Morgunblaðið - 15.09.2000, Síða 65

MORGUNBLAÐIÐ
HESTAR
FÖSTUDAGUR 15. SEPTEMBER 2000 65
Umhyggja og ábyrgð - hestur-
inn kynntur grunnskólabörnum
Félag hrossabænda er
um þessar mundir að
hrinda af stað tilrauna-
verkefninu Umhyggja
og ábyrgð í samvinnu
við Fræðslumiðstöð
Reykjavíkur og Ishesta.
Tilgangur verkefnisins
er að kynna hestinn og
hestamennskuna fyrir
10 og 14 ára nemendum
nokkurra grunnskóla í
Reykjavík og hvað það
felur í sér að eiga hest.
Ásdís Haraldsdóttir
ræddi við Huldu G.
Geirsdóttur____________
verkefnisstjóra.
HUGMYNDINA að verkefninu má
rekja til þess að aðalfundur Félags
hrossabænda samþykkti á sínum
tíma að hefja kynningu á hestinum
innanlands. Á undanförnum árum
hefur mest áhersla verið lögð á að
kynna íslenska hestinn í útlöndum
en töluvert hafði verið rætt um það
innan félagsins hvernig auka mætti
útbreiðslu hans á innanlandsmark-
aði.
Að sögn Huldu G. Geirsdóttur,
markaðsfulltrúa Félags hrossa-
bænda, höfðu Hrossaræktarsamtök
Suðurlands samið mikla umsókn til
Framleiðnisjóðs um styrk til að
kynna hestinn innanlands með
ýmsum hætti. Framleiðnisjóður
lagði hins vegar til að slík kynning
yrði unnin af landssamtökunum.
Umsóknin var því færð yfir á Félag
hrossabænda sem vann hana upp
og sendi aftur inn. Styrkur fékkst
upp á eina og hálfa milljón og sett
skilyrði um að hann yrði notaður til
að kynna hestinn fyrir grunnskóla-
börnum.
Kynnast hestunum í návígi
Hulda segir að þegar sé byrjað
að undirbúa verkefnið. „Niðurstað-
an varð sú að við sömdum við Is-
hesta í Hafnarfirði um samstarf og
Fræðslumiðstöð Reykjavíkur um
að gera tilraun í vetur,“ segir hún.
„Útvöldum skólum í Reykjavík er
boðið að koma með 10 og 14 ára
Morgunblaðið/Ásdís Haralds
Erla Guðný Gylfadóttir leiðbeinandi, Bryndís Einarsdóttir umsjónarmaður, Sigrún Eiríksdóttir aðstoðarmað-
ur, Einar Þór Jóhannsson leiðbeinandi, Hulda G. Geirsdóttir verkefnisstjóri og Guðrún Rut Hreiðarsdóttir leið-
beinandi í hesthúsi Ishesta í Hafnarfirði.
nemendur í heimsókn til íshesta.
Þar verður farið í gegnum fjöl-
breytt fræðsluefni um hestinn auk
þess sem börnunum gefst kostur á
að kynnast hestum í návígi, kemba
þeim og gefa og læra allt um bygg-
ingu þeirra og gangtegundirnar.
Síðast en ekki síst er það markmið
með verkefninu að börnin kynnist
því hvað hestamennskan getur ver-
ið gjöful og hvað það getur verið
gaman að eiga hest. Verkefnið heit-
ir einmitt Umhyggja og ábyrgð og
er ætlunin að höfða til þess að mað-
ur getur átt hest sem manni þykir
vænt um en jafnframt þarf maður
að hugsa vel um hann og bera
ábyrgð á honum.“
Hver nemandi fær
vandað kennsluefni
Félag hrossabænda fékk GSP-
Almannatengsl til samstarfs um
gerð kennsluefnis. Um er að ræða
vandaða möppu sem á eru prentað-
ar ýmsar grundvallarupplýsingar
um hesta og hestamennsku, svo
sem upplýsingar um sögu hestsins,
gangtegundir, liti, helsta búnað og
umhirðu hesta. Auk þess hægt er
að bæta í hana lausum blöðum eftir
því sem verkefnið þróast. Lista-
maðurinn og hestamaðurinn Pétur
Behrens var fenginn til að teikna
skýringarmyndir og auk þess prýða
ljósmyndir Eiríks Jónssonar möpp-
una. Sérstakt merki verkefnisins

teiknaði Tómas Tómasson, sem
einnig hannaði útlit kennsluefnis-
ins. Um textagerð sáu, auk Huldu,
þau Björg Björnsdóttir og Anton
Helgi Jónsson. Allir þátttakendur
fá síðan bol til minningar um þátt-
töku með merki verkefnisins og
viðurkenningarskjal.
Heimsóknirnar verða þannig
skipulagðar að einn bekkur kemur í
einu og dvelur á staðnum frá 9-12.
Bekknum er skipt í tvennt. Annar
hópurinn hlýðir á fyrirlestur og far-
ið verður í gegnum kennsluefnið. Á
meðan er hinn hópurinn í hesthús-
inu. Þar verða hestarnir skoðaðir.
Farið verður yfir líkamsbyggingu
hestsins, reiðtygi og járningar. Síð-
an er gert hlé og hóparnir skipta
um stað. Eftir það koma hóparnir
saman og er þeim sýndur hestur í
reið og allar gangtegundirnar. Að
lokum taka þau þátt í að hirða og
gefa í hesthúsinu.Ekki er gert ráð
fyrir að þátttakendur fari á hest-
bak, enda litið svo á að aðeins sé
verið að taka fyrsta skrefið í að
kynnast hestum. í byrjun verður 10
og 14 ára börnum boðin þátttaka.
Eftir að tilraunaverkefninu lýkur
verður reynt að finna út hvor ald-
urinn er móttækilegri og-áhuga-
samari og framhaldið líklega skipu-
lagt út frá þeim niðurstöðum.
Tækifæri fyrir
áhugasöm börn
„Verkefnið er þannig uppbyggt
að það má nota hvar sem er á land-
inu,“ segir Hulda. „Kennsluefnið
liggur fyrir og öllum frjálst að nota
það. Óskandi væri að sem flestir
grunnskólar nýttu sér þessa kynn-
ingu og ætti ekkert að vera því til
fyrirstöðu þar sem hægt er að ná
samningum við hestamannafélög,
einstaklinga eða fyrirtæki sem
gætu boðið fram aðstöðu fyrir
skólabörnin. Takmarkið er að sem
mest verði gert úr þessu. Þetta
hefði ekki verið framkvæmanlegt
fyrir nokkrum árum vegna að-
stöðuleysis, en nú er aðstaðan að
batna víða um land með tilkomu
reiðskemma sem sprottið hafa upp.
Hugsanlega getur kennsluefnið
einnig nýst reiðskólum fyrir byrj-
endur á fyrsta stigi reiðkennslu
þegar stigunarkerfið verður komið
á.“
Þegar hafa þó nokkrir skólar
bókað tíma, en alls var 24 bekkjum
boðin þátttaka á þessari önn. Hulda
segist vona að allir þessir skólar
nýti sér boðið. Félag hrossabænda
býður upp á kynninguna og ferðir
til og frá skóla. Kostnaður ætti þvi
ekki að vera fyrirstaða.
„Ótrúlegur fjöldi barna hefur
áhuga á hestum en hefur ekki tæki-
færi til að nálgast þá. Þarna fá þau
tækifæri til að komast í snertingu
við þá og læra um þá, sem gæti
kveikt áhuga á að kynna sér hvað
er í boði. Ymis fyrirtæki, Ishestar
og fleiri, bjóða upp á stutta og
langa reiðtúra. Þeir sem hafa
áhuga þurfa því ekki endilega að
hella sér út í kostnað við að koma
sér upp hesti, hesthúsi og búnaði,
heldur geta skroppið á bak þegar
það hentar. Þannig er líka hægt að
komast að því hvort þetta áhuga-
mál hentar manni.
Skemmtilegasta verkefnið
Segja má að þakka megi út-
breiðslu íslenska hestsins í Evrópu
starfsemi reiðskóla. Þangað koma
börn til að komast í tæri við hesta/
Ef áhuginn er raunverulegur endar
oftast með því að þau eignast hest,
en hafa þá öðlast grunnþekkingu í
reiðmennsku og vita hvað það þýðir
að eiga hest.
Sjálf er ég gott dæmi um barn
sem fær áhuga á hestum þótt eng-
inn annar í fjölskyldunni hafi
áhuga. Ég hefði svo sannarlega
viljað hafa tækifæri til að kynnast
hestinum í gegnum skólann minn á
sínum tíma. Umgengni við hesta er
þroskandi fyrir krakka og gefur
þeim mikið. Ég vona svo sannar-'
lega að þeir sem að verkefninu
standa geti haldið því áfram.
Grundvöllurinn fyrir því er auðvit-
að að fá til þess áframhaldandi
styrk og ekkert af þessu hefði gerst
hefði Framleiðnisjóður ekki styrkt
verkefnið.
Ég hlakka mikið til að sjá við-
brögð barnanna við hestinum og ég
er ákaflega spennt að vita hvernig
til tekst. Þetta er síðasta stóra
verkefnið sem ég tek að mér fyrir
hönd Félags hrossabænda og af
mörgum skemmtilegum verkefnum
held ég að mér þyki þetta skemmti-
legast. Ég mun því örugglega fylgj-
ast spennt með framvindu mála úr
fjarlægð,“ sagði Hulda G. Geirs- '
dóttir.
Hulda Gústafsdóttir
ráðin til Ataksverkefnis
Stjórn Átaksverkefnis um gæðastefnu í
hrossarækt hefur ráðið Huldu Gústafsdótt-
ur til starfa. Hún mun hefja störf í byrjun
nóvember næstkomandi.
AÐ SÖGN Ágústs Sigurðssonar,
formanns stjórnar Átaksverkefnis-
ins, mun starf Huldu felast í að
stjórna þeim verkefnum sem unnið
er að. Hingað til hafi stjórnarmenn
séð um þá vinnu, en ljóst var að
ráða þyrfti manneskju til að fylgja
vinnunni eftir.
Helstu verkefni sem unnið er að
nú á vegum Átaksverkefnisins er
að fá ísland viðurkennt sem upp-
runaland íslenska hestsins og ber
þá helst að nefna gagnagrunninn
World Fengur þar sem gert er ráð
fyrir að öll íslensk hross verði
skráð, hvar sem þau eru í heimin-
um. Ágúst segir að sú vinna gangi
vel, en enn sem komið er sé aðeins
að finna íslensk gögn í grunninum.
Einnig er mikið unnið í mennta-
málum hestamanna og nú er verið
að meta þörf fyrir námsefni fyrir
hið nýja stigunarkerfi í námi í
hestamennsku. Gert er ráð fyrir að
alls staðar þar sem boðið verður
upp á slíkt nám verði notað sama
námsefni. Eitthvert kennsluefni er
til fyrir efstu stigin sem kennd
verða við Hólaskóla þótt endur-
skoða þurfi það, en á neðstu stigun-
um vantar tilfinnanlega allt
kennsluefni. Á næstunni munu Eyj-
ólfur ísólfsson og Víkingur Gunn-
arsson hjá Hólaskóla skila af sér
greinargerð um hvað er til og áætl-
un um hvað þurfi af efni svo hægt
sé að kenna eftir stigunarkerfinu.
Auk þess er enn unnið að stefnu-
mörkun til að einfalda félagskerfi
hestamanna. Þegar hefur verið
ákveðið að í október muni skrifstof-
ur Félags hrossabænda, Lands-
sambands hestamannafélaga og
Félags tamningamanna sameinast
og hafa aðsetur á núverandi skrif-
stofu LH í Iþróttamiðstöðinni í
Laugardal. Þar mun Hulda Gústa-
fsdóttir starfa ásamt þeim Sigrúnu
Ögmundsdóttur og Sólveigu Ás-
geirsdóttur, núverandi starfsmönn-
um LH.
Kappreiðum ekki
sjónvarpað
KAPPREIÐAR Fáks hafa verið
haldnar nú á hverjum fimmtudegi
frá 17. ágúst. Þeim hefur hins veg-
ar ekki verið sjónvarpað eins og til
stóð og enginn veðbanki er í
gangi.
Að sögn Þórðar Ólafssonar,
stjómarmanns í Fáki, tókst ekki
að semja um sjónvarpsútsending-
ar eins og stefnt var að. Því hafi
verið ákveðið að bjóða ekki upp á
veðmál, enda erfitt að koma því
við þegar ekki væri um beinar út-
sendingar að ræða.
Þórður sagði að þrátt fyrir að
svona hafi farið nú væri stefnt að
því að bjóða upp á sjónvarpsveð-
reiðar á næsta ári aftur.
Kappreiðamar fara fram á
Fáksvellinum í Víðidal. Mikil þátt-
taka hefur verið í öllum greinum,
nema helst 800 m stökki, og góðir
tímar hafa náðst.
Síðustu kappreiðarnar verða
fimmtudaginn 21. segtember og
hepast þær kl. 18.00. Úrslit kapp-
reiðanna em birt á heimasíðu
Fáks, www.fakur.is.
ÁSTUflD
Milli manns og hests...
... er
w
flSTUHDarhnakkur
FREMSTIR FYRIR GÆÐI