Morgunblaðið - 14.10.2000, Page 1
STOFNAÐ 1913
236. TBL. 88. ÁRG. LAUGARDAGUR14. OKTÓBER 2000 PRENTSMIÐJA MORGUNBLAÐSINS
Dregur úr átökum á
hernumdu svæðunum
Jerúsalem, Washington, Gaza. AP, AFP, The Daily Telegraph.
KOFI Annan, framkvæmdastjóri
Sameinuðu þjóðanna, sagðist í gær
búast við því að ráðamenn Israela
og Palestínumanna hittust á við-
ræðufundi í Egyptalandi innan
tveggja sólarhringa til að reyna að
koma á friði. Talsmaður Bills
Clintons Bandaríkjaforseta sagði í
gær að slíkur fundur „gæti orðið ár-
angursríkur" en áður höfðu Banda-
ríkjamenn lýst efasemdum um hug-
myndina.
Yasser Arafat, leiðtogi Palestínu,
krafðist þess að stjórn Ehuds Bar-
aks, forsætisráðherra ísraels,
drægi vopn og herlið á brott frá
hernumdu svæðunum, aflétti um-
sátri um borgir Palestínumanna og
samþykkti að alþjóðleg rannsóknar-
nefnd kannaði tildrög óeirðanna síð-
ustu vikur. Var búist við því að Ara-
fat gæfí endanlegt svar um þátttöku
í nótt eftir fund með ráðherrum sín-
um.
Lokuðu leiðum að al-Aqsa
Enn kom til átaka á svæðum Pal-
estínumanna í gær og féll einn Pal-
estínumaður en tugir særðust.
Heimildarmenn bentu á hinn bóginn
á að átökin í gær hefðu ekki verið
jafnhörð og blóðug og undanfarnar
tvær vikur og væru því auknar líkur
á að takast myndi að stilla til friðar.
Föstudagur er bænadagur músl-
ima og Israelar hindruðu múslima
undir 45 ára aldri í að halda til al-
Aqsa-moskunnar í Jerúsalem. Beitt
var táragasi til að stöðva grjótkast
nokkurra úr mannfjöldanum.
Hjálmklæddir lögreglumenn röð-
uðu sér upp við þröngar göturnar í
Gömlu borginni til að stöðva fólkið
sem jós yfir þá skömmum. Síðan
lögðu múslimar bænamottur sínar á
götuna og báðust þar fyrir.
Arafat hefur harmað morð á
tveimur ísraelskum hermönnum á
Vesturbakkanum á fimmtudag en
þeir eru sagðir hafa villst inn á
svæði Palestínumanna. Tjáði hann
Robin Cook, utanríkisráðherra
Breta, að hinir seku yrðu handtekn-
ir.
Mótmæli voru á Gaza-svæðinu í
gær og til skotbardaga kom milli
mótmælenda og ísraelskra her-
manna í varðstöð í Hebron. Felldu
hermenn 22 ára gamlan Palestínu-
mann. ísraelar fullyrtu að vopnaðir
menn hefðu leynst innan um mann-
grúann og skotið á hermennina.
■ Barak boðar/32
Júgdslavía
Rætt um
kosningar
í desember
Belgrad. AP, AFP.
BANDAMENN Vojislavs Kostunica,
forseta Júgóslavíu, tilkynntu í gær að
fulltrúar Sósíalistaflokks Slobodans
Milosevic, fyrrverandi forseta, hefðu
fallist á nýjar þingkosningar í desem-
ber. Þeir áttu þó eftir að ráðfæra sig
við flokksforystuna en þar eru nú
uppi kröfur um, að Milosevic verði
bolað burt.
Vladan Batic, fulltrúi stjórnarand-
stöðunnar, sagði í gær, að talsmenn
Sósíalistaflokksins hefðu samþykkt
að efnt yrði til þingkosninga 24. des-
ember nk. Staðfesti Nikola Sainovic,
talsmaður flokksins, það en sagði, að
flokksforystan yrði einnig að leggja
blessun sína yfir kosningadaginn.
Þjóðemisöfgamaðurinn Vojislav
Seselj, sem er aðstoðarforsætisráð-
herra Serbíu, hefur hvatt Kostunica
til að skipa strax nýjan forsætisráð-
herra sambandsríkisins Júgóslavíu
en hann á að vera frá Svartfjallalandi
vegna þess, að Kostunica er Serbi.
Milo Djukanovic, forseti Svartljalla-
lands, sem er hlynntur Vesturveldun-
um, hunsaði hins vegar kosningamar
24. september og hefur ekki viður-
kennt Kostunica sem forseta Júgó-
slavíu. Vegna þess hefur Kostunica
snúið sér til fyrrverandi bandamanna
Milosevic í Svartfjallalandi og hyggst
bjóða þeim forsætisráðherrastólinn.
Kostunica fékk í gær kærkominn
stuðning við viðleitni sína til að
mynda stjórn fyrir sambandsríkið er
James O’Brien, sérlegur erindreki
Bandaríkjastjómar í málefnum Balk-
anskagans, lýsti því yfír að bandarísk
stjómvöld væm mótfallin því að
Svartfjallaland segði sig úr lögum við
Júgóslavíu og lýsti yfir sjálfstæði. A
fundi með Djukanovic í Podgorica,
höfuðborg Svartfjallalands, hvatti
O’Brien forsetann til að ganga til við-
ræðna við Kostunica um leiðir til að
viðhalda sambandsríkinu.
Vilja Milosevic burt
Innan Sósíalistaflokksins heyrast
nú háværar kröfur um, að Milosevic
verði sparkað, og hafa t.d. áhrifamikl-
h’ menn eins og Borisav Jovie og Zor-
an Lilic hvatt til hreinsana í foryst-
unni. Segja þeir, að flokkurinn eigi
enga framtíð með hann í fararbroddi.
Búist er við, að úr þessu verði skorið
á þingi flokksins í næsta mánuði.
Reuters
fsraelskur lögreglumaður og Palestínumaður í Gömlu borginni í Jerúsalem skiptast á skammaryrðum í gær. Lögreglumenn meinuðu Palestínumönn-
um undir 45 ára aldri að fara í al-Aqsa-moskuna til bæna. Flestir Palestínumenn sem tekið hafa þátt í óeirðunum að undanfömu eru ungir að árum.
Rannsókn á sprensiutilræðinu sreen bandaríska tundurspillinum Cole heldur áfram
Böndin sögð bein-
ast að bin Ladem
Aden, Washington. AP, AFP.
ÖLLUM sendiráðum Bandaríkj-
anna í Mið-Austurlöndum og N-Afr-
íku, auk nokkurra sendiráða í viðbót
í Afríku og Asíu, var lokað tímabund-
ið í gær vegna ótta við frekari
hryðjuverk. Lokunin kom í fram-
haldi af sjálfsmorðsárás á banda-
ríska tundurspillinn USS Cole á
fimmtudag í höfninni í Aden í Jemen.
Sjö sjóliðar létust í árásinni, tíu er
saknað og eru þeir taldir af. Einnig
var sprengju varpað að breska send-
iráðinu í Jemen í gærmorgun en eng-
an sakaði.
Fjöldi bandarískra sérfræðinga
frá alríkislögreglunni (FBI), utan-
ríkisráðuneytinu og Pentagon var
mættur til að rannsaka vegsum-
merki í höfninni í Aden í gær.
Haft var eftir vestrænum stjórn-
arerindrekum í gær að sprengingin
virtist vera verk vel skipulagðs hóps
sem hefði góð sambönd á staðnum.
Tvenn hryðjuverkasamtök höfðu
lýst ábyrgð á verknaðinum á hendur
sér í gær, svonefndur Her Múham-
eðs og áður óþekktur hópur, Ógnar-
liðsmenn Islams. Fulltrúar fyrr-
nefnda hópsins hringdu í Omar
Bakri Mohammed, leiðtoga AI-
Muhajiroun, sem eru herská samtök
araba með aðsetur í London, og lýstu
yfir ábyrgð á verknaðinum. Her
Múhameðs hefur hingað til eingöngu
verið þekktur fyrir að starfa í fyrr-
verandi lýðveldum Sovétríkjanna.
Bakri tengist hryðjuverkamannin-
um Osama bin Laden en grunur
Bandaríkjamanna féll strax á hann.
Bandaríkin saka bin Laden um að
hafa skipulagt net hryðjuverka-
manna um Mið-Austurlönd og segja
hann standa að baki sprengjutilræð-
unum í sendiráðum Bandaríkjanna í
Kenýa og Tansaníu fyrir nokkrum
árum sem kostuðu 224 lífið.
Bandarískir sérfræðingar í
hryðjuverkum sögðu í gær líklegt að
bin Laden hefði komið við sögu í
sprengingunni. í samtali við The
Washington Post sagði Harvey
Kushner, sérfræðingur í hryðju-
verkum við Long Island-háskóla, að
verkið væri öruggiega a.m.k. að
hluta til á ábyrgð bin Laden. Auk
hans eigin manna væri fjöldi hryðju-
verkamanna á þessum slóðum sem
væru undir áhrifum frá honum.
Kushner benti einnig á að bin Laden
hefði lengi reynt að finna leið til að
ráðast á herskip.
„Hann hefur lengi leitast við að
kaupa lítinn kafbát, nú nýlega í
gegnum ættingja sinn í Bandaríkj-
unum, en komið var í veg fyrir það.“
MORGUNBLAÐH) 14. OKTÓBER 2000