Ársrit Ræktunarfélags Norðurlands - 01.01.1981, Qupperneq 65

Einnig starfaði Aðalbjörn Benediktsson með nefndinni
við könnun votheysverkunar.
Þórarinn gerði grein fyrir hvað heimaöflun væri og í
hverju gildi hennar fælist. í máli hans kom fram, að þeir
bændur sem búa mest að sínu, séu óháðari utanaðkom-
andi áhrifum og hafa þar af leiðandi jafnari afkomu en
þeir sem byggja í ríkum mæli á aðkeyptum aðföngum.
Þess má geta, að í Frey hafa birst greinar eftir alla
nefndarmennina um nokkur atriði heimaöflunar. Hug-
myndin er, að skýrsla nefndarinnar verði fjölrituð og send
þeim er þennan fund sitja. Þá hefur stjórn Rfl. Nl. einnig
í huga, að boða til fundar síðar í haust með formönnum
búnaðarsambandanna og ráðunautum, þar sem þessi
mál yrðu nánar rædd.
Jóhannes Sigvaldason las upp reikninga félagsins og
skýrði þá. Lágu þeir fyrir í fjölriti. Niðurstöðutölur af
rekstrarreikningi voru 38.618.220 gkr. og rekstrarhagn-
aður 1.528.857 gkr. Niðurstöðutölur efnahagsreiknings
voru 7.481.004 gkr. og hrein eign til næsta árs 4.964.271
gkr. Sérreikningar fylgja aðalreikningi fyrir Styrktarsjóð
Rfl. Nl. og útgáfu Berghlaups.
Hófust nú umræður um skýrslur og reikninga. Fyrstur
tók til máls Aðalbjörn Benediktsson og gerði að umtals-
efni skýrslu Þórarins og þá fyrst og fremst það sem hann
hafði sagt um höfðingjasleikjuskap V.-Húnvetninga. Að-
albjörn ræddi einnig um hámarksafurðastefnuna og dró í
efa að hún væri það eina rétta.
Teitur Björnsson flutti stjórn félagsins og starfsmönn-
um þakkir fyrir vel unnin störf áliðnu ári. Sérstakar þakkir
færði hann Jóhannesi Sigvaldasyni fyrir hans störf hjá
félaginu og gat þar m.a. uppgötvunar Jóhannesar á
brennisteinsskorti í túnum. í lok máls síns bauð Teitur
Bjarna Guðleifsson velkominn til starfa hjá félaginu.
Eggert Ólafsson tók undir orð Teits. Ræddi hann um
kal i túnum og lét í ljós von sína um verulega auknar
kalrannsóknir með tilkomu Bjarna Guðleifssonar til Rfl.
Nl.
67