Morgunblaðið - 19.12.1991, Side 61

MORGUNBLAÐIÐ FIMMTUDAGUR 19. DESEMBER 1991
61
Breytt ákvæði um nauðungarsölu:
Réttarstaða
gerðarþola bætt
Málsmeðferð einfaldari í sniðum,
sagði Sólveig Pétursdóttir
Sólveig Pétursdóttir (S-Rvk),
formaður allsherjarnefndar AI-
þingis, mælti nýlega fyrir sam-
dóma nefndaráliti um frumvarp
til laga um nauðungarsölu.
Frumvarpið, sem er liður í
heildarendurskoðun löggjafar
um dómstólaskipan, réttarfar og
meðferð framkvæmdavalds í
héraði, stuðlar frekar að því en
eldri Iöggjöf að sem hæst verð
fáist fyrir eignir fólks sem lenda
í nauðugarsölu. Frumvarpið var
samþykkt sem lög frá Alþingi
síðastliðinn föstudag.
Réttarstaða fólks stórum bætt
Sólveig Pétursdóttir sagði í
framsögu að sú gagnrýni hefði
„komið fram á
framkvæmd
nauðungarupp-
boða að gerðar-
þolar séu iðulega
hlunnfarnir
vegna þess hve
lágt verð fæst
fyrir eignir á
uppboðum. Þótt
erfitt sé að sannreyna að hvaða
marki þessi gagnrýni á rétt á sér,
eru vissulega til dæmi um að eign-
ir séu seldar á nauðungaruppboði á
verði sem er langt fyrir neðan eðli-
legt markaðsverð ... í reglum frum-
varpsins um framkvæmd á nauð-
ungarsölu á almennum markaði er
í þessum tilgangi ráðgert að leitað
verði tilboða í eign með hliðstæðum
hætti og við sölu í fijálsum viðskipt-
um, tii dæmis fyrir atbeina fast-
eignasala, þegar um fasteign er að
ræða“.
„Verði frumvarpið að lögum,“
sagði Sólveig, „má ætla að réttar-
staða þeirra sem verða að þola að
eign þeirra sé seld nauðungarsölu
verði stórum bættari en nú er“. Hún
sagði einnig að með frumvarpinu
væri einnig stefnt að því „að draga
úr þyngslum og óþörfum formsatr-
iðum við framkvæmd nauðungar-
sölu“.
í máli framsögumanns kom fram
að árlegar beiðnir um fasteignaupp-
boð í Reykjavík séu yfir tuttugu
þúsund talsins. Hliðstæða finnist
hvergi í grannríkjum. Stærstur hluti
beiðnanna sé að vísu afturkallaður.
„Þetta bendir til þess að skuldarar
geri sér fyrst grein fyrir alvöru
vanskila þegar þeir fá tilkynningu
um að beiðni um nauðungaruppboð
sé komin fram. Jafnframt má ætla
að eitthvað skorti á að skuldheimtu-
menn reyni að innheimta kröfur
sínar eftir öðrum leiðum áður en
beiðni um nauðungaruppboð er lögð
fram, jafnvel þótt kröfufjárhæðir
séu mjög lágar ...“
í frumvarpinu er sú regla lögð
til að það verði í flestum tilvikum
skilyrði fyrir því að beiðni um nauð-
ungarsölu verði komið fram að
skuldheimtumaður hafi áður sent
skuldara formlega greiðsluáskorun.
Sólveig sagði að alger óvissa
geti að óbreyttu ríkt um hvenær
munir verði seldir á uppboði þegar
gerðarþoli er sviptur þeim. í aðfar-
arlögum sem gildi taka 1992 er sú
leið farin að heimila aðeins vörzlu-
sviptingu á lausafjármunum við
fjámám ef sérstök ástæða er til að
búast við spjöllum á þeim eða ólög:
mætri meðferð í vörzlu skuldara. í
athugasemdum með frumvarpinu
var því lýst að almenna reglan í
framtíðinni skyldi vera að vörzlu-
taka á eignum ætti sér eingöngu
stað í tengslum við nauðungarsölu.
Akvæði þessa frumvarps eru sniðin
að þessari fyrirætlan. „Gerðarþoli
fær því strax frá byijun upplýs-
ingar um hvernig framkvæmd gerð-
arinnar, hvað þetta varðar, verður
háttað.“
„Mörg ákvæði frumvarpsins
stefna að því að bæta réttarstöðu
þeirra sem verða að þola nauðung-
arsölu á eignum sínum, og gera
hana skýrari en hún er samkvæmt
núgildandi lögum. Málsmeðferð eft-
ir ákvæðum frumvarpsins verður
liprari og einfaldari í sniðum en
framkvæmd þessara mála er í dag,“
sagði Sóveig Pétursdóttir í fram-
sögu sinni.
REDSTONE
s j ón varpsleiKt æki
Nintendo samhafð. Stýripinnar 09 tengingar við sjónvarp iylgja.Steríó útgangur. A/V útgangur.
Sýnishom úr leikjoskró:
TURTLES II____kr. 2.900 TOPGUN_________kr. 2.900 SOCCER__________kr. 1.950
SIMPS0NS......kr. 2.900 Konami Olympics kr. 2.900
ÞDR
H ÁRMÚLA 11
F ® 91-BB1500
Uppskriftakort fylgja
hverri pakkningu
maiaigciu
er list og undirstaðan
er úrvals hráefni
3HEUES3SSEUT