Ársrit Ræktunarfélags Norðurlands - 01.01.1982, Side 14

Á umræddu tímabili hefur löng röð kennara starfað við
skólann, bæði á sviði almennrar búfræði svo og við kennslu
þeirra greina er tilheyra almennri fræðslu, enda var það
löngum hlutverk skólans að veita almenna leiðsögn á þeim
sviðum sem alþýðuskólar og gagnfræðaskólar eru sérhæfðir til
að sinna.
Þá má einnig geta þess, að síðustu tvo áratugina hefur
starfsemin á Hólum oltið á ýmsu og hlotið að sæta öldugangi
aldarfars og mannlegra viðhorfa. Skulu þau atriði ekki rakin
frekar hér, þau eru einnig þekkt í vitund samtiðarinnar, bæði
á bylgjuhryggjum og í öldudölum, en aðeins einu sinni,
1980-1981, hefur þar á orðið sá bláþráður, sem slitnaði svo að
kennsla með venjulegu sniði féll niður.
Margar skýringar hafa verið færðar á vettvang, er sanna
skyldu hvað olli umræddum ölduföllum, en varla leikur vafi á
að efnahagsleg aðstoð hins opinbera hefur átt þar verulegan
þátt, því að fjárveitingar til viðhalds og búnaði öllum til
nútíma sniðs voru um áraröð svo naumar, að aðbúnaður til
handa nemendum og kennurum og kennslutækjum staðnaði,
þegar framfarir annarra skóla á þessum sviðum sigldu hrað-
byri og nutu til þess efnahagsaðstoðar.
Á Hólum var húsakostur orðinn forn og umfram allt naut
staðurinn ekki þeirra hlunninda og þæginda, sem ríkti í
mörgum skólum síðustu áratugina, þar vantaði heita vatnið
sem ýmsir aðrir skólar nutu í ríkum mæli. Misvægi í fjárveit-
ingum til tveggja starfandi búnaðarskóla í landinu var á
vissum timum svo freklegt til fjárfestinga og framtiðarbún-
aðar, að þá var skólinn á Hólum algjör hornreka, en það segir
sitt um viðhorf ungmenna til sóknar þar sem allt er i stöðnun.
Forn húsakostur og skortur á heitu vatni hefur þar áreiðan-
lega vegið þungt, en með nýfengnum umbótum á báðum
þessum þáttum hefur ný öld og nýr dagur færst á vettvang
starfseminnar, sem vonandi reynast traustir burðarásar i
hlutverkaafgreiðslu skólans — Bændaskólans á Hólum, eins
og hann nú heitir samkvæmt síðustu löggjöf um þessi efni.
Virkjun heitu laugarinnar á Reykjum i Hjaltadal og leiðsla
vatnsins heim að Hólum, svo og upphaf að verkefnum nýrra
16