Ársrit Ræktunarfélags Norðurlands - 01.01.1982, Page 63
ÞÓRARINN LÁRUSSON:
HEYGÆÐI OG SLÁTTUTÍMI
Inngangur.
Heygæði mæld í kg í FE hafa verið mjög upp og ofan siðan
ákvarðanir á fóðurgildi heyja hófust hjá Ræktunarfélagi
Norðurlands eins og sjá má á meðfylgjandi töflu.
Því miður þarf ekki að gaumgæfa töflu þessa lengi til að sjá,
þegar á heildina er litið og árið 1972 er frá skilið, en þá var
mjög slæmt heyskaparsumar en sýni fá, að fóðurgildi hefur
farið versnandi svo að segja ár frá ári. I stórum dráttum má
segja að veðurfarið á hverjum stað endurspegli nokkuð hey-
gæðin, en tólfunum kastar árin 1979 og 1981, en bæði voru
köld og sláttur hófst mjög seint. Þótt árið 1980 væri algjör
andstæða þeirra veðurfarslega, er heyið lítið betra. Hafa
menn þá vafalaust beðið of lengi með að byrja að slá og hvergi
nærri haft við sprettunni.
Með þeirri tækni, sem nú er á boðstólum við heyskap, ættu
veðurfarsþættir tæpast að hafa eins mikil áhrif á heygæðin og
raun ber vitni um. Sannast þetta á því, að í öllum héruðum er
viss hópur bænda sem ætíð nær góðum heyjum, jafnvel í
versta árferði.
Hvort tæknin í sjálfu sér hefur haft mikla þýðingu í þessu
efni skal ósagt látið. Hinu má slá föstu að þeir sem ætíð ná inn
góðum heyjum hafa að öllum líkindum tileinkað sér ákveðna
heyskaparhætti, bæði sláttutíma og verkun, og aðlagað ákv-
eðna tækni að þeim, en ekki öfugt.
5
65