sambands
íslenskra bankamanna, Ólafur
Karlsson fulltrúi BHMR, Þráinn
Hallgrímsson fulltrúi ASÍ og Bene-
dikt Valsson fulltrúi Farmanna og
fiskimannasambandsins.
Tíminn kemur áfram
út fram á næsta ár
Starfsfólki fækkað um 15 manns
DAGBLAÐIÐ Tíminn verður gefið út í að minnsta kosti tvo mánuði
eftir áramót, að sögn Hrólfs Ölvissonar, framkvæmdastjóra
Tímans, eða þar til ljóst verður hvort að útgáfu nýs dagblaðs með
þáttöku Tímans verður. Sérstakt hlutafélag í eigu einstaklinga
mun standa að útgáfu Tímans, en ábyrgðarmaður verður Jón
Kristjánsson alþingismaður.
„Þetta gerum við til að vera
betur í stakk búnir ef þetta nýja
blað kemur hugsanlega út. Við
þurfum að geta haft einhvern tíma
til að aðlaga okkur að þvi og ætl-
um í áskrifendaherferð þar sem
það getur ekki gert okkur annað
en gott. Þetta nýja blað er þó
númer eitt, tvö og þijú í okkar
huga, og við munum halda okkur
við það, en við viljum þó hafa fleiri
valkosti að ræða en það,“ sagði
Hrólfur í samtali við Morgunblað-
ið.
Ollu starfsfólki á Tímanum,
tæplega 50 manns, hafði verið
sagt upp störfum frá 31. desem-
ber, og sagði Hrólfur að við endur-
ráðningar hefði því verið fækkað
um 15 manns. Hann sagði að út-
liti blaðsins yrði breytt að ein-
hveiju leyti eftir áramót, en þó
yrði reynt að hafa það sem næst
því sem það er í dag.
Greiðslustöðvun útgáfufélags
Þjóðviljans stendur til 19. janúar
næstkomandi, og að sögn Halls
Páls Jónssonar, framkvæmda-
stjóra útgáfufélagsins, verður
blaðið að minnsta kosti gefið út
allan janúarmánuð.