Ársrit Ræktunarfélags Norðurlands - 01.01.1981, Page 53

janúarlok. Afgreiðsla á vörum var að mestu lokið um miðjan
maí. Seldar vörur voru í svipuðu magni og í fyrra.
Lokaorð.
Öllu samstarfsfólki og öðrum sem ég í mínu starfi hefi átt
samskipti við, vil ég þakka samveru og samstarfið þessi ár sem
ég hefi unnið hjá Ræktunarfélaginu.
II. SKÝRSLA ÞÓRARINS LARUSSONAR
Heyefnagreiningar.
Á töflu þeirri sem hér fylgir, gefur að líta fjölda þátttakenda,
sýna og meðalfóðurgildi og efnamagn í heyi frá sumrinu 1980
eftir búnaðarsambandssvæðum. Fjöldi þátttakenda og sýna
er eilítið meiri en árið 1979. Fóðurgildið er 2,03 kg/FE nú, en
var 2,16 eftir hið illræmda sumar 1979. Þetta segir þó ekki
mikið. Má t.d. benda á að heyið er lakara í Húnavatnssýslum
og þó sérstaklega í Austursýslunni nú en 1979, en afgerandi
betra i Þingeyjarsýslum og þó einkum í Norðursýslunni nú en
1979. Sýnir þetta enn einu sinni hversu lítils bændur, þrátt
fyrir bætta heyskaparaðstöðu, mega sín gegn náttúruöflunum
í heyverkunarmálum.
Það fer þó varla á milli mála að bændur, einkum á vestur-
kjálkanum, hafa beðið of lengi með sláttinn sumarið 1980.
Ljósi punkturinn er votheysverkunin. T.d. lækkaði sýrustigið
úr 4,42 1979 í 4,21 1980 að meðaltali og fóðurgildið var mun
betra 1980.
55