Eimreiðin - 01.05.1901, Blaðsíða 29

109
byggingu, sem dýrib hefur við fæðinguna. Pessi kenning hefur
það fram yfir hina, að hún byggist á nákvæmum rannsóknum,
sem hægt er að sannfærast um, að séu réttar, fyrir þá, sem hafa
þekkingu og tæki til þess.
Vér höfum fengið yfirlit yfir myndunarsögu hinna einstöku
dýra og höfum séð, að þau verða eigi til í einu vetfangi, heldur
smátt og smátt gegnum stöðuga framþróun.
Berum vér þetta saman við það, sem vér nú vitum um upp-
runa og vöxt dýraríkisins í heild
sinni frá elztu tímabilum jarðar-
innar, sem bera fyrstu menjar um-
dýralíf fram til vorra daga, þá
sjáum vér einkennilegt samræmi.
I jarðlögunum hafa fundist
fjölda mörg steingjörð dýr, beina-
grindur og aðrar menjar um dýr,
sem löngu eru útdauð; af þessum
leifum getum vér gjört oss hug-
mynd um dýralífið á ýmsum tímum.
því eldri sem jarðlögin eru, þess
ófullkomnari eru dýrin, sem þau
hafa að geyma, en því yngri sem
þau eru, þess fjölbreyttari og full-
komnari verða tegundirnar, og því
nær sem dregur vorum tímum,
því líkari verða dýrin þeim, sem
nú lifa. Hinn nafnfrægi náttúru-
fræðingur Darwin (ý 1882) hefur
af þessu leitt þær ályktanir og
tilfært fjölda dæma og sannana, að öll dýr séu upphaflega af
sama bergi brotin, að allir flokkar dýranna hafi kvíslast út frá sama
ættstofni. Dýrin séu stöðugum breytingum undirorpin, að bre:yt-
ingarnar gangi í erfðir meira eða minna og að þannig myndist
stöðugt nýjar og frábrugðnar tegundir. Petta verði eigi með neinu
pðflugi heldur smátt og smátt; á þeim stutta tíma, sem vér höf-
um tækifæri til aö athuga náttúruna, virðist oss hún standa í stað,
en þeirra smábreytinga, sem stöðugt eiga sér stað, gæti mikils á
þeim langa tíma, ef til vill miljónum ára, sem dýr hafa lifað á
jörðu vorri. Alt dýraríkið eigi ætt sína að rekja til einnar eða
1 og 2 hundsfóstur (6 og 8 vikna).
3 og 4 barnsfóstur (6 og 8 vikna).
5. mynd.