Ársrit Ræktunarfélags Norðurlands - 01.01.1981, Qupperneq 50

STARFSSKÝRSLUR 1980-81
Til aðalfundar Rœktunarfélags Norðurlands 1. september 1981.
I. SKÝRSLA JÓHANNESAR SIGVALDASONAR
Inngangur.
Á síðasta ári mjög síðla varð sú breyting á mínum högum, að
ég ákvað að taka við nýju starfi, sem mér bauðst eftir umsókn
hjá Iðnaðardeild Sambands íslenskra samvinnufélaga á Ak-
ureyri. Sagði ég því þá starfi mínu hjá Ræktunarfélaginu
lausu frá 1. apríl s.l. og hætti fastri vinnu hjá félaginu í
samræmi við það. Að samkomulagi hefur þó orðið, að ég hafi
bókhald og greiðslur til næstu áramóta auk þess sem áætlað er
að ljúka nokkrum verkefnum sem legið hafa hálfkláruð.
Formsins vegna er ég þó um stundarsakir skráður í einn fjórða
stöðu hjá félaginu á meðan óráðstafað er þeim parti af minni
gömlu stöðu, en Bjarni Guðleifsson er enn aðeins ráðunautur
félagsins að þrem fjórðu.
Mín skýrsla verður því stutt. Fyrst einkenndust störfin af
vanabundinni vinnu haustsins með heyefnagreiningum og
öðru heimaverki og á þeim parti miðsvetrar sem ég var enn
við störf fór margt í snúninga tengt því að nú leið að þeim degi
að ég hætti. 1 hefðbundnum stíl verður þó hér á eftir það
helsta rakið sem að höndum bar.
Jarðvegsefnagrein ingar.
Á liðnu hausti bárust Rf. jarðvegssýni frá Búnaðarsambandi
Eyjafjarðar og Vestur-Húnvetninga. 1 vor bættust svo í safnið
sýni frá Austur-Húnvetningum, Skagfirðingum og úr Suð-
ur-Þingeyjarsýslu.
52