Ársrit Ræktunarfélags Norðurlands - 01.01.1982, Page 37

fjarlægja margra áratuga gamla berjarunna og planta nýjum
í staðinn?
Oll þessi vanræksla veldur því að runnarnir gefa litla upp-
skeru, en þeir gætu gefið margfalt meiri með réttri meðferð.
Hver rifsrunni getur gefið af sér 5-6 kg af berjum og jafnvel
enn meir, og hver sólberjarunni 2-3 kg. Það er ómetanlegt
fyrir börn og fullorðna að geta skroppið út í garð og borðað
ber eða að fá nýtínd ber með rjóma í ábæti. Auðvelt er að
frysta ber og geyma þau þannig og allir þekkja notkun þeirra
í sultu og saftir. En mesta tilbreytingin er að fá þau ný, og
þannig hafa þau einnig mest næringargildi.
Ber eru auðug af sumum vítamínum og steinefnum. Það er
fyrst og fremst C-vítamín sem talsvert er af í öllum berjum.
Einkum eru sólber mjög C-vítamínauðug. Nokkuð er af
A-vítamíni í sólberjum og stikilsberjum. Auk þessa er mikið af
kolvetnum í sólberjum og jarðarberjum, einnig járn, fosfór og
kalk. Eins og sjá má af þessari upptalningu eru sólber nær-
ingarríkust, og þau hafa verið notuð erlendis gegn smitsjúk-
dómum í öndunarfærum.
Til vinstri: Sólber. Til hœgri: Stikilsber. (Úr Martins Havebog).
39