Árbók Hins íslenzka fornleifafélags - 01.01.1981, Blaðsíða 162

166
ÁRBÓK FORNLEIFAFÉLAGSINS
son safnvörður og Ágúst Georgsson þjóðháttafræðingur um hana. Var byrjað
á að kanna rústir og aðrar minjar í Mosfellssveit og næsta nágrenni Reykja-
víkur, heimildir um byggð kannaðar og leitað til kunnugra manna um byggð
og mannvirki, en síðar farið á staðina og gerðar lýsingar. Vart er þó hægt að
segja, að skráningunni hafi verið fundið endanlegt form.
Margrét Gísladóttir vann að viðgerðum textila eins og áður, bæði þeirra,
sem í eigu safnsins eru og eins nokkurra í eigu kirkna. Vann hún fyrra hluta
ársins fyrir fé Þjóðhátíðarsjóðs, en síðara hluta ársins fékk hún greitt af föstu
rekstrarfé safnsins.
Gengið var frá pöntun á lyftu í safnhúsið, sem lengi hefur staðið til að fá.
Hins vegar tókst ekki að fá fé til að hefjast handa um breytingar á íbúðinni á
neðstu hæð, sem áformað er að breyta í skrifstofuhúsnæði. Teknir voru brott
stórir miðstöðvarkatlar, sem aldrei hafa verið notaðir síðan lögð var hitaveita
í húsið og voru aðeins til óþurftar. Nokkuð var gert við hitakerfi hússins, en
ljóst er að þess bíður stórfelld viðgerð.
lim þjóðháttadeild hefur Árni Björnsson safnvörður samið eftirfarandi
skýrslu:
,,Á árinu voru sendar út tvær spurningaskrár, nr. 41 og 42. Hin fyrri var
um neysluvatn og öflun þess, vatnsból, bæjarlækinn, regnvatn, vatnsburð,
lækningalindir, vatnsleiðslur o.s.frv. Hin síðari fjallaði um félagslíf og sam-
komur, samkomuhús, dansleiki, íþróttalif, leikstarfsemi, sönglíf, ungmenna-
félög, kvenfélög, sveitarblöð o.fl. 174 númer bættust í heimildasafn deildar-
innar, og voru þau orðin 4966 í árslok.
Starfsmaður deildarinnar, Árni Björnsson, var í rannsóknarleyfi til 15.
ágúst og dvaldist þá m.a. tvo mánuði í Kiel fyrir styrk frá Deutscher Akademi-
scher Austauschdienst. Á meðan annaðist Hallgerður Gísladóttir þjónustu á
deildinni i hlutastarfi og lauk m.a. við að skrásetja til geymslu og ganga frá af-
urðum heimildasöfnunar stúdenta frá 1976, þ.e. kassettum, rituðu efni og
ljósmyndum. Nú hefur verið skrifað upp af langflestum kassettum sem inn
komu þetta sumar, þær voru 357, en hinar orðteknar. Liggur eftir skrá yfir
allt ritað efni (3500 síður) ásamt kassettum í landfræðilegri röð miðað við
upprunahérað frásagnanna, með efnisyfirliti. Þá eru einnig teikningar og upp-
drættir, sem inn komu, skráð í landfræðilegri röð, og að lokum var gerð
spjaldskrá yfir alla heimildarmenn (456 nöfn), sem talað var við þetta sumar,
með tilvísun í heimildir, sem skráðar voru eftir þeim eða viðtöl á kassettum.
Þá liggja nú fyrir skýrslur, þar sem tekin hafa verið saman meginatriðin í
því, sem fram kom á hverju svæði fyrir sig, unnar upp úr því efni, sem safn-
aðist. Þessar skýrslur verða væntanlega sendar til skjalasafna úti um landið.
Eins hefur verið tekið saman sérstaklega allt, sem fram kom um myllur og sel,