Ársrit Ræktunarfélags Norðurlands - 01.01.1981, Síða 31

orkuþéttni. Með aukinni orkuþéttni (þ.e. aukinn hluti kjarn-
fóðurs) eftir það, helst orkuneysla óbreytt, en þurrefnisát
minnkar. Slíku ástandi geta hæglega fylgt meltingartruflanir.
Fjölgun gjafa á sólarhring eykur át og jafnar gerjunar- og
sýrustig í vömb. Breskar heimildir herma, að hún auki fitu-
innihald mjólkurinnar, einkum ef kjarnfóðurgjöf er mikil.
Fóðrunarkerfi.
Nú á dögum tala fagmenn og fræðingar helst um þessi fjögur
fóðrunarkerfi:
r*
1. Fóðrun samkvæmt meðalmjaltalínuriti („standard
laktasj onskurve“).
2. Jöfn (,,flat-rate“) notkun kjarnfóðurs fyrstu vikur
mjaltaskeiðsins.
3. Fóðrun eftir lyst, á blöndu af gróffóðri og kjarnfóðri,
svonefndu heilfóðri. („komplett for“).
4. Norm-fóðrun.
Fóðrun samkvœmt afurðalínuriti byggist á því, að fóðuráætlun
er unnin út frá stöðluðu meðalmjaltalínuriti. Á mjaltaskeið-
inu breytist kjarnfóðurgjöfin jafnt fyrir allar kýr, án tillits til
nythæðar. Kúnum er gefið eins mikið hey og þær vilja éta, og
munu þær, sem mjólka meira en í meðallagi, reyna að vinna
fóðurþörfina upp með auknu gróffóðuráti. Hið gagnstæða á
við um kýr, sem mjólka undir meðalnyt. Samt sem áður er
hætt við einhverri undirfóðrun bestu kúnna, og að þær lök-
ustu fái óþarflega mikið.
Aðalkostur þessa kerfis er hve auðvelt það er í framkvæmd,
jafnvel í lausagöngufjósi. Þar sem gera má hagstæð kjarnfóð-
urkaup má hugsa sér að hafa kjarnfóðurskammtinn svo stór-
an, að hann nægi jafnvel fyrir bestu kýrnar. Þetta eykur þó
líkurnar á óþarfa fóðureyðslu. Kerfið virðist því síður henta
smærri búum, þar sem áhersla er lögð á miklar afurðir á grip,
góða fóðurnýtingu og sem hagkvæmasta notkun kjarnfóðurs.
Jafnfóðrunarkerfið miðast við, að hjá öllum kúnum sé kjarn-
fóðurgjöf haldið jafnri í nokkurn tíma. Hinn danski Öster-
33